agriculture news in marathi, transfamer repairs delayed troublesome | Page 2 ||| Agrowon

रोहित्र दुरुस्तीचा विलंब भोवला; भरपाई देण्याचे आदेश

टीम अॅग्रोवन
रविवार, 10 डिसेंबर 2017

अकोला :  वीज रोहित्राची वेळेवर दुरुस्ती न झाल्याने अनेक शेतकऱ्यांचे नुकसान होते. हे नेहमीचे प्रकार बघायला मिळतात. मात्र जळगाव जामोद तालुक्यातील सुनगाव येथील चार शेतकऱ्यांनी याविरुद्ध आवाज उठवला. त्यांनी ग्राहक मंचात लढा देत जबाबदार अधिकाऱ्याला शेतकऱ्यांच्या पाठपुराव्यामुळे तब्बल साडेसहा लाख रुपयांची नुकसान भरपाई देण्याचे आदेश देण्यात आले आहेत.

अकोला :  वीज रोहित्राची वेळेवर दुरुस्ती न झाल्याने अनेक शेतकऱ्यांचे नुकसान होते. हे नेहमीचे प्रकार बघायला मिळतात. मात्र जळगाव जामोद तालुक्यातील सुनगाव येथील चार शेतकऱ्यांनी याविरुद्ध आवाज उठवला. त्यांनी ग्राहक मंचात लढा देत जबाबदार अधिकाऱ्याला शेतकऱ्यांच्या पाठपुराव्यामुळे तब्बल साडेसहा लाख रुपयांची नुकसान भरपाई देण्याचे आदेश देण्यात आले आहेत.

सुनगाव येथील चार ग्राहकांनी नागपूर येथील वीज मंडळाच्या ग्राहक मंचाकडे तक्रार केली होती. त्याचा निकाल नुकताच लागला असून, वीज मंडळाच्या मलकापूर येथील कार्यकारी अभियंत्याला नुकसान भरपाई देण्याचे आदेश आले आहेत. यासाठी शेतकऱ्यांना एक वर्षाच्या संघर्षानंतर हा न्याय मिळाला.

याबाबत अधिक माहिती अशी, सुनगाव येथे वावडी हरदो शिवारात असलेले रोहित्र नादुरुस्त झाले होते. वारंवार मागणी करूनही तब्बल साडेचार महिने वीज मंडळाने दुरुस्त न केल्याने शेतकऱ्यांना मोठ्या नुकसानीला सामोरे जावे लागले. नेहमी वीज वितरण कंपनीच्या कार्यपद्धतीबाबत तक्रारी होतात. परंतु याविरुद्ध कोणीही न्यायालय किंवा ग्राहक मंचाकडे दाद मागत नाही.

परंतु, सुनगाव येथील अरुण गणपतराव धुळे, महादेव सखाराम बार पाटील व आशा महादेव बार पाटील हे अपवाद ठरले. या शेतकऱ्यांनी रोहित्र बंद पडल्याने शेतीच्या पिकांचे जे नुकसान झाले, त्याबाबतची तक्रार नागपूर येथील वीज मंडळाच्या ग्राहक मंचाकडे केली. वीज वितरण कंपनीचे अधिकारी ए. जी. काठोळे आणि या तीन शेतकऱ्यांची बाजू समजून घेतल्यानंतर या मंचच्या न्यायाधीश चित्रकला झुत्शी यांनी शेतकऱ्यांच्या बाजूने निर्णय दिला.

त्यात वीज मंडळाच्या निष्काळजीपणामुळे रोहित्र जितके दिवस बंद होते, त्या १३४ दिवसांना प्रतितास ५० रुपयांप्रमाणे नुकसान भरपाई देण्याचे आदेश दिले. तसेच अन्य खर्चाची रक्कमसुद्धा त्यामध्ये समावेश करीत शेतकऱ्यांना मानसिक त्रास झाल्याबद्दल दोन हजार रुपयांची नुकसान भरपाईसुद्धा देण्याच्या निकालात म्हटले.

मलकापूर येथील कार्यकारी अभियंता यांना सहा लाख बावन्न हजार पाचशे रुपयांचे चार चेक शेतकऱ्यांना द्यावे लागले. ही रक्कम शेतकऱ्यांच्या बँक खात्यात जमा झाली आहे. रोहित्र १५ जुलै ते २६ नोव्हेंबर २०१६ या काळात बंद होते. यासाठी शेतकऱ्यांना बुलडाणा, अकोला व नागपूर येथील ग्राहक मंचात एक वर्ष संघर्ष करावा लागला.


इतर ताज्या घडामोडी
अकोल्याचे अखर्चित कोट्यवधी रुपये परत...अकोला : कोरोनामुळे राज्याची आर्थिक घडी विस्कळीत...
उजनीतून आष्टी तलावामध्ये पाणी सोडा,...सोलापूर ः उजनी धरणातून सध्या कालवा आणि बोगद्यात...
सेंद्रिय शेती गटांसाठी वाशीममध्ये अर्ज...वाशीम : राष्ट्रीय शाश्वत शेती अभियानाअंतर्गत...
नागपूर : दीड लाख रुपयांचा एचटीबीटी साठा...नागपूर ः मौदा तालुक्‍यातील अरोली पोलिस...
कृषी सेवा केंद्रधारकांकडून होणारी...अमरावती ः लॉकडाऊनच्या परिस्थितीचा फायदा घेत कृषी...
सातारा जिल्ह्यात साडेसात हजार...सातारा  ः ‘कोरोना’च्या पार्श्वभूमीवर...
पुणे जिल्ह्यात खरिपासाठी १ लाख १९ हजार...पुणे  ः खरीप हंगामात शेतकऱ्यांना खतांचा...
नामंजूर वनहक्क दाव्यांसंदर्भात विभागीय...मुंबई  : राज्यपाल भगतसिंह कोश्यारी यांनी...
प्रत्यक्ष खर्चाचे आणि कर्जाचे पॅकेज...मुंबई : पात्र नसणाऱ्या आणि उचल न घेतलेल्या...
पुणे जिल्हा परिषदेच्या शाळांमध्ये १४...पुणे  : ‘कोरोना’चा प्रादुर्भाव झाल्यानंतर...
निशिगंध लागवडीचे नियोजनलागवड केल्यापासून निशिगंध पीक २ ते ३ वर्षे त्याच...
चिखलगावच्या जिनिंगमध्ये कापसाला भीषण आग...अकोला ः येथील पातूर मार्गावर चिखलगाव जवळ असलेल्या...
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...