agriculture news in Marathi turmeric rate stable in Sangali Maharashtra | Agrowon

सांगली बाजारात हळदीचे दर स्थिर 

टीम अॅग्रोवन
बुधवार, 31 मार्च 2021

गेल्या आठवड्यापासून हळदीचे दर स्थिर असून, हळदीच्या दरात १०० ते २०० रुपयांचा चढ-उतार होत आहे. आतापर्यंत हळदीचा हंगाम ६० टक्के पूर्ण झाला आहे, अशी माहिती हळद व्यापाऱ्यांनी दिली.

सांगली ः गेल्या आठवड्यापासून हळदीचे दर स्थिर असून, हळदीच्या दरात १०० ते २०० रुपयांचा चढ-उतार होत आहे. आतापर्यंत हळदीचा हंगाम ६० टक्के पूर्ण झाला आहे, अशी माहिती हळद व्यापाऱ्यांनी दिली. सांगलीच्या हळद बाजार मेअखेर सुरू राहील, असा अंदाज हळद उद्योगातील जाणकारांनी व्यक्त केला आहे. 

सांगली बाजार समितीत हळदीचा बाजार वाढू लागला आहे. हळदीचा बाजार प्रामुख्याने जानेवारी महिन्यापासून ते मे महिन्यापर्यंत सुरू राहतो. या दरम्यान, सांगलीसह परराज्यातील हळद विक्रीला येते. बाजार समितीत दररोज २५ हजार ते ३० हजार क्विंटल हळदीची आवक होत आहे. यंदा देशात हळदीच्या उत्पादनात २० टक्क्यांनी घट होईल, असा अंदाज व्यापारी वर्गाने व्यक्त केला असून, यंदा सुमारे ८० लाख पोत्यांचे उत्पादन होईल. सध्या देशातील बाजारपेठेत हळदीची विक्री सुरू आहे.

फेब्रुवारी महिन्यात हळदीची काढणी झाली होती. शेतकऱ्यांनी हळद शिजवून वाळण्यासाठी टाकली होती. त्याच दरम्यान, बहुतांश ठिकाणी पाऊस झाला होता. तसेच दरही पडले होते. त्याचा फटका हळदीला बसला आहे. काही ठिकाणी हळद लाल होण्याचे प्रकार झाले आहेत. त्यामुळे त्याचा परिणाम दरावरही झाला आहे. परंतु आतापर्यंत किती पोत्यांची विक्री झाली आहे, हे आताच सांगता येणार नाही, असेही व्यापाऱ्यांनी सांगितले. 

पावडरला मोठी मागणी 
निजामाबादहून हळदीची निर्यात सुरू आहे. निर्यातक्षम हळदीचा दर प्रति क्विंटल ८५०० रुपये इतका आहे. सांगलीच्या हळद पावडरीला मागणी अधिक आहे. सर्वसाधारणपणे दररोज २०० ते ३०० टन हळदीची विक्री होत असून, पावडरीला प्रति क्विटंल ९५०० ते ११५०० रुपये असा दर मिळतो आहे. यंदा देशातून हळद आणि पावडरीची निर्यात वाढेल. हळदीचा हंगाम ६० टक्के पूर्ण झाला आहे. आता ४० टक्के हंगाम उरला आहे. या दरम्यान, हळदीच्या दरात फारशी तेजी-मंदी होण्याची शक्यता नसून दर स्थिर राहतील, असा अंदाज व्यक्त होत आहे. 

सांगली बाजार समितीतील हळदीचे दर (प्रति क्विंटल) 
सेलम कणी  :
७८०० ते ८२०० 
देशी कडपा   : ७५०० ते ८००० 
मध्यम  : ८५०० ते ९००० 
उच्च सेलम  : ९००० ते १०५०० 
लगडी  : १०५०० ते ११५०० 

प्रतिक्रिया 
यंदा हळदीच्या उत्पादनात घट होण्याची शक्यता आहे. त्यामुळे देशात ८० लाख पोती हळदीचे उत्पादन होईल, असा अंदाज आहे. सांगली बाजार समितीत गेल्या आठवड्यापासून हळदीचे दर स्थिर आहेत. तसेच सांगलीतून हळद पावडरची मागणीही वाढली आहे. त्यामुळे हळद पावडरीला दरही चांगले मिळत आहेत. 
- गोपाळ मर्दा, हळद व्यापारी, सांगली 


इतर अॅग्रोमनी
प्रक्रियायुक्‍त खाद्यपदार्थांच्या...नवी दिल्ली : कोरोनाकाळात सर्वच क्षेत्रांना मोठ्या...
दुसऱ्या लाटेचा बासमती तांदळास फटका कोल्हापूर : कोरोनाच्या दुसऱ्या लाटेचा फटका बासमती...
महाराष्ट्राला साखर वाहतूक अनुदान...कोल्हापूर : महाराष्ट्रातील साखर कारखान्यांना...
इंडोनेशिया, अफगाणिस्तानला ४८ टक्के साखर...कोल्हापूर : गेल्या सहा महिन्यांत देशातून निर्यात...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
साखर निर्यातीचा ‘गोडवा’ वाढलाकोल्हापूर : केंद्राकडून साखर निर्यात धोरण जाहीर...
पाम तेल आयातीवर श्रीलंकेचा ‘सर्जिकल...कोलंबो : श्रीलंका सरकारने पाम तेलाच्या आयातीवर...
सोयाबीनची तेजी अबाधित पुणे ः यंदा सोयाबीच्या दरांमध्ये झालेली सुधारणा...
भारताकडून पिवळ्या वाटाण्याची आयात बंद पुणे ः युक्रेनमधून पिवळ्या वाटाण्याची आयात करणारा...
बेदाण्याला दराची गोडीसांगली ः यंदाचा बेदाणानिर्मितीचा हंगाम अंतिम...
हरभरा दरवाढीचे संकेतपुणे ः देशातील महत्त्वाच्या हरभरा उत्पादक...
कापूस लागवडीत यंदा घट शक्यपुणे ः पुढील दोन ते तीन महिन्यांत खरीप लागवड सुरू...
भारताने आयात-निर्यात धोरणांत बदल करू नयेपुणे ः केंद्र सरकारकडून आयात-निर्यातीच्या...
ब्राझीलच्या साखरेचा आंतरराष्ट्रीय...कोल्हापूर : साखरेच्या आंतरराष्ट्रीय बाजारपेठेत...
खाद्य तेलाच्या किमती आटोक्यात आणणार :...नवी दिल्ली : देशातील खाद्य तेलाच्या किरकोळ...
अन्नप्रक्रिया उद्योगासाठी १०,९००...नवी दिल्ली : देशातील अन्नप्रक्रिया उद्योगासाठी (...
सांगली बाजारात हळदीचे दर स्थिर सांगली ः गेल्या आठवड्यापासून हळदीचे दर स्थिर असून...
चीनच्या मागणीने शेंगदाणा दराला आधार पुणे : शेंगदाण्याची बाजारात गेल्या वर्षीच्या...
राज्यात शिल्लक साखरेचा बोजा कायम कोल्हापूर : यंदाचा साखर हंगाम अंतिम टप्प्यात येत...
लातूरला सोयाबीनचा भाव साडे पाच हजारावरलातूर ः लातूर उच्चत्तम कृषी उत्पन्न बाजार...