agriculture news in marathi, transfer tur and gram arrears, Maharashtra | Agrowon

तूर, हरभऱ्याचे थकीत १६३ कोटी वर्ग करा : ‘नाफेड’चे व्यवस्थापकीय संचालक

टीम अॅग्रोवन
सोमवार, 10 सप्टेंबर 2018

मुंबई ः राज्यातील शेतकऱ्यांकडून किमान आधारभूत किमतीवर खरेदी झालेल्या तूर आणि हरभऱ्याचे थकीत १६३ कोटींचे चुकारे आज (ता. १०) राज्य पणन महासंघाकडे वर्ग करण्याचे निर्देश ‘नाफेड’ने दिले आहेत. त्यामुळे आगामी सणासुदीच्या काळात शेतकऱ्यांच्या हाती चुकाऱ्यांचे पैसे उपलब्ध होतील, अशी आशा आहे. 

मुंबई ः राज्यातील शेतकऱ्यांकडून किमान आधारभूत किमतीवर खरेदी झालेल्या तूर आणि हरभऱ्याचे थकीत १६३ कोटींचे चुकारे आज (ता. १०) राज्य पणन महासंघाकडे वर्ग करण्याचे निर्देश ‘नाफेड’ने दिले आहेत. त्यामुळे आगामी सणासुदीच्या काळात शेतकऱ्यांच्या हाती चुकाऱ्यांचे पैसे उपलब्ध होतील, अशी आशा आहे. 

चालू वर्षी किमान आधारभूत किमतीने शासनाने ४४.६ लाख क्विंटल तूर खरेदीचे लक्ष्य ठेवले होते. हंगामात त्यापैकी ३३ लाख क्विंटल तूर खरेदी झाली. हरभऱ्याचे ३० लाख क्विंटल खरेदीचे सरकारी उद्दिष्ट होते. प्रत्यक्षात १३ लाख क्विंटल हरभरा खरेदी झाली. हंगामात बोनससह ५,४५० रुपये इतका तुरीचा हमीभाव होता. तर हरभऱ्यासाठी ४,४०० रुपये हमीभाव जाहीर करण्यात आला होता.

हंगामातील तूर आणि हरभऱ्याच्या अपेक्षित उत्पादनापैकी अनुक्रमे ३९ व १६ टक्के खरेदीचे शासनाचे उद्दीष्ट होते. ते सुद्धा पूर्ण झाले नाही. त्यामुळे राज्य शासनाने खरेदी न झालेल्या तूर आणि हरभऱ्यासाठी प्रति क्विंटल एक हजार रुपये अनुदान जाहीर केले आहे. नोंदणी केलेल्या शेतकऱ्यांसाठी हे अनुदान दिले जाणार आहे. ही प्रक्रिया अजून सुरू आहे. 

यंदा शासनाकडून एकंदर २,४३७ कोटींची शासकीय तूर, हरभरा खरेदी झाली. त्यापैकी जुलैपर्यंत तुरीचे २३५ कोटी आणि हरभऱ्याचे ६४४ कोटींचे असे एकंदर ८७९ कोटींचे चुकारे थकीत होते. सप्टेंबरच्या पहिल्या आठवड्यापर्यंत तूर, हरभऱ्याचे १६३ कोटींचे चुकारे प्रलंबित होते.

यासंदर्भात अहमदनगर, यवतमाळ जिल्ह्यातील शेतकऱ्यांचे राज्य कृषी मूल्य आयोगाचे अध्यक्ष पाशा पटेल यांना सतत दूरध्वनी येत होते. थकीत चुकारे लवकर मिळावेत, अशी शेतकऱ्यांची विनंती होती. त्याअनुषंगाने श्री. पटेल यांनी नाफेडचे व्यवस्थापकीय संचालक संजीव चढ्ढा यांची शनिवारी (ता. ८) नवी दिल्लीत भेट घेतली. 

या भेटीत विशेषतः राज्यातील शेतकऱ्यांच्या प्रलंबित चुकाऱ्यांचा विषय चर्चेला आला. पाशा पटेल यांनी तूर, हरभऱ्याचे चुकारे लवकर अदा करण्याची विनंती त्यांना केली. श्री. चढ्ढा यांनी सोमवारीच हे चुकारे पणन महासंघाकडे वर्ग केले जातील, असे स्पष्ट करून त्यानंतर दोनच दिवसात पणन महासंघाच्या माध्यमातून शेतकऱ्यांना त्यांचे पैसे मिळतील, अशी ग्वाही दिली. 

