agriculture news in Marathi transaction cancel by traders in pune and mumbai Maharashtra | Page 2 ||| Agrowon

पुणे, मुंबईत व्यापाऱ्यांकडून उद्यापासून बाजार समित्यांत व्यवहार बंद

टीम अॅग्रोवन
मंगळवार, 24 मार्च 2020

राज्यातील बाजार समित्या सुरूच राहणार असल्या; तरी पुणे, मुंबईसह काही बाजार समित्यांतील व्यापारी आणि कामगार संघटनांनी व्यवहार न करण्याचा निर्णय घेतला आहे.

पुणे: राज्यातील बाजार समित्या सुरूच राहणार असल्या; तरी पुणे, मुंबईसह काही बाजार समित्यांतील व्यापारी आणि कामगार संघटनांनी व्यवहार न करण्याचा निर्णय घेतला आहे. मात्र, जे शेतकरी आपला माल बाजार समितीमध्ये आणतील त्यांना शेतीमाल विक्रीच्या सुविधा बाजार समित्यांनी उपलब्ध करून द्याव्यात, असे आदेश राज्याचे पणन संचालक सुनील पवार यांनी दिले आहेत.

कोरोना विषाणूचा प्रादुर्भाव वाढू नये म्हणून राज्यभरात सरकारकडून उपाय योजना करण्यात येत आहे. मात्र, बाजार समित्यांत होणार गर्दी लक्षात घेऊन पुणे, मुंबईतील व्यापारी आणि कामगार संघटनांना व्यवहार न करण्याचा आणि काम बंद ठेवण्याचा निर्णय घेतला आहे. दुसरीकडे भाजीपाला, अन्नधान्य अत्यावश्‍यक सेवेत मोडत असल्याने आणि नागरिकांची गैरसोय होऊन नये म्हणून बाजार समित्या सुरूच ठेवण्याचा निर्णय पणन संचालकांनी घेतला आहे. 

दरम्यान, अडते असोसिएशनचे अध्यक्ष विलास भुजबळ म्हणाले, ‘‘कोरोना विषाणूचा संसर्ग आणि फैलाव रोखण्यासाठी सर्व बाजार घटकांनी शुक्रवार (ता. २०) ते रविवार (२२) पर्यंत बाजार आवार बंद ठेवण्याचा निर्णय घेतला होता. सोमवारी (ता. २३) बाजार सुरू झाल्यानंतर बाजारात येणाऱ्या विविध घटकांची संख्या सुमारे २५ हजार एवढी असते. यामुळे सर्वच घटक कोरोना विषाणूच्या संसर्गाला घाबरलेला आहे. यामुळे अडते असोसिएशनच्या सर्वसाधारण सभेमध्ये सर्व अडत्यांनी बंद ठेवण्याची भूमिका घेतली.

त्यानुसार बुधवार (ता. २५) पासून मंगळवार (ता. ३१) बंद ठेवण्यात येणार आहे.’’कामगार संघटनेचे सरचिटणीस संतोष नांगरे म्हणाले, ‘‘कोरोना विषाणूबाबत कामगार आणि त्यांच्या कुटुंबीयांमध्ये घबराटीचे वातावरण आहे. कामगारांचे कुटुंबीय त्यांना कामावर पाठवत नाहीत. त्यामुळे सर्व घटकांचा विचार करता आम्ही ३१ मार्चपर्यंत कामावर न येण्याचा निर्णय घेतला आहे.’’

दरम्यान, आणीबाणीच्या काळात शासन आदेशाचे उल्लंघन करत बाजार समित्या बंद ठेवणाऱ्या अडत्यांचे परवाने रद्द करण्यात येतील, असा इशारा जिल्हाधिकारी नवल किशोर राम यांनी दिला.

मार्चअखेरपर्यंत कांदा लिलाव राहणार बंद
नाशिक जिल्ह्यातील बाजार समित्या या अत्यावश्यक अन्नपुरवठा साखळीमध्ये येत असल्याने त्यांचे कामकाज सुरू राहील, अशा सूचना नाशिक जिल्हाधिकारी कार्यालयाने दिल्या.

