agriculture news in Marathi turmeric arrival raised in market Maharashtra | Page 2 ||| Agrowon

हळदीच्या आवकेत वाढ

टीम अॅग्रोवन
मंगळवार, 23 मार्च 2021

हळदीचा हंगाम सुरु झाल्यापासून सहा ते सव्वासहा लाख (एक पोते ५० किलोचे) पोत्यांची विक्री झाली. सांगली बाजार समितीत दरवर्षी १२ ते १३ लाख पोत्यांची आवक होते.

सांगली ः हळदीचा हंगाम सुरु झाल्यापासून सहा ते सव्वासहा लाख (एक पोते ५० किलोचे) पोत्यांची विक्री झाली. सांगली बाजार समितीत दरवर्षी १२ ते १३ लाख पोत्यांची आवक होते. देशी कडपा हळदीची आवक सुरु झाली आहे. त्यामुळे हळदीचे दर स्थिर आहेत. सोमवारी (ता.२२) हळदीला ७५०० ते १०५०० रुपये दर मिळाले

सांगली बाजार समितीत हळदीच्या आवकीत वाढ होऊ लागली आहे. सोमवारी (ता. २२) हळदीची ३५ हजार १४२ क्विंटल आवक झाली होती. गेल्या दोन दिवसांपासून देशी कडपा हळदीची आवक येवू लागली आहे. या हळदीला देखील मागणी अधिक आहे. हळदीचा हंगाम सुरु झाल्यापासून नव्या हळदीची मोठ्या प्रमाणात विक्री झाली होती. 

सांगली बाजार समितीत सांगली, सातारा जिल्ह्यासह परराज्यातील हळदीची सुमारे १२ ते १३ लाख पोत्यांची आवक होते. यंदा देशात सुमारे १५ टक्के हळदीचे पिकाचे नुकसान झाले होते. त्यामुळे उत्पादन घटीची शक्यता असल्याने सांगली बाजार समितीत अंदाजे १० ते १२ लाख पोत्यांची आवक होईल, असा अंदाज व्यापारी वर्गाने व्यक्त केला आहे.  सध्या सहा ते सव्वा सहा लाख पोत्यांची विक्री झाली.

देशातील हळद उत्पादन घेणाऱ्या महाराष्ट्रासह अन्य राज्यातील हळदीच्या बाजारपेठेत हळदीची आवक वाढली असल्याचे चित्र आहे. त्यामुळे बाजारात हळदीची आवक वाढली आहे. परिणामी हळदीची आवक वाढली असली तरी सांगलीतील हळदीचे दर स्थिर आहेत. गेल्या तीन ते चार दिवसांपूर्वीपेक्षा सोमवारच्या सौद्यात हळदीच्या दरात १०० ते २०० रुपयांनी घसरण झाली असल्याचे व्यापारी वर्गाने सांगितले.

सोमवार (ता. २२) हळदीचे दर
७८०० ते ८०००
सेलम कणी
७५०० ते ७८००
देशी कडपा 
८५०० ते ८०००
मध्यम
९५०० ते १०५००
उच्च लगडी

हिंगोली, वसमतमध्ये सौदे
मराठवाड्यातील बाजारांमध्येही हळदीची आवक वाढत आहे. हिंगोली, परभणी, वसमत आणि नांदेड बाजारात हळदीचे सौदे होत आहेत. आवकेच्या हंगामाच्या प्रारंभी हळदीच्या दरात वाढ पाहायला मिळाली होती. त्यात मात्र आता काहीसा दबाव आला आहे. विभागातील बाजार समित्यांसह शेजारच्या जिल्ह्यांतही आवक वाढत असल्याने दरवाढीवर परिणाम झाला आहे. हिंगोली येथील संत नामदेव हळद मार्केटमध्ये सोमवार (ता.२२) १२०० क्विंटल हळदीची आवक झाली होती. या वेळी हळदीला किमान ७००० कमाल ९२२५ तर सरासरी ८११२ रुपये दर मिळाला होता. वसमत येथील बाजार समितीत शनिवारी हळदीचे सौदे झाले होते. या वेळी हळदीची ७२४ क्विंटल आवक झाली होती. हळदीला किमान ७५००, कमाल ९६४० तर सरासरी ८१०० रुपये दर मिळाल्याचे बाजार समितीच्या सूत्रांनी सांगितले. सोमवारी परभणी बाजार समितीत सौदे झाले नव्हते. 
 
 


इतर अॅग्रोमनी
अन्नप्रक्रिया उद्योगासाठी १०,९००...नवी दिल्ली : देशातील अन्नप्रक्रिया उद्योगासाठी (...
सांगली बाजारात हळदीचे दर स्थिर सांगली ः गेल्या आठवड्यापासून हळदीचे दर स्थिर असून...
चीनच्या मागणीने शेंगदाणा दराला आधार पुणे : शेंगदाण्याची बाजारात गेल्या वर्षीच्या...
राज्यात शिल्लक साखरेचा बोजा कायम कोल्हापूर : यंदाचा साखर हंगाम अंतिम टप्प्यात येत...
लातूरला सोयाबीनचा भाव साडे पाच हजारावरलातूर ः लातूर उच्चत्तम कृषी उत्पन्न बाजार...
हळदीच्या आवकेत वाढसांगली ः हळदीचा हंगाम सुरु झाल्यापासून सहा ते...
तूर आयातीचा परिणाम दीर्घकाळ कमीच राहील पुणे ः सरकारने वित्तीय वर्ष २०२१-२२ साठी ६ लाख टन...
राज्यातून २० लाख टन साखरनिर्यातीचे करार कोल्हापूर ः यंदा साखर उत्पादनाबरोबरच...
आयातीने तुरीच्या दरावर परिणाम शक्य पुणे ः उडीद आयातीला गेल्या आठवड्यात परवानगी...
आवक वाढूनही हरभरा दर टिकून पुणे ः यंदा हरभरा उत्पादनात घटीचा अंदाज आणि सण...
देशातील कापूस उत्पादन ३५८ लाख गाठींवर...नवी दिल्ली ः देशात यापूर्वी कापसाचे ३६० लाख गाठी...
मोहरीला दराचा ‘तडका’ पुणे ः राजस्थानमध्ये मोहरीच्या दराने हमीभावाचा...
हळदीची आवक वाढू लागली सांगली/परभणी ः बाजार समित्यांत हळदीची आवक वाढू...
देशात विक्रमी फलोत्पादनाचा अंदाज पुणे ः देशात २०२०-२१ मध्ये फलोत्पादनात फळांचे १०३...
चीनकडून शेतीमालाची आक्रमक खरेदी पुणे ः जागतिक पातळीवर जवळपास सर्वच शेतमालाची...
हरभरा दरात घसरणीची शक्यता कमीपुणे ः हरभरा आवक वाढत असून पुढील १० ते १२ दिवसांत...
तेलबिया उत्पादनात वाढ वॉशिंग्टन ः जागतिक तेलबिया उत्पादनात फेब्रुवारी...
सांगली बाजार समितीत हळदीची आवक वाढलीसांगली ः  कोरोना विषाणूचा वाढता...
सरकारी आकड्यांपेक्षा हरभरा उत्पादनात घट यंदाच्या हंगामात सुरुवातीपासूनच पिकांना बदलत्या...
देशात साखर उत्पादनात ४० लाख टनांनी वाढलेकोल्हापूर : देशातील साखर कारखान्यांनी...