agriculture news in marathi, Transport of milk tankers to Mumbai | Agrowon

दुधाचे टँकर बंदोबस्तात मुंबईकडे रवाना
टीम अॅग्रोवन
मंगळवार, 17 जुलै 2018

नाशिक : स्वाभिमानी शेतकरी संघटनेने पुकारलेल्या दूध बंद आंदोलनाचे राज्यभर पडसाद उमटले आहेत. नाशिक जिल्ह्यात आंदोलनाच्या पहिल्या दिवशी मात्र फारसा परिणाम जाणवला नाही. सोमवारी (ता.१६) जिल्ह्यातील संकलन केंद्रात दूध संकलन करण्यात आले असून, सकाळपासून १५ दूध टँकर पोलिस बंदोबस्तात मुंबईकडे रवाना करण्यात आल्याची माहिती जिल्हाधिकारी राधाकृष्णन बी. यांनी दिली.

नाशिक : स्वाभिमानी शेतकरी संघटनेने पुकारलेल्या दूध बंद आंदोलनाचे राज्यभर पडसाद उमटले आहेत. नाशिक जिल्ह्यात आंदोलनाच्या पहिल्या दिवशी मात्र फारसा परिणाम जाणवला नाही. सोमवारी (ता.१६) जिल्ह्यातील संकलन केंद्रात दूध संकलन करण्यात आले असून, सकाळपासून १५ दूध टँकर पोलिस बंदोबस्तात मुंबईकडे रवाना करण्यात आल्याची माहिती जिल्हाधिकारी राधाकृष्णन बी. यांनी दिली.

तसेच, दूध संघांना आवश्यकता भासल्यास पोलिस बंदोबस्त देण्याचीही तयारी प्रशासनाने केली आहे. याकरिता स्वतंत्र कक्षही स्थापन करण्यात आल्याचे ते म्हणाले. दूध दरवाढीच्या मुद्द्यावर राज्यात स्वाभिमानी शेतकरी संघटनेच्या वतीने आंदोलन सुरू करण्यात आले आहे. दूध उत्पादकांना पाच रुपये अनुदान द्यावे आणि ही रक्कम थेट शेतकऱ्यांच्या खात्यात जमा करावी, या मागणीसाठी स्वाभिमानी शेतकरी संघटनेने आजपासून मुंबई शहराचा दूधपुरवठा बंद करत दूधकोंडी केली आहे.

आंदोलनाच्या पार्श्वभूमीवर अनेक ठिकाणी कार्यकर्त्यांनी टँकर अडवून तोडफोड केली आहे. तर, काही ठिकाणी रस्त्यावर दूध ओतले आहे. दुसरीकडे सरकारने दुधाला प्रतिलिटर पाच रुपये अनुदान द्यावे, या मागणीवर शेट्टी ठाम आहेत. नाशिक जिल्ह्यातही काही तालुक्यांमध्ये दूध टँकर अडवण्याचा प्रयत्न करण्यात आला. या सर्व आंदोलनाच्या पार्श्वभूमीवर आज जिल्हाधिकाऱ्यांच्या अध्यक्षतेत नाशिक आणि नगर जिल्ह्यातील दूध संघांची बैठक घेण्यात आली.

या वेळी जिल्हाधिकारी म्हणाले, की नाशिक जिल्ह्यात प्रतिदिन १ लाख ३० हजार लिटर दूधाचे संकलन केले जाते. त्यापैकी ५० हजार लिटर दुधाचा पुरवठा नाशिक शहरासाठी केला जातो. उर्वरित दूध हे मुंबईला पाठवले जाते. नाशिक जिल्ह्यापेक्षा नगर जिल्ह्यातून मुंबईकडे मोठ्या प्रमाणावर दुधाचा पुरवठा होतो. दोन्ही जिल्ह्यांमध्ये ४७ दूध संघ आहेत. त्यापैकी १३ संघ हे नाशिक जिल्ह्यातील आहे. सर्व संघांना दूध संकलन सुरू ठेवण्याचे आवाहन करण्यात आले आहे.