मात्र, जिल्ह्यातील काही बाजार समित्यांनी कामकाज मंगळवार (ता. २४) पासून मार्चअखेरपर्यंत बंद ठेवण्याचा निर्णय घेतला आहे. दरवर्षी २५ मार्चनंतर व्यावहारिक कारणासाठी काजकाज मार्चअखेर बंद असते. मात्र, चालू वर्षी कोरोनाचा प्रादुर्भाव, जमावबंदी आदेश, अमावास्या व गुढीपाडवा सुटीमुळे कामकाज दोन दिवस अगोदर बंद झाले आहे. पिंपळगाव बसवंत कृषी उत्पन्न बाजार समितीत मंगळवार (ता. २४)पासून मार्चअखेर कांदा लिलाव बंद राहणार आहे, तर भाजीपाला लिलाव सुरू असतील, अशी माहिती संपर्क साधला असता बाजार समितीचे सचिव संजय पाटील यांनी दिली.

लासलगाव कृषी उत्पन्न बाजार समितीचे कामकाज अमावास्या व गुढीपाडव्यामुळे मंगळवारी (ता. २४) व बुधवार (ता. २५) बंद असणार आहे, अशी माहिती सचिव नरेंद्र वाढवणे यांनी दिली. येथे सध्या व्यापाऱ्यांच्या खळ्यांवर काम करण्यासाठी मजुरांची टंचाई जाणवत आहे, तर दुसरीकडे जमावबंदी असूनही गर्दी होत असल्याने कामकाजात अडथळे येत आहेत, त्यामुळे गुरुवार (ता. २६) पासून बंद करण्याबाबत येथे स्पष्ट करण्यात आलेले नाही, तर नाशिक बाजार समितीत भाजीपाला व फळ लिलाव सुरू असतील अशी माहिती सचिव अरुण काळे यांनी दिली. 

नगरमध्ये एकदिवसाआड भाजीपाला लिलाव
नगर : बाजार समित्या सुरू राहण्याबाबत बाजार समिती प्रशासन आग्रही असले तरी व्यापारी, हमाल, मापाडी यांनीच कोरोना संसर्गाच्या पार्श्वभूमीवर काम करण्याला नकार दिल्यामुळे नगरसह जिल्हाभरातील बहुतांशी बाजार समितीत सोमवारी (ता. २३) भुसार व कांद्याचे लिलाव बंद झाले आहेत.

भाजीपाल्याची आवक कमी झाली असली, तरी त्याचे लिलाव एक दिवसआड सुरू राहणार असल्याचे नगर बाजार समितीमधून सांगण्यात आले. किमान भाजीपाल्याचे तरल लिलाव सुरू राहावेत, अशी बाजार समितीची भूमिका आहे; मात्र दररोज लिलाव करण्यास नकार दिल्यामुळे किमान एक दिवसाआड भाजीपाल्याचे लिलावनगरमध्ये सुरू राहतील असे प्रयत्न बाजार समितीने सुरू ठेवले आहेत, असे बाजार समितीचे सचिव अभय भिसे यांनी सांगितले.

अकोला जिल्ह्यात तीन दिवस बंद
अकोला : जिल्ह्यातील बाजार समित्या प्रशासनाने जाहीर केलेल्या लॉकडाऊन नुसार तीन दिवस बंद आहेत. व्यापारी, अडत्यांनी बाजार बंद ठेवण्याबाबत निवेदन दिले असून याबाबत बाजार समिती प्रशासन परिस्थिती पाहून व शासनाच्या निर्देशानुसार पुढील भूमिका ठरविणार आहे. 

रत्नागिरीत भाजीपाला आवक सुरू राहणार
रत्नागिरी : कोरोनाच्या पार्श्वभुमीवर रत्नागिरीतील बाजार समितीनेही जिल्ह्यातील सहा तपासणी नाके बंद करण्याचा निर्णय घेतला आहे.

