agriculture news in marathi, tur procurment process issue, akola, maharashtra | Agrowon

एकाने मंजूर केलेली तूर दुसरा करतो अमान्य
टीम अॅग्रोवन
रविवार, 11 मार्च 2018
अकोला  ः हमीभाव खरेदी केंद्रावर खरेदी करणारा व गोदामात साठवणूक करणारा ग्रेडर या वर्षी एकच राहणार, असे खुद्द पणनमंत्री सुभाष देशमुख यांनी अकोल्यात जाहीर केले. मात्र त्यांचे हे वक्तव्यच ठरले असून, सर्वत्र दोन ग्रेडर नेमण्यात अाल्याचे समोर अाले अाहे. मागील हंगामाप्रमाणे पुन्हा एकदा एकाने मंजूर केलेली तूर दुसऱ्या ग्रेडरकडून परत केली जात असल्याचा प्रकार अकोला जिल्ह्यात समोर आला आहे. याचा फटका शेतकऱ्यांना बसण्याची शक्यता वाढली अाहे.
 
अकोला  ः हमीभाव खरेदी केंद्रावर खरेदी करणारा व गोदामात साठवणूक करणारा ग्रेडर या वर्षी एकच राहणार, असे खुद्द पणनमंत्री सुभाष देशमुख यांनी अकोल्यात जाहीर केले. मात्र त्यांचे हे वक्तव्यच ठरले असून, सर्वत्र दोन ग्रेडर नेमण्यात अाल्याचे समोर अाले अाहे. मागील हंगामाप्रमाणे पुन्हा एकदा एकाने मंजूर केलेली तूर दुसऱ्या ग्रेडरकडून परत केली जात असल्याचा प्रकार अकोला जिल्ह्यात समोर आला आहे. याचा फटका शेतकऱ्यांना बसण्याची शक्यता वाढली अाहे.
 
गेल्या हंगामात हमीभाव खरेदी केंद्रावर धान्य खरेदी करताना प्रचंड गोंधळ उडाला होता. त्यातच हमीभावाने खरेदी करून साठवणुकीसाठी पाठवलेले धान्य गोदामावर कार्यरत असणाऱ्या ग्रेडरकडून परत पाठवले जात होते. विविध जिल्ह्यांमध्ये यामुळे पेच तयार झाले. अद्यापही काही ठिकाणच्या अशा धान्याची विल्हेवाट लागलेली नाही. याही हंगामात अाता पुन्हा हाच प्रकार सुरू झाला अाहे.
 
सध्या नाफेडमार्फत तूर खरेदी केली जात असून, काही ठिकाणी खरेदी झालेली तूर साठवणुकीसाठी पाठवल्यानंतर गोदामावरील ग्रेडरकडून परत केली जात अाहे. या अाठवड्यात अकोला जिल्ह्यात बार्शीटाकळी व तेल्हारा तालुक्यात अशा घटना समोर अाल्या अाहेत. सुमारे दोन हजारपेक्षा अधिक तुरीचे पोती परत करण्यात अाल्याचा प्रकार समोर अाला अाहे. परत केलेली तूर ही एफएक्यू दर्जाची नसल्याचा शेरा गोदामावरील ग्रेडरने दिला अाहे.
 
जर ही तूर एफएक्यू दर्जाची नव्हती, तर खरेदी केंद्रावरील ग्रेडरकडून मंजूर कशी केली गेली. नाफेडच्या ग्रेडरने निकषानुसार तूर खरेदी केली असेल तर कंपनीच्या ग्रेडरकडून परत करण्याचे गौडबंगाल काय, असा प्रश्न उपस्थित केला जाऊ लागला अाहे. दोन ग्रेडरच्या मूल्यांकनात असा कुठला फरक अाहे जो एक सकारात्मक व दुसरा नकारात्मक शेरा देतो, असेही शेतकरी विचारत अाहेत. 
 

अकोल्यात तूर खरेदी केंद्राचे उद् घाटन करण्यासाठी पणनमंत्री सुभाष देशमुख २ फेब्रुवारीला अाले होते. या वेळी केंद्राचे उदघाटन केल्यानंतर त्यांनी पत्रकारांशी संवाद साधला. गेल्या वर्षी अनेक ठिकाणी हमीभाव केंद्रावर खरेदी झालेली तूर गोदामावर असलेल्या ग्रेडरकडून परत पाठवली गेली होती. यामुळे ठिकठिकाणी अनेक प्रश्न निर्माण झाले होते. त्या पार्श्वभूमीवर या वेळी एकच ग्रेडर नेमला जाईल, असे त्यांनी सांगितले.

