रत्नागिरीः देशभरातील जनतेला आवश्यक वस्तूंचा पुरवठा करण्यासाठी कोकण रेल्वेची चोवीस तास (24/7) मालवाहतूक सुरु आहे. लॉकडाऊनच्या काळात पुढील काही दिवसांत नागरिकांना अत्यावश्यक वस्तूंचा पुरवठा गरजेचा असून या वस्तूंची वाहतूक अत्यंत महत्त्वपूर्ण ठरणार आहे.
मागणी कायम राहिल्यास कोकण रेल्वे केआर विभाग ते भारतीय रेल्वेवरील विविध स्थानकांकरिता विशेष पार्सल ट्रेन चालवण्यास सज्ज आहे. पार्सल ट्रेनमध्ये औषधे, वैद्यकीय उपकरणे आणि भाजीपाला आणि फळे आदी नाशवंत वस्तूंचा समावेश आहे.
इच्छुक ग्राहक आपली सामग्री वाहतूक करू इच्छित असल्यास त्यांच्या आवश्यकतेसह व्यवसायिक व्यवस्थापक यांना 9004470394 या क्रमांकारवर किंवा कोकण रेल्वेच्या पार्सल कार्यालयांशी संपर्क साधू शकतात. ‘‘या कठिण काळात ही महत्वाची कामगिरी आहे, हे कोकण रेल्वे जाणते. तसेच या काळात अत्यावश्यक वस्तूंची जलद वाहतूक करण्याची खात्री आहे, असे रेल्वे प्रशासनाने सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.