नांदेड जिल्ह्यात पाच हजारावर शेतकऱ्यांना तूर, हरभऱ्याचे चुकारे

नांदेड : किमान आधारभूत किंमत खरेदी योजनेअंतर्गंत राज्य सहाकरी पणन महासंघाच्या सहा केंद्रांवर १९ हजार ८५ क्विंटल तूर खरेदी झाली. त्यासाठी ४ हजार २२५ शेतकऱ्यांना ११ कोटी ६ लाख ९४ हजार ६२४ रुपये दिले गेले. तसेच १७ हजार ९६ क्विंटल हरभऱ्याचे १ हजार २३ शेतकऱ्यांना ८ कोटी ३३ लाख ४४ हजार ७०६ रुपये दिले. असे एकूण ५ हजार २४८ शेतकऱ्यांना १९ कोटी ४० लाख ३९ हजार ३३० रुपयांचे चुकारे देण्यात आले, अशी माहिती जिल्हा पणन अधिकारी सुधीर पाटील यांनी दिली. 

नांदेड (अर्धापूर), हदगाव, किनवट, बिलोली, देगलूर, मुखेड येथील केंद्रावर सोमवार (ता.२५) पर्यंत ४ हजार ४३ शेतकऱ्यांची २० हजार ४० क्विंटल तूर खरेदी करण्यात आली. त्यापैकी ४ हजार २२५ शेतकऱ्यांना १९ हजार ८५ क्विंटल तुरीचे ११ कोटी ६ लाख ९४ हजार ६२४ रुपयांचे चुकारे दिले गेले. अद्याप २०८ शेतकऱ्यांचे ९५५ क्विंटल तुरीचे ५५ लाख ४० हजार ५०८ रुपयांचे चुकारे येणे बाकी आहे. 

नांदेड (अर्धापूर), हदगाव, किनवट, बिलोली, देगलूर, मुखेड येथील केंद्रावर बुधवार (ता.२७) पर्यंत ३ हजार ३०५ शेतकऱ्यांचा ५७ हजार ४९० क्विंटल हरभरा खरेदी करण्यात आला. त्यांपैकी १ हजार २३ शेतकऱ्यांना १७ हजार ९६ क्विंटल हरभऱ्याचे ८ कोटी ३३ लाख ४४ हजार ७०६ रुपयांचे चुकारे दिले आहेत. अजून २ हजार २८२ शेतकऱ्यांचे ४० हजार ३९३ क्विंटल हरभऱ्याचे १९ कोटी ६९ लाख २ हजार १८ रुपयांचे चुकारे येणे बाकी आहेत.  केंद्रनिहाय तूर स्थिती 

केंद्रनिहाय हरभरा स्थिती