नाफेडचा प्रतिनिधी म्हणून राज्यात पणन महासंघ काम करीत असतो. राज्यातील शेतीमालाची शासकीय खरेदी राज्य पणन महासंघाच्या माध्यमातून होत असते. त्यामुळे शेतकऱ्यांचे चुकारेसुद्धा पणन महासंघाच्या वतीनेच अदा केले जातात. नाफेडकडून चुकाऱ्याची रक्कम पणन महासंघाकडे वर्ग केल्याच्या दोन दिवसानंतर शेतकऱ्यांनी पणन महासंघाच्या जिल्ह्यातील अधिकाऱ्यांशी संपर्क साधून त्यांचे थकीत चुकारे प्राप्त करावेत, असे आवाहन पाशा पटेल यांनी केले आहे. 

शासनाची २०१७-१८ मधील हमीभावाने खरेदी (क्विंटलमध्ये)

पीक खरेदी  लाभार्थी शेतकरी खरेदी किंमत
तूर   ३३,६७,१७७.४८  २,६५,८५४  १८३५.११
हरभरा १३,६९,१८४.४६   ९९,१६१ ६०२.४४

           
      
          
 


इतर अॅग्रो विशेष
सूक्ष्म सिंचन योजनेचा सात वर्षानंतर...अकोला ः सूक्ष्म सिंचनाचा लाभ घेणाऱ्या शेतकऱ्यांना...
कोल्हापुरातील गूळ हंगाम अंतिम टप्प्यातकोल्हापूर : यंदाचा गूळ हंगाम अंतिम टप्प्यात येत...
पाणीवापराचे तंत्र समजून निर्यातक्षम...सिंचन व्यवस्थापन हा प्रयोगशील व प्रगतिशील शेतीतील...
सकाळी गारठा, तर दुपारी चटकापुणे : राज्यात कमाल तापमानातील वाढीबरोबरच किमान...
थेट सरपंच निवड रद्दमुंबई: थेट सरपंच निवड रद्द करणारे विधेयक मंगळवारी...
निर्यात न करणाऱ्या कारखान्यांच्या साखर...कोल्हापूर : देशातील ज्या साखर कारखान्यांनी...
कर्जमाफीची पहिली यादी जाहीर; ६८...मुंबई: मुख्यमंत्री उद्धव ठाकरे आणि उपमुख्यमंत्री...
राज्यात उन्हाचा चटका कायम पुणे : राज्याच्या हवामानात वेगाने बदल होत आहेत....
‘पीएम-किसान’ योजनेत शेतकऱ्यांना ५१ हजार...नवी दिल्ली: केंद्र सरकारने गेल्या वर्षी पंतप्रधान...
शेतकरी कर्जमाफीवरून विरोधकांचा गदारोळ मुंबई: शेतकरी कर्जमाफीबाबत सरकारने एकही आश्वासन...
खारपाणपट्ट्यात पिकले गोड अॅपेल बोरअंधेरा कितना भी घना क्यू ना हो, दिया जलाना कहाँ...
कृषी शिक्षणाचा खर्चही आता लाखाबाहेर पुणे : राज्यातील खासगी कृषी शिक्षण संस्थांच्या...
निवृत्त जवानाचा अनुकरणीय शेळी-...सुर्डी (जि. सोलापूर) येथी हिरोजीराव शेळके यांना...
कर्जमाफीची पहिली यादी आज होणार जाहीर :...मुंबई : आमचे सरकार हे केवळ घोषणा करणारे नाही तर...
राज्यात गोंधळलेले सरकार: देवेेंद्र...मुंबई ः दिशा ठरत नाही आणि त्यांना सूरही गवसत...
कर्जमाफीच्या मुद्द्यावर राज्य सरकारची...मुंबई : आजपासून (ता. २४) सुरू होणारे अर्थसंकल्पी...
अकरा लाख टन रिफाइंड पामतेल आयातीला...नवी दिल्ली: केंद्र सरकारने रिफाइंड पामतेलाची...
कर्जमाफी बिनकामाची, तकलादू : राजू...नगर: पंतप्रधान पीकविमा योजना सरकारी...
पूर्व विदर्भात पावसाचा अंदाजपुणे  : पावसासाठी पोषक हवामान असल्याने पूर्व...
‘ठिबक’च्या ऑनलाइन अर्जासाठी मुदतवाढपुणे ः ठिबक सिंचन योजनेचा लाभ घेण्यासाठी ऑनलाइन...