 
मंत्र्यांनी एकच ग्रेडर नेमणार असल्याचे सांगितले. मात्र त्यानंतर त्यांच्या या निर्णयाची अंमलबजावणी झालेली दिसत नाही. तूर खरेदी केंद्रावर नाफेडचा ग्रेडर कार्यरत अाहे, तर साठवणूक केंद्रावर एका कंपनीमार्फत ग्रेडर नेमण्यात अालेले अाहेत. खरेदी केंद्रावरील ग्रेडरने दर्जा तपासल्यानंतर खरेदी केली जाते. मात्र हीच तूर गोदामात साठवणुकीसाठी गेली असता, तेथील दुसरा ग्रेडर परत करतो. यामुळे नेमकी कोणाची ग्रेडिंग योग्य अाहे हाही प्रश्न उपस्थित केला जाऊ लागला अाहे.

इतर ताज्या घडामोडी
पंतप्रधान शेतकरी मानधन योजनेच्या...वाशीम : केंद्र शासनाने शेतकऱ्यांसाठी सुरू...
झरे परिसरात महावितरणकडून वीजजोडणीस...झरे, जि. सांगली : झरे व परिसरातील घरगुती व...
परभणी जिल्ह्यात पीक कर्जवाटपाच्या गतीला...परभणी : चालू आर्थिक वर्षातील पहिल्या साडेचार...
देवळा तालुक्यातील ‘त्या’...नाशिक : मागील पंधरवड्यात कळवण, सुरगाणा तालुक्यात...
सोलापूर जिल्ह्यात दोन लाख वीज...सोलापूर : घरगुती, वाणिज्यिक व औद्योगिक...
मुख्यमंत्री देवेंद्र फडणवीस यांच्या...अकोला  ः भाजपचे ज्येष्ठ नेते व माजी केंद्रीय...
देश, राज्यात बेरोजगारी हेच मोठे आव्हान...नगर : मागील पाच वर्षांत नोटबंदीसारख्या...
साताऱ्यातील भूस्खलन बाधितांचा पुनर्वसन...सातारा  : अतिवृष्टी व भूस्खलनामुळे बाधित...
नगर झेडपीत सहा महिन्यांत माहिती...नगर  ः जिल्हा परिषदेतून विविध योजनांची...
...तर बारामतीची जागाही जिंकता आली असती...नागपूर  ः ‘ईव्हीएम’मध्ये गडबड करायची असती तर...
पूरग्रस्त शेतकऱ्यांना कुळीथ, वालाचे...रत्नागिरी : या वर्षी पडलेल्या मुसळधार...
मराठवाड्यातील मध्यम, लघुप्रकल्पांत २९...औरंगाबाद : अर्धेअधिक पावसाळा लोटल्यानंतरही...
`ग्रीन होम`मध्ये सेकंड होम, फार्म हाउस...पुणे : ‘सकाळ-ॲग्रोवन’च्या ‘ग्रीन होम एक्स्पो...
कृषी क्षेत्रात योगदान देणाऱ्या ...पुणे   : जिद्द, कष्ट, अथक परिश्रमाच्या...
लागवडयोग्य `पोटखराब`ची नोंद होणार सात...पुणे  ः पोटखराब जमीन लागवडीयोग्य केली असेल...
औरंगाबादमध्ये शेवगा २५०० ते ३००० रुपये...औरंगाबाद : येथील कृषी उत्पन्न बाजार समितीमध्ये...
माजी केंद्रीय अर्थमंत्री अरूण जेटली...नवी दिल्ली : भारतीय जनता पक्षाचे ज्येष्ठ नेते आणि...
नाशिक जिल्ह्यात लाल कांद्याच्या...नाशिक : चालू वर्षी पावसाचे आगमन उशिरा झाल्यानंतर...
ग्रामपंचायत संगणक परिचालकांच्या...नाशिक : महाराष्ट्र शासनाच्या ग्रामविकास व माहिती...
धुळे जिल्ह्यात किसान सन्मान योजनेत दोन...धुळे : जिल्ह्यात प्रधानमंत्री किसान सन्मान निधी...