हळद सौद्याला प्रारंभ

शेतकऱ्यांनी जास्तीत जास्त शेतीमाल बाजार समितीमध्ये विक्रीस आणावा. आज पहिल्याच दिवशी हळदीला चांगला दर मिळाला आहे. यंदाच्या सीझनमध्ये विक्रमी आवक होईल. -दिनकर पाटील, सभापती, सांगली कृषी उत्पन्न बाजार समिती
हळद सौदे
हळद सौदे

सांगली  ः  येथील सांगली कृषी उत्पन्न बाजार समितीत बुधवारी (ता. ३०) हळदीच्या नवीन सौद्यांना प्रारंभ झाला. पहिल्याच दिवशी १२ हजार २६० पोत्यांची आवक झाली. या वेळी हळदीस सात ते १२, ६०० रुपये प्रतीक्विंटल दरम्यान दर मिळाला. पहिल्याच सौद्याला महाराष्ट्र आणि कर्नाटक परिसरातील हळदीची आवक झाली होती. हळदीला चांगला दर मिळाल्याने शेतकऱ्यांनी समाधान व्यक्त केले.  समिती आवारातील हळद, गूळ, बेदाणा व्यापाऱ्यांना केंद्रीय `जीएसटी'' विभागाने सेवाकराच्या नोटिसा दिल्यामुळे व्यापाऱ्यांनी सौदे बंद ठेवले होते. १२ दिवस व्यापार बंद राहिल्याने सौदे ठप्प होते. जानेवारीपासून हळदीचे सौदे सुरू होतात. परंतु, व्यापार बंदमुळे शेतकऱ्यांत चिंतेचे वातावरण होते.  बंदमुळे हळद अन्य बाजारपेठेत नेण्याच्या विचारात शेतकरी होते. परंतु, तत्पूर्वी पालकमंत्री सुभाष देशमुख व खासदार संजय पाटील यांनी मध्यस्थी करून व्यापाऱ्यांना आवाहन केले. त्यानंतर २५ जानेवारी रोजी बंद मागे घेण्यात आला. २६ जानेवारी रोजी गूळ सौदे सुरूही झाले.  हळद सौद्याला सभापती दिनकर पाटील यांच्या हस्ते प्रारंभ झाला. बावची (ता. वाळवा) येथील शेतकरी राजेंद्र शिनगारे यांच्या १२ पोत्यांच्या कलमास जय श्रीराम ट्रेडर्स दुकानात प्रतिक्विंटल १२ हजार ६०० रुपये दर मिळाला. श्रीराम मालू यांनी खरेदी केली. पहिल्याच सौद्यात महाराष्ट्र व कर्नाटक परिसरातील १२ हजार २६० पोत्यांची आवक झाली. सात हजारांपासून १२ हजारांहून अधिक दर मिळाला. शेतकऱ्यांतून समाधान व्यक्त होत आहे.  सौद्यासाठी बाजार समिती संचालक जीवन पाटील, शीतल पाटील, बाळासाहेब बंडगर, सचिव एन. एम. हुल्याळकर, सहायक सचिव आर. ए. पाटील, हळद संघटना अध्यक्ष सतीश पटेल, चेंबर ऑफ कॉमर्सचे अध्यक्ष शरद शहा, अडत संघटना अध्यक्ष राजेंद्र पाटील, हळद व्यापारी गोपाळ मर्दा, नूल शहा, मनोहर सारडा, श्रीकांत मालू, प्रदीप चौगुले, कौशल शहा, केतन काब्रा, बन्सीलाल ओस्तवाल आदी उपस्थित होते.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com