Agriculture news in Marathi The trader's ploy to sell tires at the NAFED center failed | Page 2 ||| Agrowon

नाफेड केंद्रावर तूर विकण्याचा व्यापाऱ्याचा डाव फसला

टीम अॅग्रोवन
मंगळवार, 2 जून 2020

अमरावती ः शेतकऱ्याच्या नावावर नोंदणी करुन हमीभाव केंद्रावर तूर विकण्याचा प्रयत्न एका व्यापाऱ्याकडून झाल्याचा धक्‍कादायक प्रकार समोर आला आहे. अचलपूर बाजार समितीने याची गंभीर दखल घेतली आहे.

अमरावती ः शेतकऱ्याच्या नावावर नोंदणी करुन हमीभाव केंद्रावर तूर विकण्याचा प्रयत्न एका व्यापाऱ्याकडून झाल्याचा धक्‍कादायक प्रकार समोर आला आहे. अचलपूर बाजार समितीने याची गंभीर दखल घेत अडते, व्यापारी व शेतकऱ्याला नोटीस बजावत मंगळवारी (ता. २) सुनावणीस हजर राहण्याचे बजावले आहे.

व्यापारी रवी गुप्ता यांनी अडते मोनेश ट्रेडर्सचे संचालक मधुसूदन अग्रवाल यांच्याकडून शुक्रवारी (ता. २९) मे रोजी तूर विकत घेतली. परंतू, बिल गव्हाचे घेतले. अमरावती मार्गावरील बाजार समितीच्या प्रवेशव्दारावर गहू या शेतमालाचाच सेस भरुन वाहन आवाराबाहेर नेले. ते वाहन थेट टीएमसी यार्ड गेटमधून शासकीय हमीभाव केंद्रावर पाठविण्यात आले. शासकीय हमीभाव केंद्रावर एका वादग्रस्त संस्थेव्दारा तूरीची खरेदी होत आहे. त्याच ठिकाणी व्यापारी रवी गुप्ता यांच्याव्दारे तूर विकण्याचा प्रयत्न झाला.

दरम्यान या प्रकाराचा खुलासा झाल्यानंतर चांगलीच खळबळ उडाली. बाजार समितीमधून थेट हमीभाव केंद्रावर पोहचलेल्या त्या वाहनात गव्हाऐवजी तूर होती व त्या मालाचे मोजमाप सुरू होते. ही बाब गंभीर स्वरुपाची असल्याचे नोटीसमध्ये म्हटले आहे. या दरम्यान अडते मोनेश ट्रेडर्सला विक्री पुस्तकाचा गैरवापर केल्याबाबत खुलासा मागण्यात आला आहे.

अडत दुकानातून तूर विकत घेतल्यानंतर त्याचेच बिल बनविणे अपेक्षित होते. परंतु गहू या कृषीमालाचे बिल तयार झाले. बिलानुसार गव्हाचाच सेस रवि गुप्ता यांनी भरल्याचेही नोटीसीमध्ये म्हटले आहे. शेतकऱ्याच्या नावे व्यापाऱ्याने मोजलेली १३ क्‍विंटल तूर बाजार समितीने जप्त केली आहे. हे प्रकरण आता कोणते वळण घेते याकडे सर्वांचे लक्ष्य लागले आहे.

शेतकऱ्यांना देखील बजावली नोटीस
सावळी येथील शेकरी हरिभाऊ गावंडे आणि किसनराव गावंडे यांनाही बाजार समितीने नोटीस बजावली आहे. हमीभाव केंद्रावर पंचनामा करतेवेळी हजर नव्हते तरी कृषीमालाची नोंदणी रजिस्टरमध्ये कोणी केली, याबाबत त्यांना खुलासा मागण्यात आला आहे.

व्यापारी रवी गुप्ता, अडते मधुसूदन अग्रवाल तसेच ज्या शेतकऱ्यांच्या नावावर नोंदणी करुन तूर विकण्याचा प्रयत्न झाला. त्या सर्वांनाच चौकशीकामी बोलावले आहे. त्यातील तथ्या आधारे पुढील कारवाईचा निर्णय घेतला जाणार आहे.
- मंगेश भेटाळू, सहाय्यक सचिव, बाजार समिती, अचलपूर


इतर ताज्या घडामोडी
सांगली जिल्ह्यात खते, बियाण्यांच्या ६९...सांगली :‘कृषी विभागाने जिल्ह्यातील ६९ किटकनाशके,...
परभणी जिल्ह्यात आधार प्रमाणिकरणाचे २९...परभणी : महात्मा जोतिराव फुले शेतकरी कर्जमुक्ती...
सजीव प्रजातींची सर्वमान्य यादी...पृथ्वीवरील सर्व ज्ञात प्रजातींची जागतिक पातळीवर...
नाशिक जिल्ह्यात सोयाबीन बियाणे न...नाशिक : खरिपाच्या सुरुवातीला चांगला पाऊस झाला....
वऱ्हाडात कृषी विक्रेत्यांचा कडकडीत बंदअकोला : सोयाबीन बियाणे न उगवल्या प्रकरणी...
नाशिक जिल्ह्यात कृषी निविष्ठा...नाशिक : कृषी निविष्ठा विक्री केंद्रांवरील...
विदर्भात दहा हजार कृषी केंद्रांना टाळेनागपूर : कृषी विक्रेत्यांच्या न्याय्य...
पुणे जिल्ह्यात कृषी सेवा केंद्रे बंदपुणे : महाराष्ट्र फर्टिलायझर्स, पेस्टीसाईड्स...
सोलापुरात कृषी सेवा केंद्रांचा बंद...सोलापूर : बियाणे उगवणीबाबत झालेल्या तक्रारीच्या...
‘जिल्हा परिषद, ग्रामपंचायत अधिकारी, ...मुंबई : कोरोना विषाणूचा प्रादुर्भाव रोखण्यासाठी...
थेट विक्री बंदीची नोटीस मागे घ्या,...पुणे ः शेतकऱ्यांना पुणे शहरात थेट शेतमाल विक्रीला...
हमाल कोरोनाग्रस्त, जळगावात खतांचे रेक...जळगाव ः मालधक्क्यावर रेल्वे रेक रिकामे करणाऱ्या...
भात रोपवाटिकेत खोडकिडीचा प्रादुर्भावऑक्टोबर, नोव्हेंबरमध्ये खरिपातील भात पीक...
परभणीत भेंडी १२०० ते २००० रुपये...परभणी : ‘‘येथील पाथरी रस्त्यावरील फळे, भाजीपाला...
केळीवरील करपा रोगाचे नियंत्रणसध्या केळी पिकाच्या पील बागेत करपा रोगाचा...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...