Agriculture news in marathi Transparency in fertilizer sales, QR code to pair of POS missions | Agrowon

खत विक्रीत येणार पारदर्शकता,  पॉस मिशनच्या जोडीला क्यूआर कोड 

टीम अॅग्रोवन
बुधवार, 5 मे 2021

खत खरेदी-विक्रीत कोट्यवधीच्या उलाढालीत पारदर्शकता येण्यासाठी गेल्या दोन वर्षांपासून पॉस मशिनचा वापर सुरू आहे. त्याच्या जोडीला आता क्यूआर कोड प्रणाली आली आहे.

राजापूर, जि. रत्नागिरी : खत खरेदी-विक्रीत कोट्यवधीच्या उलाढालीत पारदर्शकता येण्यासाठी गेल्या दोन वर्षांपासून पॉस मशिनचा वापर सुरू आहे. त्याच्या जोडीला आता क्यूआर कोड प्रणाली आली आहे. डिजिटल पेमेंट वा कॅशलेस असलेल्या, या प्रणालीमुळे शेतकऱ्यांना खताचे पैसे थेट विक्रेत्याला अदा करणे सुरळीत होणार आहे. 

खत विक्रीच्या आर्थिक व्यवहारातील काळ्या बाजाराला आळा घालण्यामध्ये क्यूआर कोडप्रणाली महत्त्वपूर्ण ठरणार असली तरी, अनेक ठिकाणी मोबाइल रेंज वा इंटरनेट सुविधेचा अभाव असल्याने या प्रणालीचा अवलंब होण्यामध्ये अडथळे येणार आहेत. तालुक्यामध्ये परवानाधारक २३ खत विक्रेते असून त्यांना क्यूआर कोड काढण्याची सूचना कृषी विभागाने दिली होती. त्याप्रमाणे २३ परवानाधारक खतविक्रेत्यांनी क्यूआर कोड काढल्याची माहिती कृषी विभागाकडून देण्यात आली. 

पिकाची उत्पादकता वाढावी म्हणून शेतकऱ्यांकडून पिकांना विविध प्रकारच्या खतांची मात्रा दिली जाते. कोकणामध्ये मोठ्या प्रमाणात तयार होणाऱ्या हापूस आंब्यांच्या झाडांनाही जादा उत्पादन यावे म्हणून विविध प्रकारच्या खतांची मात्रा आंबा बागायतदारांकडून दिली जाते. त्यातून खतांच्या खरेदी-विक्रीतून दर वर्षी कोट्यवधी रुपयांची उलाढाल होते. त्यामध्ये पारदर्शकता आणण्याच्या दृष्टीने प्रयत्न सुरू झाले आहेत.

गेल्या दोन वर्षांपासून खरेदी-विक्रीतील आर्थिक व्यवहारासाठी पॉस मशीनचा अवलंब केला जात आहे. पॉस मशीनच्या जोडीला आता क्यूआर कोड प्रणालीही विकसित करण्यात आली आहे. त्यामुळे खरेदीदाराला बाजारमूल्याप्रमाणे खत खरेदी करणे शक्य होणार आहे. 

कनेक्टिव्हिटी अभावी वादात 
क्यूआर कोडद्वारे पैसे स्वीकारले जाणार असल्याने शेतकऱ्यांकडून मूळ रक्कमेपक्षा विक्रेत्यांकडून जादा रक्कम घेऊन लुबाडणूकही केली जाणार नाही. पॉस मशीन सध्या कनेक्टिव्हिटी अभावी वादात सापडल्या आहेत. तीच स्थिती कायम राहिल्यास क्यूआर कोड प्रणाली शेतकऱ्यांसह दुकानदारांसाठी डोकेदुखी ठरणार आहे. 

दृष्टिक्षेपात राजापूर 
परवानाधारक खतविक्रेते ः २३ 
खत खरेदी विक्री ः ३ हजार ७०० टन 
उलाढाल ः सुमारे पाच कोटी 


इतर बातम्या
वादळी वाऱ्यासह पावसाचा तडाखा पुणे : अरबी समुद्रात घोंघावत असलेल्या ‘तौत्के’...
पावसासाठी पोषक वातावरण पुणे : चक्रीवादळामुळे पश्‍चिम महाराष्ट्रात वेगाने...
पश्‍चिम महाराष्ट्रातही पाऊस पुणे ः ‘तौत्के’ चक्रीवादळाचा फटका पुणे, कोल्हापूर...
विदर्भ, मराठवाड्यात पाऊसअमरावती/औरंगाबाद : ‘तौक्ते’ चक्रीवादळामुळे विदर्भ...
कापूस बियाणे विक्री २० मेपासून करा : ‘...नागपूर : विदर्भ, खानदेश विभागांत शेजारच्या...
कृषी निविष्ठा विक्रेत्यांचे ...येवला, जि. नाशिक : कृषी बियाणे रासायनिक खते,...
कोकण किनारपट्टीला चक्रीवादळाचा दणका रत्नागिरी/सिंधुदुर्गनगरी ः ‘तौत्के’ चक्रीवादळाचा...
तूर, मूग, उडदाची आयात खुली नागपूर : केंद्र सरकारने हंगामापूर्वी तूर, उडीद...
धूळवाफ पेरणीत लॉकडाउनचा खोडा सांगली ः शिराळा तालुक्यात वारंवार झालेल्या...
आपत्ती व्यवस्थापनाचे नियोजन करा ः...नागपूर : गेल्या वर्षीचा महापूर लक्षात घेऊन...
कुकडीच्या पाण्यासाठी  पारनेरकर एकवटले निघोज, ता. पारनेर : कुकडीच्या पाण्याबाबत पुणे...
पेट्रोल, खतांच्या दरवाढीविरोधात ...मुंबई : पेट्रोल शंभरी पार केल्यानंतर केंद्राने...
गडहिंग्लजमध्ये शेतकऱ्यांकडे नऊ टन...गडहिंग्लज, जि. कोल्हापूर : यंदाच्या खरीप हंगामात...
कीटकनाशके विक्रीबाबत तरतुदींचे पालन करा अकोला ः या खरीप हंगामात बियाणे, खते, कीटकनाशके...
परभणीत पीककर्जाच्या उद्दिष्टात ४८६...परभणी ः जिल्ह्यात चालू आर्थिक वर्षात (२०२१-२२)...
कोरोना रुग्णालयांचा वीज,  ऑक्सिजन...मुंबई : अरबी समुद्रातील तौक्ते चक्रीवादळामुळे...
मॉन्सूनपूर्व कामांना प्राधान्य द्यावे ः...भंडारा : मॉन्सून कालावधीत अचानक उद्‌भवणाऱ्या...
कोरोनाचे नियम पाळून  बाजार समित्या सुरू...नाशिक : जिल्ह्यामध्ये कोरोनाचा प्रादूर्भाव...
नगर जिल्ह्यात खरीपपूर्व मशागतीच्या...नगर : एकीकडे कोरोनाचे सावट असताना ग्रामीण भागातील...
लोहा, माहूर तालुक्यांना विम्याची रक्कम...नांदेड : पंतप्रधान पीकविमा योजनेअंतर्गत खरीप...