agriculture news in marathi, turmeric plantation area decrease, hingoli, maharashtra | Page 3 ||| Agrowon

हिंगोली जिल्ह्यात हळदीच्या क्षेत्रात अडीच हजार हेक्टरने घट
टीम अॅग्रोवन
सोमवार, 16 सप्टेंबर 2019

हिंगोली  ः यंदा (२०१९-२०) हिंगोली जिल्ह्यात ३२ हजार ५३४ हेक्टरवर हळद लागवड झाली आहे. गतवर्षी (२०१८-१९) च्या तुलनेत यंदा हळद लागवड क्षेत्रात २६६७ हेक्टरने घट झाली आहे. यंदा जिल्ह्यात पावसाचे आगमन उशिरा झाले, त्यामुळे हळद लागवडीस विलंब झाला. कमी पावसामुळे सिंचनासाठी पाण्याची उलब्धता नसल्यामुळे यंदा हळद लागवड क्षेत्रात घट झाली आहे.

हिंगोली  ः यंदा (२०१९-२०) हिंगोली जिल्ह्यात ३२ हजार ५३४ हेक्टरवर हळद लागवड झाली आहे. गतवर्षी (२०१८-१९) च्या तुलनेत यंदा हळद लागवड क्षेत्रात २६६७ हेक्टरने घट झाली आहे. यंदा जिल्ह्यात पावसाचे आगमन उशिरा झाले, त्यामुळे हळद लागवडीस विलंब झाला. कमी पावसामुळे सिंचनासाठी पाण्याची उलब्धता नसल्यामुळे यंदा हळद लागवड क्षेत्रात घट झाली आहे.

केळी, ऊस या जास्त पाण्याची गरज असलेल्या पिकांच्या तुलनेत कमी पाण्यावर किफायतशीर उत्पादन मिळत असल्यामुळे हिंगोली जिल्ह्यात हळदीच्या क्षेत्रात गेल्या पाच वर्षांपासून वाढ होत आहे. त्यामुळे प्रमुख हळद उत्पादक जिल्हा म्हणून हिंगोलीची ओळख निर्माण झाली आहे. सिंचनासाठी पाण्याच्या उपलब्धतेनुसार तसेच पावसाच्या आगमनानुसार दरवर्षी मे महिन्याचा अखेरचा आठवडा ते जून महिन्यापर्यंत हळद लागवड केली जाते. परंतु, गतवर्षीच्या दुष्काळामुळे यंदा मे महिन्यात सिंचनासाठी पाणी उपलब्ध नव्हते. पावसाचे आगमन देखील उशिरा झाल्याने यंदा हळद लागवडीस उशीर झाला. यंदा कमी पावसामुळे विहिरींना पाणी आलेले नाही. सिध्देश्वर प्रकल्पामध्ये देखील उपयुक्त पाणीसाठा नाही. त्यामुळे सिंचनाची खात्री नसल्यामुळे हळद लागवड क्षेत्रात यंदा २ हजार ६६७ हेक्टरने घट झाली. जिल्ह्यात ३२ हजार ५३४ हेक्टरवर हळद लागवड झाली आहे.

जिल्ह्यामध्ये २०१५-१६ मध्ये १६ हजार ४४२  हेक्टरवर हळद लागवड झाली होती. परंतु, अल्प पावासमुळे उद्भवलेल्या दुष्काळी स्थितीचा हळद उत्पादकांना मोठा फटका बसला होता. २०१६-१७ मध्ये २४ हजार १९६ हेक्टरवर हळदीची लागवड झाली होती. चांगल्या पावसामुळे उत्पादनही चांगले आले होते. परंतु, कमी दरामुळे अनेक शेतकऱ्यांचे आर्थिक नुकसान झाले होते. २०१७-१८ मध्ये २५ हजार ५४२ हेक्टरवर लागवड झाली होती. २०१८-१९ मध्ये हळदीच्या क्षेत्रात सर्वाधिक म्हणजे ९ हजार ६५९ हेक्टरने वाढ होऊन ३५ हजार २०१ हेक्टरवर लागवड झाली होती. गतवर्षीपर्यंत जिल्ह्यातील हळद लागवड क्षेत्रात वाढ होत गेली. परंतु, यंदा मात्र २ हजार ६६७ हेक्टरने घट झाली असून एकूण ३२ हजार ५३४ हेक्टरवर लागवड झाली आहे.
 

