agriculture news in marathi, Tricolor clashes for Karmala Bazar committee | Agrowon

करमाळा बाजार समितीसाठी अखेर तिरंगी लढत
टीम अॅग्रोवन
रविवार, 2 सप्टेंबर 2018

सोलापूर : करमाळा कृषी उत्पन्न बाजार समितीच्या निवडणुकीच्या १८ जागांपैकी तीन जागा यापूर्वीच बिनविरोध झाल्या आहेत. आता उर्वरित १५ जागांसाठी ४४ उमेदवार निवडणूक रिंगणात उतरले आहेत. आमदार नारायण पाटील आणि माजी आमदार जयवंतराव जगताप या दोघांचे एक, माजी आमदार श्यामलताई बागल यांचे स्वतंत्र, तर जिल्हा परिषदेचे अध्यक्ष संजय शिंदे यांनी भाजपशी हातमिळवणी करत स्वतःचे पॅनेल या निवडणुकीत उभे केले आहे. त्यामुळे बाजार समितीसाठी अपेक्षेप्रमाणे या तीन पॅनेलमध्ये तिरंगी लढत रंगणार आहे. या निवडणुकीसाठीही पहिल्यांदाच शेतकरी मतदान करणार आहेत.

सोलापूर : करमाळा कृषी उत्पन्न बाजार समितीच्या निवडणुकीच्या १८ जागांपैकी तीन जागा यापूर्वीच बिनविरोध झाल्या आहेत. आता उर्वरित १५ जागांसाठी ४४ उमेदवार निवडणूक रिंगणात उतरले आहेत. आमदार नारायण पाटील आणि माजी आमदार जयवंतराव जगताप या दोघांचे एक, माजी आमदार श्यामलताई बागल यांचे स्वतंत्र, तर जिल्हा परिषदेचे अध्यक्ष संजय शिंदे यांनी भाजपशी हातमिळवणी करत स्वतःचे पॅनेल या निवडणुकीत उभे केले आहे. त्यामुळे बाजार समितीसाठी अपेक्षेप्रमाणे या तीन पॅनेलमध्ये तिरंगी लढत रंगणार आहे. या निवडणुकीसाठीही पहिल्यांदाच शेतकरी मतदान करणार आहेत. त्यामुळे कोणाच्या पारड्यात ही मते पडणार, याकडे सर्वांच लक्ष लागले आहे.

व्यापारी मतदारसंघातून विजय गुगळे, मयूर दोशी आणि हमाल-तोलार मतदारसंघातून वासुदेव रोडगे असे तिघे यापूर्वीच बिनविरोध निवडून आले आहेत. आता १५ जागांसाठी ही लढत होत आहे. पैकी एक मतदारसंघ वगळता सगळीकडे तिरंगी सामना होणार आहे. बाजार समितीत माजी आमदार जयवंतराव जगताप यांची सत्ता आहे. आमदार नारायण पाटील हे पहिल्यापासून जगताप यांच्या पाठीशी ठाम आहेत. आमदार नारायण पाटील-माजी आमदार जयवंतराव जगताप यांची युती झाल्याने त्यावर शिक्कामोर्तब झाले आहे.

बागल गट स्वतंत्र लढत असून जिल्हा परिषद अध्यक्ष संजय शिंदे गटाने भाजपला बरोबर घेतले आहे. शिंदे गटाने भाजपला अवघ्या दोन जागा दिल्या आहेत. बाजार समितीचे विद्यमान सभापती जयवंतराव जगताप हे वांगी व केम मतदारसंघातून तर "मकाई''चे अध्यक्ष दिग्विजय बागल पोथरे गणातून निवडणूक लढवत आहेत. त्यांच्या विरोधात जयवंतराव जगताप यांचे चिरंजीव शंभुराजे जगताप मैदानात आहेत. वांगी गणात शिंदे गटाचा उमेदवार नाही, तर जातेगाव गणात पाटील-जगताप युतीचा उमेदवार नाही. बागल गटाने १५ जागांवर आपले उमेदवार उभे केले आहेत. या निवडणुकीत मोहिते-पाटील गटाने पाटील-जगताप युतीला बिनशर्त पाठिंबा दिला आहे. सध्या प्रचाराचा धुराळा उडाला असून, येत्या ९ सप्टेंबरला मतदान होणार आहे.

इतर ताज्या घडामोडी
तातडीने पंचनामे पूर्ण करून अहवाल...बुलडाणा : जिल्ह्यात झालेल्या मुसळधार अवकाळी व...
काढणीपश्चात नुकसान टाळण्यासाठी...फळे आणि भाजीपाल्याची टिकवण क्षमता वाढविण्यासाठी...
भात, नागली पिकांचे ११ हजार हेक्टरवर...रत्नागिरी ः क्यार वादळाच्या प्रभावामुळे झालेल्या...
वैयक्तिक कौशल्य विकास प्रशिक्षणाचे...अकोला ः केंद्र शासन पुरस्कृत पंतप्रधान कौशल्य...
नागपूर : रिक्‍त पदांमुळे वाढली कृषी...नागपूर ः मॉन्सूनोत्तर पावसामुळे झालेल्या...
नाशिक : रब्बी हंगामाच्या क्षेत्रात ३०...येसगाव, जि. नाशिक ः दमदार पावसामुळे गाव व परिसरात...
बियाणे कंपन्यांचे हित जपण्यासाठीच...यवतमाळ ः केंद्र सरकार बियाणे अधिनियमात सुधारणा...
सातारा : पंचनाम्याचा फेरा नको; सरसकट...सातारा  ः जिल्ह्यात पावसाने अक्षरश: थैमान...
तीन जिल्ह्यांतील शेतकऱ्यांना तारण...नांदेड  ः  २०१८-१९ या वर्षात शेतीमाल...
भाजप सत्ता स्थापन करणार नाही :...मुंबई  : आम्हाला सरकार स्थापनेसाठी निमंत्रण...
श्रीगोंदे तालुक्यात पिके गेली; पण...श्रीगोंदे, जि. नगर  : श्रीगोंदा तालुक्यात...
परभणी, हिंगोली जिल्ह्यांत ६१४ क्विंटल...नांदेड : नांदेड, परभणी, हिंगोली जिल्ह्यात किंमत...
`ऊस उत्पादकांवरील अन्याय सहन करणार नाही`कोल्हापूर  ः पूरग्रस्त शेतकऱ्यांच्या नुकसान...
गुलटेकडीत फ्लॉवर, वांगी, गाजराच्या दरात...पुणे ः गुलटेकडी येथील कृषी उत्पन्न बाजार...
वनस्पतींच्या संरक्षणामध्ये कार्यरत...वनस्पतीच्या मुळांमध्ये राहत असलेल्या...
‘एसआरटी’द्वारे कमी पाण्यात अधिक उत्पादन...औरंगाबाद : ‘‘ एसआरटी तंत्रज्ञानाद्वारे जमिनीची...
सांगली जिल्ह्यातील दुष्काळी पट्ट्यातील...सांगली : जिल्ह्यात मॉन्सूनोत्तर पाऊस दमदार झाला....
‘स्वाभिमानी’च्या आंदोलनामुळे विम्याचे...सोलापूर : मंगळवेढा तालुक्‍यातील शेतकऱ्यांचे...
सिंचन विहिरींसाठी त्रास झाल्यास करा...यवतमाळ  ः डॉ. बाबासाहेब आंबेडकर कृषी...
अकोला जिल्ह्यात ३.८४ लाख हेक्टरला...अकोला  ः गेल्या महिन्यात झालेल्या सततचा पाऊस...