पुणे बाजार समिती सुरूच...
पुणे कृषी उत्पन्न बाजार समितीमधील व्यवहार बुधवार (ता. २५) पासून बंद करण्याचे अडते आणि विविध कामगार संघटनांनी जाहीर केले आहे. मात्र, प्रशासक बी. जे. देशमुख यांनी, कोरोनाच्या लढाईच्या आणीबाणीच्या परिस्थितीत नागरिकांना मुबलक भाजीपाला उपलब्ध करून देण्याचे बाजार समित्यांचे कर्तव्य आहे. हे राष्ट्रीय कर्तव्य समजून सर्व बाजार घटकांनी बाजार सुरू ठेवण्यासाठी सहकार्य करावे. यासाठी मी उद्या (मंगळवारी) सर्व घटकांची बैठक घेऊन त्यांना कामकाज सुरळीत ठेवण्यासाठी आवाहन करणार आहे, असे सांगितले.    

 


इतर अॅग्रो विशेष
`अमूल`कडून शेतकऱ्यांना मंदीतही २००...पुणे : राज्यातील डेअरी उद्योग सध्या अतिशय बिकट...
राज्यात कोरोना रुग्णसंख्या ७४८;...मुंबई : राज्यातील कोरोनाचा विळखा वाढत चालला...
केंद्र सरकारकडून रासायनिक खत अनुदानात...पुणे: ऐन लॉकडाऊनच्या गोंधळात केंद्र सरकारने...
शेतकरी कंपन्यांची संकलन केंद्रे...पुणे:  ‘ई-नाम’ प्रणालीत गेल्या दोन...
कोरोनामुळे हापूस अडचणीत; मुंबई बाजार...मुंबई : मुंबई कृषी उत्पन्न बाजार समितीच्या वाशी...
कोरोनामुळे ‘टोमॅटो बेल्ट’ लॉकडाऊन; पुणे...पुणेः गेल्या काही वर्षात जिल्‍ह्यातील जुन्नर, खेड...
कोल्हापूर कृषी महाविद्यालयाकडून...कोल्हापूर : येथील कोल्हापूर कृषी महाविद्यालयाच्या...
राज्यात उष्ण, दमट हवामानाचा अंदाज;...पुणे : तापमानाचा पारा चाळीशी पार गेल्याने उन्हाचा...
राज्यात आत्तापर्यंत तेरा हजार टन...नगर ः कोरोना संसर्गाच्या पार्श्‍वभूमीवर...
प्रयोगशीलतेतून मिळवले आर्थिक स्थैर्यनाशिक जिल्ह्यातील आडगाव येथील शिवाजी शंकर देशमुख...
...शेतकरी मात्र 'फार्म क्वाॅरंटाइन' !सांगली : कोरोनाने सर्वांची झोप उडाली आहे. संपूर्ण...
केसरची चव यंदा दुर्मिळ; संकटांमुळे आंबा...औरंगाबाद: यंदा बहुतांश आंबा बागांना मोजकाच मोहर...
राज्यातील कोरोना बाधित रुग्णांची संख्या...मुंबई : राज्यात कोरोनाबाधित १४५ नवीन रुग्णांची आज...
दूध भुकटी योजनेसाठी १८७ कोटी मंजूर मुंबई: कोरोना विषाणूमुळे उद्भवलेल्या विपरीत...
फळे, भाजीपाला थेट विक्रीसाठी ...नगर : फळे, भाजीपाला विक्रीसाठी नगर जिल्ह्यामधील...
पहिल्याच दिवशी २६० किलो मोसंबी वाजवी...औरंगाबाद : आधी बागवानाने मागितली तेव्हा दिली नाही...
कृषी उत्पादनांसह निर्धारीत अत्यावश्‍यक...नवी दिल्ली: देशात कोरोना विषाणूचा प्रसार...
समाजविघातक वृत्तींवर कडक कायदेशीर...मुंबई: कृपा करून शिस्त पाळा, सहकार्य करा असे मी...
शेती अवजारे, स्पेअरपार्टस् दुकानांना...नवी दिल्ली: केंद्रीय गृहमंत्रालयाने शुक्रवारी (ता...
मराठवाड्यात आजही वादळी पावसाची शक्यता पुणे: उन्हाचा ताप वाढल्याने सोलापूर, मालेगाव,...