नाशिक : कोरोनाच्या संकट काळात आदिवासी विकास महामंडळामार्फत दीड लाख शेतकऱ्यांकडून आदिवासी उपयोजना क्षेत्रात ४९.१८ लाख क्विंटल धान प्रतिक्विंटल १ हजार ८१५ या किमान आधारभूत किमतीने केंद्र शासनाच्या दराने खरेदी करण्यात आले आहे.
या अंतर्गत राज्य शासनामार्फत धान उत्पादक शेतकऱ्यांना प्रोत्साहन म्हणून प्रतिक्विंटल ७०० रुपये जास्तीचा बोनस देण्यात आला आहे. या योजनेअंतर्गत साधारण ९०० कोटी रुपयांची धान्य खरेदी करण्यात आली असल्याची माहिती आदिवासी विकास विभाग व महामंडळाचे व्यवस्थापकीय संचालक नितीन पाटील यांनी दिली.
कोविड कालावधीमध्ये चार हजार शेतकऱ्यांकडून मका हे १ हजार ७६० रुपये तर ज्वारी हे २ हजार ५५० रुपये प्रतिक्विंटल या हमी दराने ३० कोटींचे भरडधान्य आदिवासी उपयोजना क्षेत्रात खरेदी करण्यात आले असून शेतकऱ्यांना या मार्फत किमान हमी दर मिळवून दिला आहे. या भरडधान्य खरेदीची रक्कम शेतकऱ्यांच्या बँक खात्यात ऑनलाइन पद्धतीने जमा करण्यात आली असल्याचेही श्री. पाटील यांनी कळविले आहे.
आदिवासी विकास महामंडळ त्यांच्याकडील ३२ हजार क्विंटल धान्य व कडधान्य अति गरीब आदिम आदिवासी कुटुंबांना वाटप करण्यात येत आहे. त्यापैकी आत्तापर्यंत ४० हजार कुटुंबांना तीन हजार क्विंटल धान्याचे वाटप करण्यात आले असून उर्वरित धान्य वाटपाचे काम सुरू असल्याचे सांगण्यात आले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.