agriculture news in Marathi turmeric arrival increasing in APMCs Maharashtra | Page 2 ||| Agrowon

हळदीची आवक वाढू लागली 

टीम अॅग्रोवन
बुधवार, 17 मार्च 2021

बाजार समित्यांत हळदीची आवक वाढू लागली आहे. सांगलीत सकाळी राजापुरी, तर सायंकाळी परपेठ हळदीचे सौदे सुरू झाले आहे. 

सांगली/परभणी ः बाजार समित्यांत हळदीची आवक वाढू लागली आहे. सांगलीत सकाळी राजापुरी, तर सायंकाळी परपेठ हळदीचे सौदे सुरू झाले आहे. सध्या दर काहीसे कमी झाले असले, तरीही गेल्या वर्षीच्या तुलनेत दीड ते दोन हजारांनी सुधारलेले आहेत. पुढील काही दिवस हळदीची आवक आणि दर स्थिर राहतील, दरात फारसे चढ-उतार होण्याची शक्यता नसल्याचा अंदाज जाणकारांनी व्यक्त केला. 

सांगली बाजार समितीत जिल्ह्यासह सातारा जिल्ह्यातून हळदीची आवक वाढली आहे. त्याचप्रमाणे निजामाबाद, सदाशिवपेठ, नांदेड वसमत या ठिकाणांहून हळद सौद्यासाठी येऊ लागली आहे. त्यामुळे स्थानिक म्हणजे राजापुरी हळदीचे सौदे सकाळी निघतात. तर महाराष्ट्रातील सांगली सोडून इतर जिल्ह्यांसह परराज्यांतील हळदीची आवक होऊ लागल्याने परपेठ या हळदीचे सौदे सायंकाळी होतात. वास्तविक पाहता मार्च महिन्याच्या दुसऱ्या आठवड्यापासून दिवसातून दोन वेळा सौदे सुरू झाले. परिणामी, हळदीच्या आवकीत वाढ झाली. 

गेल्या तीन दिवसांपासून दररोज स्थानिक हळदीची ५५ ते ६० हजार क्विंटल, तर परपेठ हळदीची ७ ते ११ हजार क्विंटल अशी ६० ते ७० हजार क्विंटल आवक होत आहे. हळदीच्या आवकीत वाढ झाली असल्याने गेल्या आठवड्यापेक्षा चालू आठवड्यात दरात काहीशी घसरण झाली आहे. मात्र,सध्याची हळदीची आवक पाहता, हळदीच्या दरात चढ-उतार होण्याची फारशी शक्यता नसून दर स्थिर राहतील, असा अंदाज जाणकारांनी व्यक्त केला. 

हिंगोली येथील संत नामदेव हळद मार्केटमध्ये सध्या एक दिवस आड हळदीची आवक घेण्यात येत आहे. मंगळवारी हळदीची ६५० क्विंटल आवक झाली होती. तर वसमत कृषी उत्पन्न बाजार समितीत नवीन हळदीची काही प्रमाण आवक सुरू झाली आहे. मंगळवारी वसमतमध्ये २००० क्विंटल हळदीची आवक होती. 

सांगली बाजार समितीतील हळदीचे दर (रुपये/क्विंटल) 

प्रकार १६ फेब्रुवारी ९ फेब्रुवारी 
सेलम कणी ७८०० ते ८५०० ८८०० ते ९३०० 
मध्यम ८५०० ते ८८०० ९८०० ते १०५०० 
उच्च लगडी १२५०० ते १३०० १२५०० ते १४५०० 

महत्त्वाच्या बाजारांतील दर (रुपये/क्विंटल)

बाजार किमान कमाल सरासरी 
हिंगोली ८०५० ८७५० ८४०० 
वसमत ७००० ९५०० ८२५० 

प्रतिक्रिया
गेल्या वर्षीच्या तुलनेत यंदा हळदीच्या दरात दीड ते दोन हजारांनी वाढ झाली आहे. शेतकऱ्यांनी कृत्रिम दराच्या तेजीला बळी न पडता, योग्य विचार करून योग्य बाजारपेठेत हळदीची विक्री करावी. 
- हार्दिक सारडा, हळद व्यापारी, सांगली 

