Agriculture news in Marathi Turmeric exports declined by 11 per cent in August | Page 2 ||| Agrowon

हळद निर्यात ऑगस्टमध्ये ११ टक्क्यांनी घटली

टीम अॅग्रोवन
मंगळवार, 14 सप्टेंबर 2021

देशात निर्यातयोग्य हळदीचा साठा उपलब्ध आहे. मात्र, निर्यातीसाठीचे दर वाढल्याने आयातदार देशांतून मागणी मंदावली आहे. परिणामी देशातून हळद निर्यात ऑगस्ट महिन्यात ११ टक्क्यांनी घटली आहे.

पुणे : देशात निर्यातयोग्य हळदीचा साठा उपलब्ध आहे. मात्र, निर्यातीसाठीचे दर वाढल्याने आयातदार देशांतून मागणी मंदावली आहे. परिणामी देशातून हळद निर्यात ऑगस्ट महिन्यात ११ टक्क्यांनी घटली आहे. गेल्यावर्षी ऑगस्टमध्ये १३ हजार ८०० टन निर्यात झाली होती. तर यंदा १२ हजार २३० टन निर्यात झाल्याचे जाणकारांनी सांगितले. 

जागतिक पातळीवर भारत हळद उत्पादनात अग्रेसर आहे. देशातून हळदीची निर्यात नियमित होतच असते. मात्र, देशांतर्गत बाजारात दर सुधारल्याचा परिणाम निर्यातीवर होत आहे. देशव्यापी लॉकडाउन, अनेक देशांमध्ये थांबलेली निर्यात आणि कंटनेरची कमतरता, भाडेवाढ या वाहतुकीतील अडथळ्यांमुळे निर्यात प्रभावित झाली होती. नंतरच्या काळात निर्यात सुरळीत झाली. मात्र, निर्यात कमी गतीने होत आहे.

देशातील हळद लागवड जवळजवळ संपत आली आहे. गेल्या काही दिवसांत हळदीला बऱ्यापैकी दर मिळाल्याने शेतकऱ्यांनी लागवड काही प्रमाणात वाढविल्याचे जाणकारांनी सांगितले. आंध्र प्रदेश, तेलंगणा, तमिळनाडू, कर्नाटक, महाराष्ट्र आणि ओडिशा राज्यांत चांगली लागवड झाल्याचे सूत्रांनी सांगितले. मात्र, महाराष्ट्रात हळद उत्पादक भागांत झालेल्या पावसाने पिकाला फटका बसला आहे. इतर राज्यांत पीक सामान्य आणि चांगले आहे. बाजारांत नव्या हळदीची आवक पुढील वर्षी जानेवारी किंवा फेब्रुवारी महिन्यात होईल. तोपर्यंत असलेल्या साठ्यावर देशाला गरज भागवावी लागेल. त्यातच सणांचा कालावधी असल्याने दरही चांगले राहण्याची शक्यता आहे, असे जाणकारांनी सांगितले.

अशी झाली निर्यात
देशातून ऑगस्ट महिन्यात झालेल्या एकूण निर्यातीपैकी संयुक्त अरब अमिरातीत (यूएई) सर्वाधिक २ हजार ४७२ टन निर्यात झाली. त्यानंतर बांगलादेशात २ हजार १२ टन निर्यात झाली. अमेरिकेत ७४८ टन, जर्मनी ६०० टन, इराक ४४२ टन, सऊदी अरब ५१२ टन, मलेशिया ४७३ टन, इराण ४१६ टन आणि ट्युनिशिया देशात ३४७ टन हळदीची निर्यात झाली.

निर्यात मूल्य
देशात हळदीचा वापर वाढल्याने दर बऱ्यापैकी टिकून आहेत. त्यामुळे निर्यातही महाग होत आहे. परिणामी आयात करणाऱ्या देशांतून मागणी प्रभावित होत असल्याचे जाणकारांनी सांगितले. निर्यातीसाठी युएईसाठी निर्यात ऑफर मूल्य ७५०० रुपये प्रतिक्विंटल होते. बांगलादेशसाठी ७३०० रुपये होते.

देशातील लागवड आणि परिस्थिती पाहता चांगले उत्पादन होण्याची शक्यता आहे. त्यातच सट्टेबाज आणि साठेबाज सक्रिय असल्याने दरही चांगले राहण्याची शक्यता आहे.
- राहुल चौहान, शेतीमाल बाजार विश्लेषक, दिल्ली


इतर अॅग्रोमनी
साखरदराचा वारू चौखूर उधळला; ३५०० चा...कोल्हापूर : गेल्या पंधरा दिवसांपासून स्थानिक...
पंढरपुरात बेदाण्यास सर्वाधिक ३०५ रुपये...सोलापूर : पंढरपूर कृषी उत्पन्न बाजार समितीमध्ये...
सोयापेंड आयात थांबवा : राज्य सरकारचे...पुणे : जनुकीय परावर्तित (जीएम) सोयाबीनपेंडच्या...
साखर दराला झळाळी; दोन वर्षांतील...कोल्हापूर : साखरेच्या आंतरराष्ट्रीय बाजारात...
ब्राझीलला दणका; भारतीय साखर उद्योगास...जगात घडणाऱ्या प्रत्येक छोट्या-मोठ्या घटनांमुळे...
ग्लोबल एक्सलन्स ॲवॉर्डने अनिल जैन यांचा...जळगाव : पाणी क्षेत्रातील उत्तम कामगिरीबद्दल ‘...
साखरच्या दरात २०० रुपयांनी वाढकोल्हापूर : आंतरराष्ट्रीय बाजारात साखरेचे दर वाढत...
कच्ची साखरनिर्यात यंदा फायदेशीर कोल्हापूर ः येत्या साखर हंगामात आंतरराष्ट्रीय...
उत्पादक कंपनीच्या संचालक मंडळाचे कार्यप्रत्येक ‘एफपीओ’चे संचालक मंडळ पाचपेक्षा कमी...
राज्यात हंगामावर यंदा जादा साखरेचे ओझेकोल्हापूर : यंदाच्या हंगामापूर्वी देशात गेल्या...
भारतीय साखरेला थायलंडचे आव्हानकोल्हापूर : येत्या हंगामात साखरनिर्यातीसाठी...
जागतिक बाजारात साखर दरात घटकोल्हापूर : जगातील सर्वांत जास्त साखर उत्पादन...
मध्य प्रदेशात सोयाबीनचे क्षेत्र कमी...नागपूर : मध्य प्रदेशात पिवळं सोनं म्हणून ओळखल्या...
देशात सव्वादोन लाख हेक्टरवर हळद लागवडसांगली ः यंदा देशात हळदीची लागवड अंतिम टप्प्यात...
शेतकरी कंपन्यांसाठी अर्थसंकल्पाची गरजशेतकरी कंपनी सुरू करण्यापूर्वी जसे व्यवसायाची...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
मोहरीतील तेजीची कारणे  वेगळीच ः विजय...नागपूर : बाजारात हमीभावापेक्षा मोहरीला जास्त दर...
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...