तालुकानिहाय हळद लागवड स्थिती (हेक्टर)
तालुका  २०१८ २०१९
हिंगोली ४५५९ ४७७३
कळमनुरी ५०००  ४८६४
वसमत  १६७०० १४९८०
औंढा नागनाथ ४८५२ ४९००
सेनगाव  ४०९० ३०१७

 

इतर ताज्या घडामोडी
शिवसेनेचा दावा; सत्तास्थापनेचा पेच कायममुंबई : राज्यातील सत्तास्थापनेसाठी राज्यपालांकडे...
संपूर्ण पीक कर्ज माफ करून पीकविमा सक्षम...नाशिक  : ‘नाशिक जिल्ह्यातील द्राक्ष...
साताऱ्यातील प्रमुख धरणांत ९९ टक्‍क्‍...सातारा ः जिल्ह्यात झालेली अतिवृष्टी; तसेत...
परभणी जिल्ह्यातील २० मंडळांमध्ये...परभणी ः दोन वर्षांच्या खंडानंतर परभणी जिल्ह्यात...
‘स्वाभिमानी’चे ठिय्या आंदोलन सुरू  सातारा ः जिल्ह्यातील सर्व ऊस उत्पादक शेतकऱ्यांना...
परभणी जिल्ह्यात रब्बीचे सव्वापाच टक्के...परभणी ः परभणी जिल्ह्यात यंदाच्या (२०१९-२०) रब्बी...
पुणे ः नऊ हजार हेक्टरवरील भाजीपाल्याचे...पुणे ः गेल्या आठ दिवसांपूर्वी झालेल्या अवकाळी...
जालना : निर्यातक्षम द्राक्षांच्या...जालना : निर्यातक्षम द्राक्ष बागांची नोंदणी...
लडाखला उभारणार सेंद्रिय शेती संशोधन...पुणे ः विविध शैक्षणिक क्षेत्रातील संशोधनावर...
नगर जिल्ह्यामध्ये २४१ वैयक्तिक पाणी...नगर ः वीस दिवस सतत पाऊस पडल्याने पाणीपातळी वाढली...
शेतकऱ्यामुळे टळला रेल्वे अपघात ! नगर : मनमाड-दौंड रेल्वेरुळाला विळद-देहरे गावच्या...
अतिपावसाने नगरमधील शेतजमिनी चिबडल्यानगर  : अतिपावसाने शेतीचे मोठे नुकसान झाले...
नांदेड जिल्ह्यात साडेसहा लाख हेक्टरवरील...नांदेड : नांदेड जिल्ह्यात पावसामुळे झालेल्या...
वर्धा जिल्ह्यातील ६०० हेक्‍टरवरील ...वर्धा  ः जिल्ह्यात मॉन्सूनोत्तर पावसामुळे...
दक्षिण महाराष्ट्रातील साखर...कोल्हापूर  : दक्षिण महाराष्ट्रात पावसाने...
नाशिक जिल्ह्यात पावसामुळे उन्हाळ...नाशिक  : जिल्ह्यात ऑक्टोबर महिन्यात झालेल्या...
ऊसतोड कामगारांच्या रोजगारावर होणार...नगर ः गतवर्षी दुष्काळामुळे उसाचे क्षेत्र घटले....
वऱ्हाडातील प्रकल्प तुडुंबअकोला  ः गेल्या महिन्यात सतत झालेल्या...
नाशिक जिल्ह्यात कांदा व्यापाऱ्यांवर धाडीनाशिक  : देशभरात कांद्याचा साठा संपुष्टात...
पीक व्यवस्थापन सल्ला सध्या मोठ्या प्रमाणात झालेल्या परतीच्या पावसामुळे...