हळदीच्या दर्जावर दर मिळत आहेत. त्यामुळे दर्जा ठेवून हळदीचे उत्पादन घेत असल्याने चांगले दर मिळतात. शेवटी दर हे आवकेवर अवलंबून असल्याने दरात चढ उतार होतो. गेल्या आठवड्यापेक्षा चालू आठवड्यात दरात घसरण झाली आहे. गेल्या वर्षीपेक्षा यंदा दर चांगले असल्याने फायदेशीर आहेत. 
- मयूर पावणे, हळद उत्पादक, कालवडे, ता. कराड 


इतर अॅग्रोमनी
कापूस लागवडीत यंदा घट शक्यपुणे ः पुढील दोन ते तीन महिन्यांत खरीप लागवड सुरू...
भारताने आयात-निर्यात धोरणांत बदल करू नयेपुणे ः केंद्र सरकारकडून आयात-निर्यातीच्या...
ब्राझीलच्या साखरेचा आंतरराष्ट्रीय...कोल्हापूर : साखरेच्या आंतरराष्ट्रीय बाजारपेठेत...
खाद्य तेलाच्या किमती आटोक्यात आणणार :...नवी दिल्ली : देशातील खाद्य तेलाच्या किरकोळ...
अन्नप्रक्रिया उद्योगासाठी १०,९००...नवी दिल्ली : देशातील अन्नप्रक्रिया उद्योगासाठी (...
सांगली बाजारात हळदीचे दर स्थिर सांगली ः गेल्या आठवड्यापासून हळदीचे दर स्थिर असून...
चीनच्या मागणीने शेंगदाणा दराला आधार पुणे : शेंगदाण्याची बाजारात गेल्या वर्षीच्या...
राज्यात शिल्लक साखरेचा बोजा कायम कोल्हापूर : यंदाचा साखर हंगाम अंतिम टप्प्यात येत...
लातूरला सोयाबीनचा भाव साडे पाच हजारावरलातूर ः लातूर उच्चत्तम कृषी उत्पन्न बाजार...
हळदीच्या आवकेत वाढसांगली ः हळदीचा हंगाम सुरु झाल्यापासून सहा ते...
तूर आयातीचा परिणाम दीर्घकाळ कमीच राहील पुणे ः सरकारने वित्तीय वर्ष २०२१-२२ साठी ६ लाख टन...
राज्यातून २० लाख टन साखरनिर्यातीचे करार कोल्हापूर ः यंदा साखर उत्पादनाबरोबरच...
आयातीने तुरीच्या दरावर परिणाम शक्य पुणे ः उडीद आयातीला गेल्या आठवड्यात परवानगी...
आवक वाढूनही हरभरा दर टिकून पुणे ः यंदा हरभरा उत्पादनात घटीचा अंदाज आणि सण...
देशातील कापूस उत्पादन ३५८ लाख गाठींवर...नवी दिल्ली ः देशात यापूर्वी कापसाचे ३६० लाख गाठी...
मोहरीला दराचा ‘तडका’ पुणे ः राजस्थानमध्ये मोहरीच्या दराने हमीभावाचा...
हळदीची आवक वाढू लागली सांगली/परभणी ः बाजार समित्यांत हळदीची आवक वाढू...
देशात विक्रमी फलोत्पादनाचा अंदाज पुणे ः देशात २०२०-२१ मध्ये फलोत्पादनात फळांचे १०३...
चीनकडून शेतीमालाची आक्रमक खरेदी पुणे ः जागतिक पातळीवर जवळपास सर्वच शेतमालाची...
हरभरा दरात घसरणीची शक्यता कमीपुणे ः हरभरा आवक वाढत असून पुढील १० ते १२ दिवसांत...