agriculture news in marathi, training on animals medical treatment, nagar, maharashtra | Agrowon

पशू प्रथमोपचारासाठी औषधी वनस्पती फायदेशीर : डॉ. अविनाश देव

टीम अॅग्रोवन
बुधवार, 15 मे 2019

नगर  : रासायनिक औषधांच्या वापरामुळे जनावरांच्या आरोग्यावर विपरीत परिणाम होतो. आजारामुळे दूध उत्पादनात घट येते, हे लक्षात घेऊन औषधी वनस्पतींचा पशू उपचारात वापर उपयुक्त दिसतो, असा सल्ला बायफ संस्थेचे कार्यक्रम समन्वयक डॉ. अविनाश देव यांनी दिला. 

नगर  : रासायनिक औषधांच्या वापरामुळे जनावरांच्या आरोग्यावर विपरीत परिणाम होतो. आजारामुळे दूध उत्पादनात घट येते, हे लक्षात घेऊन औषधी वनस्पतींचा पशू उपचारात वापर उपयुक्त दिसतो, असा सल्ला बायफ संस्थेचे कार्यक्रम समन्वयक डॉ. अविनाश देव यांनी दिला. 

गोदावरी खोरे नामदेवरावजी परजणे पाटील तालुका सहकारी दूध उत्पादक संघाच्या कार्यस्थळावर पुणे येथील बायफ संस्थेतर्फे पारंपरिक पशुऔषधोपचार पद्धतीची ओळख आणि जागृती या विषयावर प्रशिक्षण कार्यक्रम आयोजित करण्यात आला होता. प्रशिक्षणात संकरित गोपैदास केंद्रातील पशूतज्ज्ञ सहभागी झाले होते. या वेळी डॉ. देव बोलत होते. संघाचे अध्यक्ष राजेश परजणे पाटील अध्यक्षस्थानी होते. प्रारंभी आणंद (गुजरात) येथील भारतीय राष्ट्रीय सहकारी डेअरी फेडरेशन लि. या महासंघाच्या संचालकपदी निवड झाल्याबद्दल श्री. परजणे पाटील यांचा बायफ संस्थेच्यावतीने सत्कार करण्यात आला.

या वेळी डॉ. देव म्हणाले, की जनावरांच्या आजारावर उपचार करण्यासाठी औषधी वनस्पतींचा वापर फायदेशीर आहे. त्यामुळे जनावरांचे आरोग्य चांगले राहाते. तसेच खर्चही कमी येतो.  जनावरांवर उपचारासाठी उपयुक्त वनस्पतींचे संवर्धन करण्याची गरज आहे. या वनस्पतींची शेताच्या बांधावर लागवड करावी. पूर्वीपासून आपल्याकडे जनावरातील रोगप्रतिकारशक्ती वाढावी, कृमीनाशक आणि कफनाशक म्हणून औषधी वनस्पतींचा वापर केला जात होता. तुळस, भुईआवळी,  अश्वगंधा, शतावरी, कडुनिंब, कंबरमोडी, मेंदी यांसारख्या अनेक औषधी वनस्पती आपल्या अवतीभोवती आहेत. त्यांचा उपयोग योग्य प्रमाणात केल्यास जनावरांचे आरोग्य चांगले राहू शकते.

बायफ संस्थेने औषधी वनस्पतींच्या प्रसार आणि त्यांच्या पशू उपचारात उपयोग वाढविण्यासाठी हाती घेतलेला उपक्रम पशुपालकांच्यासाठी फायदेशीर आहे. गोदावरी दूध संघाच्या कार्यक्षेत्रात या उपक्रमाचा प्रारंभ येत्या २१ जूनपासून करण्यात येणार असल्याची माहिती राजेश परजणे पाटील यांनी दिली.

कार्यक्रमाला बायफचे कार्यक्रम अधिकारी सदाशिव निंबाळकर, कार्यक्रम समन्वयक रोहिणी गाडे, नाशिक येथील डॉ. शब्बीरोद्दीन शेख, विभागीय अधिकारी डॉ. बाळासाहेब जिगळेकर, प्रकल्प अधिकारी सुधाकर बाबर, भालचंद्र राऊत आदी उपस्थित होते.


इतर ताज्या घडामोडी
शहरातील आठवडे बाजारांवर महापालिका...पुणे ः शेतकऱ्यांच्या शेतमालाला मध्यस्थाशिवाय थेट...
अखाद्य वस्तूंमुळे जनावरांना होणारे अपाय जनावरांना होणारे सर्वसामान्य संसर्गजन्य आजार हे...
परभणी जिल्ह्यात कृषी, पशुसंवर्धनासाठी...परभणी ः ‘‘परभणी जिल्हा परिषदेच्या यंदाच्या...
काबुली हरभऱ्याचा दर आठ हजार रुपयांवरजळगाव  ः  खानदेशात काबुली हरभऱ्याची आवक...
‘रोटेशनप्रमाणे धरणाच्या पाण्याचे वाटप...सातारा :  ‘‘या वर्षी चांगला पाऊस पडला....
सर्वोच्च न्यायालयाच्या निकालानंतर ...अकोला : इतर मागासप्रवर्गासाठी (ओबीसी) असलेल्या २७...
‘भरड धान्य खरेदी केंद्रांसाठी तातडीने...जळगाव  ः जिल्ह्यात रब्बी हंगामात फक्त मका...
तापमानात वाढ होण्यास सुरुवातमार्च महिन्याच्या सुरुवातीपासूनच महाराष्ट्रावरील...
तेलकट डाग रोग व्यवस्थापनाच्या सहा...तेलकट डाग रोग (बॅक्टेरियल ब्लाइट किंवा बीबीडी)...
‘जलयुक्त’च्या कामाची धारवाडी, चिचोंडीत...नगर : जलयुक्त शिवार अभियानातील तक्रारी असलेल्या...
अकोला जिल्हा परिषदेत ओबीसी सदस्यांवर...अकोला : इतर मागास प्रवर्गासाठी (ओबीसी) असलेल्या...
उत्तर सोलापुरात २३ गावांचे होणार...सोलापूर : ‘‘गावठाणातील जमिनींचे ड्रोनद्वारे...
सूक्ष्म अन्न प्रक्रिया उद्योगांना...औरंगाबाद : ‘‘असंघटित क्षेत्रातील सूक्ष्म अन्न...
खानदेशात जलसाठा मुबलक जळगाव : खानदेशात विविध प्रमुख सिंचन...
हरभरा दर सुधारल्याने नांदेडचे शेतकरी...नांदेड : ‘‘केंद्र शासनाच्या किमान हमी दरानुसार...
परभणी जिल्ह्यात तुती लागवडीसाठी ५८५...परभणी ः ‘‘महारेशीम अभियानांतर्गत रेशीम शेती...
साताऱ्यात ४३१ कुटुंबांच्या घराचे स्वप्न...कऱ्हाड : ग्रामविकास मंत्री हसन मुश्रीफ यांनी १००...
सामूहिक गट शेतीतील ऊस तोडणीस सुरुवात नाशिक : सटाणा तालुक्यातील शेवरे येथील द्वारकाधीस...
परभणी जिल्ह्यातील हरभऱ्याचा पीकविमा...परभणी ः लिमला (ता. पूर्णा) तसेच परिसरात यंदा...
ओबीसी आरक्षणाच्या संरक्षणासाठी शासनाची...मुंबई : राज्यातील धुळे, नंदुरबार, नागपूर, अकोला,...