हिंगोली : ‘‘राज्याच्या अर्थसंकल्पामध्ये हिंगोली जिल्ह्यास हळद क्लस्टर जाहीर करा. त्यासाठी भरीव आर्थिक तरतूद करा,’’ अशी मागणी खासदार हेमंत पाटील यांनी पणन, गृहराज्यमंत्री शंभूराज देसाई यांच्याकडे केली. यावेळी उभयतांमध्ये हळद संशोधन व प्रक्रिया महामंडळाच्या अनुषंगाने चर्चा झाली.
जिल्हा हळदीच्या उत्पादनात अग्रेसर आहे. सर्वच तालुक्यात हळदीचे उत्पादन घेतले जाते. त्यामुळे जिल्ह्यांमध्ये हळद संशोधन व प्रक्रिया महामंडळ स्थापनेसाठी केंद्र स्तरावर सातत्याने मागणी केली. याबाबत राज्याकडे सर्व अधिकार देऊन हळद संशोधन व प्रक्रिया महामंडळ स्थापन करण्यासाठी पाठपुरावा करावा, असे केंद्राने सांगितले होते.
कृषी विभागाने खासदार पाटील यांच्या अध्यक्षतेखाली स्थापन केलेल्या अभ्यास समितीच्या अहवालावरून जिल्ह्यांमध्ये हळद संशोधन व प्रक्रिया महामंडळास हिरवा कंदील दाखविला. त्यानुसार या महामंडळाच्या निर्मिती प्रक्रियेच्या हालचालींना वेग आला. नुकतीच पुणे येथे पार पडलेल्या अभ्यास समितीच्या बैठकीत धोरण निश्चितीसाठी अनेक महत्त्वपूर्ण मुद्यांवर चर्चा झाली, असे पाटील यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.