कक्ष कार्यान्वित
आंदोलनाच्या पार्श्वभूमीवर दूध रस्त्यावर ओतून देणे, दुधाचे टँकर फोडणे या प्रकारामुळे भीतीपोटी अनेक शेतकरी दूध बाजारात आणत नाहीत, त्याचा परिणाम संकलनावर होतो. मात्र, आता संकलन केंद्राना पोलिस बंदोबस्त देण्याचा निर्णय घेण्यात आला आहे. याकरिता दूध संघांनी नोडल अधिकाऱ्यांची नियुक्ती करण्याच्या सूचनाही या वेळी देण्यात आल्या. याकरिता जिल्हाधिकारी कार्यालयात स्वतंत्र कक्ष कार्यान्वित करण्यात आला असून, याकरिता ०२५३/२३१७१५१ किंवा २३१५०८० या दूरध्वनी क्रमांकावर संपर्क साधण्याचे आवाहन करण्यात आले आहे.

 

इतर अॅग्रो विशेष
जल ‘अ’नीतीया वर्षी महापूर आणि दुष्काळ या दोन्ही समस्यांचा...
‘लष्करी अळी’बाबत सरकार उदासीनच!देशातील वीसपेक्षा जास्त राज्यांमध्ये आणि एक कोटी...
मराठवाड्यात २६ तालुक्‍यांत...औरंगाबाद  : मराठवाड्यातील आठही जिल्ह्यांतील...
दरकवाडीच्या दावणीला चाराप्रश्‍नाने...औरंगाबाद : आधी दुष्काळ मग खरिपातील चारा पिकांवर...
शेतकऱ्यांच्या समुपदेशनासाठी राज्यात ...नागपूर : शेतकऱ्यांना पेरणी ते काढणीपर्यंत...
आधुनिक शेती तंत्रज्ञानाच्या जोरावर कडदे...पुणे जिल्ह्यात मावळ तालुक्यातील कडदे येथील...
कोल्हापूरच्या घाटमाथ्यावर अतिवृष्टीचा...पुणे : कोकण, घाटमाथा, मध्य महाराष्ट्राच्या पश्‍...
विविधरंगी फुले, फीलर्सला गणेशोत्सवात...फुलांना वर्षभर मागणी राहते. मात्र, वर्षांतील काही...
एकरी सात टन भाताचे विक्रमी उत्पादनरत्नागिरी जिल्ह्यातील रीळ येथील मिलिंद वैद्य...
लष्करी अळीमुळे येतेय दूध व्यवसायावर संकटनगर ः मक्यावर आलेल्या अमेरिकन लष्करी अळीच्या...
मराठवाडा वॉटर ग्रिडची अंमलबजावणी...परभणी: मराठवाडा वॉटर ग्रिडची अंमलबजावणी व्यापक...
शेतकऱ्यांमध्ये केलेल्या जनजागृतीतून...बुलडाणा  ः कृषी विभागाने लष्करी अळीच्या...
पिंपळगाव बसवंत बाजार समितीत होणार...नाशिक: बाजार समितीचे कार्यक्षेत्र निफाड...
लष्करी अळीची शेतकऱ्यांमध्ये धास्तीरुईखेड मायंबा, जि. बुलडाणा ः ‘‘अमेरिकन लष्करी...
फवारणी केलेला मका चाऱ्यात वापरू नका:...पुणे (प्रतिनिधी)ः  राज्यात सध्या मक्यावर...
लष्करी अळीमुळे डेअरी, पोल्ट्रीला १३००...पुणे : राज्यातील डेअरी व पोल्ट्री उद्योगासाठी...
बाजार समित्यांतील रोख व्यवहारांवरील...नवी दिल्ली ः रोखीच्या व्यवहारांवर नियंत्रण आणून...
अन्नद्रव्यांचा वापर हवा संतुलितचशेतकऱ्यांनी माती आणि पाणी परिक्षणाबरोबरच...
मराठवाडा वॉटर ग्रिडचा संशयकल्लोळ! चिमणीचा खोपा ते राजवाडा, असे निवाऱ्याचे अनेक...
‘एफएमओ’चा सह्याद्री फार्म्सला १२०...नाशिक : शेतकरी उत्पादक कंपन्यांनी स्वतःच्या...