agriculture news in Marathi turmeric rate up in country Maharashtra | Agrowon

हळदीला दराचा ‘रंग’ 

अनिल जाधव
शनिवार, 27 फेब्रुवारी 2021

हळद उत्पादनात घट झाल्याने यंदा हळदीचे दर वाढलेले आहेत. सध्या हळदीला देशभरात सरासरी ६६०० ते ९५०० रुपये दर मिळत आहेत. हे दर गेल्या वर्षातील उच्चांकी आहेत.

पुणे ः हळद उत्पादनात घट झाल्याने यंदा हळदीचे दर वाढलेले आहेत. सध्या हळदीला देशभरात सरासरी ६६०० ते ९५०० रुपये दर मिळत आहेत. हे दर गेल्या वर्षातील उच्चांकी आहेत. देशांतर्गत मागणी आणि निर्यातीसाठी विचारणा होत असल्याने यंदा हळदीचे दर चांगले राहतील, असा अंदाज जाणकारांनी व्यक्त केला आहे. 

‘‘सांगली बाजार समितीत नवीन हळदीची १८ ते २० हजार पोती आवक होत आहे. पुढील आठवड्यापासून आवक वाढण्याची शक्यता आहे. उत्पादनात ५ ते १० टक्के घट होण्याचा अंदाज आहे. सध्या बाजारात पावडर गुणवत्तेच्या हळदीला ७५०० ते ८२०० रुपये दर आहे. मीडियम रास मालाला ८२०० ते८५०० रुपये राजापुरी हळदीला ८५०० ते ९००० रुपये दर मिळत आहे. सध्याचे दर हे गेल्या पाच वर्षांतील विक्रमी दर आहेत.

मागणी आणि पुरवठ्यात तूट असल्याने दर वाढलेले आहेत. बाजारात आवक वाढली आणि सर्वच खेरदी केंद्रे सुरू झाल्यानंतर दर काही प्रमाणात तुटण्याची शक्यता आहे. त्यामुळे शेतकऱ्यांनी बाजार पाहून विक्री करावी,’’ असे आवाहन हळद व्यापारी हार्दिक सारडा यांनी केले. 

‘‘तेलंगणातील हळदीसाठी महत्त्वाच्या असलेल्या निजामाबाद बाजारात सरासरी ३० ते ३५ हजार पोत्यांची (एक पोते ६० किलो) आवक होत आहे. मागील दोन ते तीन दिवसांत दरात ३०० ते ४०० रुपये वाढ झाली आहे. सध्या हळद दराने मागील पाच वर्षांतील उच्चांक गाठला आहे. आम्हाला दुबईतून हळदीसाठी मागणी आली आहे. परंतु बाजारात आवक जेमतेम आहे. हळदीचे दर विक्रमी पातळीवर असतानाही आवक वाढताना दिसत नाही. याचा अर्थ सरळ आहे की यंदा उत्पादनात मोठी घट आहे. आमच्या अंदाजानुसार तेलंगणा आणि परिसरात उत्पादनात २५ टक्क्यांच्या जवळपास उत्पादनात घटीचा अंदाज आहे. त्यामुळे बाजारात आवक वाढताना दिसत नाही. मागणी आहे परंतु पुरवठा कमी असल्याने दर वाढत आहेत,’’ अशी माहिती निजामाबाद येथील व्यापारी सूत्रांनी सांगितले. 

विक्रमी दर केवळ दाखविण्यासाठी 
राज्यात केवळ सांगली बाजार समितीत नव्या हळदीची आवक आहे. येथे मागील दोन दिवसांपासून हळदीला २० हजार ते २४ हजार १०० रुपये विक्रमी दर मिळत असल्याचे वृत्त येत आहे. मात्र हे दर केवळ एक किंवा दोन क्विंटलच्याच मालाला मिळाले आहेत. हळदीचे दर बाजारात खूपच वाढलेले आहेत, हे ग्राहकांना दाखविण्यासाठी ही बोली लावली जाते. त्यामुळे विक्रमी दर हे केवळ दाखविण्यापुरतेच आहेत, सूत्रांनी सांगितले. 

प्रतिक्रिया
हळद उत्पादनातील घटीमुळे दरात वाढ झाली आहे. आम्हाला दुबई येथील बाजारातून हळदीसाठी विचारणा झाली आहे. परंतु बाजारात आवक कमी आहे. बाजारात ७६६० ते ७७७० रुपये दर मिळत आहेत. यंदा हळदीचे दर चांगले राहतील. 
- सुभम झावर, हळद व्यापारी, निजामाबाद, तेलंगणा 

सध्या हळदीचे दर पाच वर्षांतील विक्रमी पातळीवर आहेत. बाजारात आवक कमी असून, मागणी अधिक असल्याने दरात मोठी सुधारणा झाली आहे. शेतकऱ्यांनी बाजाराचा विचार करून विक्री करावी. 
- हार्दिक सारडा, हळद व्यापारी, सांगली 


इतर अॅग्रोमनी
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...
इंडोनेशिया, अफगाणिस्तानला ४८ टक्के साखर...कोल्हापूर : गेल्या सहा महिन्यांत देशातून निर्यात...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
साखर निर्यातीचा ‘गोडवा’ वाढलाकोल्हापूर : केंद्राकडून साखर निर्यात धोरण जाहीर...
पाम तेल आयातीवर श्रीलंकेचा ‘सर्जिकल...कोलंबो : श्रीलंका सरकारने पाम तेलाच्या आयातीवर...
सोयाबीनची तेजी अबाधित पुणे ः यंदा सोयाबीच्या दरांमध्ये झालेली सुधारणा...
भारताकडून पिवळ्या वाटाण्याची आयात बंद पुणे ः युक्रेनमधून पिवळ्या वाटाण्याची आयात करणारा...
बेदाण्याला दराची गोडीसांगली ः यंदाचा बेदाणानिर्मितीचा हंगाम अंतिम...
हरभरा दरवाढीचे संकेतपुणे ः देशातील महत्त्वाच्या हरभरा उत्पादक...
कापूस लागवडीत यंदा घट शक्यपुणे ः पुढील दोन ते तीन महिन्यांत खरीप लागवड सुरू...
भारताने आयात-निर्यात धोरणांत बदल करू नयेपुणे ः केंद्र सरकारकडून आयात-निर्यातीच्या...
ब्राझीलच्या साखरेचा आंतरराष्ट्रीय...कोल्हापूर : साखरेच्या आंतरराष्ट्रीय बाजारपेठेत...
खाद्य तेलाच्या किमती आटोक्यात आणणार :...नवी दिल्ली : देशातील खाद्य तेलाच्या किरकोळ...
अन्नप्रक्रिया उद्योगासाठी १०,९००...नवी दिल्ली : देशातील अन्नप्रक्रिया उद्योगासाठी (...
सांगली बाजारात हळदीचे दर स्थिर सांगली ः गेल्या आठवड्यापासून हळदीचे दर स्थिर असून...
चीनच्या मागणीने शेंगदाणा दराला आधार पुणे : शेंगदाण्याची बाजारात गेल्या वर्षीच्या...
राज्यात शिल्लक साखरेचा बोजा कायम कोल्हापूर : यंदाचा साखर हंगाम अंतिम टप्प्यात येत...
लातूरला सोयाबीनचा भाव साडे पाच हजारावरलातूर ः लातूर उच्चत्तम कृषी उत्पन्न बाजार...
हळदीच्या आवकेत वाढसांगली ः हळदीचा हंगाम सुरु झाल्यापासून सहा ते...