agriculture news in marathi, turbulence in annual meeting of gokul, kolhapur, maharashtra | Agrowon

‘गोकुळ’च्या वार्षिक सभेत प्रचंड गोंधळ
टीम अॅग्रोवन
सोमवार, 1 ऑक्टोबर 2018

कोल्हापूर  : कोल्हापूर जिल्हा दूध संघाच्या (गोकुळ) वार्षिक सभेत रविवारी (ता. ३०) प्रचंड गोंधळ झाला. केवळ तीन मिनिटांत मंजूर, नामंजूर अशा घोषणांच्या गदारोळात सभा आटोपती घेण्यात आली.

कोल्हापूर  : कोल्हापूर जिल्हा दूध संघाच्या (गोकुळ) वार्षिक सभेत रविवारी (ता. ३०) प्रचंड गोंधळ झाला. केवळ तीन मिनिटांत मंजूर, नामंजूर अशा घोषणांच्या गदारोळात सभा आटोपती घेण्यात आली.

सभा सुरू असताना सत्ताधारी व विरोधकांत चप्पलफेक झाली. भेट म्हणून दिलेले खाद्यान्न, दुधाच्या पॅकिंग पिशव्या एकमेकांच्या अंगावर फेकण्यात आल्या. कार्यालयाच्या बाहेरून व्यासपीठाच्या दिशेने दगडफेक झाली. या हिंसक घटनांमुळे वातावरण तणावपूर्ण बनले होते. त्यानंतर पोलिसांनी सभासदांना पांगविले. ज्या मल्टिस्टेट ठरावावरून सभेला मोठे महत्त्व प्राप्त झाले होते, त्या ठरावासह अन्य ठराव मंजूर झाल्याचा दावा सत्ताधारी गटाने केला, तर दोन हजारांहून अधिक सभासद बाहेर असल्याचे कारण देत हा ठराव नामंजूर झाल्याचा आरोप विरोधी गटाने समांतर सभेत केला.

गेल्या काही दिवसांपासून दूध संघ मल्टिस्टेट करण्याबाबत माजी आमदार महादेव महाडिक यांच्या नेतृत्वाखालील सत्ताधारी गटाने ठराव केला होता. याला पी. एन. पाटील यांनीही समर्थन दिले होते. हा ठराव सभेत मंजूर करण्यात येणार होता. आमदार सतेज पाटील यांच्या विरोधी गटाने याला विरोध केला होता. गेल्या पंधरा दिवसांत गावोगावी सभा घेऊन याबाबत दोन्ही गटांकडून वातावरण तापविण्याचा प्रयत्न झाला. या पार्श्‍वभूमीवर रविवारच्या सभेला युद्धभूमीचे स्वरूप प्राप्त झाले. येथील ताराबाई पार्काच्या कार्यालयात सकाळपासून तणावाचे वातावरण होते. सभा अकराला असली तरी साडेसहा वाजल्यापासूनच सभास्थळी सभासदांना प्रवेश देण्यात येत होता. आठ वाजताच सभास्थळ पूर्ण भरले.

दरम्यान दहा वाजण्याच्या सुमारास विरोधी सतेज पाटील गटाच्या समर्थकांनी वॉटरपार्कजवळून एकत्र येत शक्तिप्रदर्शन केले. तेथून आमदार सतेज पाटील, चंद्रदीप नरके, संजय मंडलिक, आमदार हसन मुश्रीफ यांच्यासह हजारो कार्यकर्ते मोर्चाच्या स्वरूपात सभेच्या ठिकाणी आले. बसण्यास पुरेशी व्यवस्था नसल्याने त्यांनी निषेध करीत सभेच्या ठिकाणाबाहेरच ठाण मांडले.

अकरा वाजता सभेला सुरवात झाली. अध्यक्ष विश्‍वास पाटील यांनी ठरावाचे सविस्तर वाचन न करता केवळ ठरावांची संख्या सांगत सर्व ठराव मंजुरीसाठी ठेवल्यानंतर व्यासपीठासमोर मंजूर, नामंजूरचा गोंधळ सुरू झाला. हा गोंधळ सुरू झाल्याचे लक्षात येताच अवघ्या तीन मिनिटांतच राष्ट्रगीताला सुरवात करून सभा गुंडाळण्यात आली. संतप्त विरोधी सभासदांनी व्यासपीठाच्या दिशेने चपलांची फेकाफेक केली. यामुळे वातावरण गंभीर झाले.

विरोधकांनी या सभेचा निषेध करीत बाहेर येऊन समांतर सभा घेऊन निषेध केला. सभेनंतर महादेव महाडिक यांनी व्यासपीठावर येत ही सभा लोकशाही पद्धतीने झाल्याचे सांगत सर्व ठराव मंजूर केल्याबद्दल सभासदांचे आभार मानले. या वेळी पुन्हा गोंधळ झाला.

इतर ताज्या घडामोडी
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
जळगावात भरताची वांगी १५०० ते २६०० रुपये...जळगाव : कृषी उत्पन्न बाजार समितीत बुधवारी (...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...