Agriculture news in Marathi, At the turning point of 'Wan' water | Page 2 ||| Agrowon

‘वान’चा पाणी प्रश्न पेटण्याच्या वळणावर

टीम अॅग्रोवन
शनिवार, 7 सप्टेंबर 2019

अकोला ः जिल्ह्याच्या सीमेवर असलेल्या वान प्रकल्पातील पाणी अकोला महानगराला अमृत योजनेअंतर्गत राखीव ठेवण्यास शासनाने मंजुरी दिल्यानंतर याविरुद्ध ग्रामीण भागात तीव्र संताप वाढू लागला आहे. ठिकठिकाणी विरोध होत असून, दोन दिवसांपूर्वी तेल्हारा तालुक्यात एका कार्यक्रमासाठी आलेल्या स्थानिक आमदारांवर शेतकऱ्यांनी प्रश्‍नांचा भडिमार केल्याची घटना समोर आली.

अकोला ः जिल्ह्याच्या सीमेवर असलेल्या वान प्रकल्पातील पाणी अकोला महानगराला अमृत योजनेअंतर्गत राखीव ठेवण्यास शासनाने मंजुरी दिल्यानंतर याविरुद्ध ग्रामीण भागात तीव्र संताप वाढू लागला आहे. ठिकठिकाणी विरोध होत असून, दोन दिवसांपूर्वी तेल्हारा तालुक्यात एका कार्यक्रमासाठी आलेल्या स्थानिक आमदारांवर शेतकऱ्यांनी प्रश्‍नांचा भडिमार केल्याची घटना समोर आली.

तेल्हारा तालुक्यात वारी हनुमान येथे वान प्रकल्प असून यातील पाणी २४ दलघमी पाणी अकोला महानगरासाठी आरक्षित करण्यात आले आहे. याबाबत शासन मंजुरीचे पत्र सोशल मीडियात व्हायरल झाले आहे. हे पाणी आरक्षण वाचल्यानंतर शेतकऱ्यांमध्ये आक्रोश वाढत आहे. हा प्रकल्प सिंचनाच्या उद्देशाने निर्माण झालेला असून, आतापर्यंत विविध योजनांसाठी पाणी नेण्यात आले. आता अकोल्याला तब्बल २४ दलघमी पाणी आरक्षित केल्यास सिंचनालाही पाणी मिळणार नसल्याची भावना तयार झाली आहे. वान प्रकल्पाची ८३.४७ दलघमी क्षमता आहे. गेल्या अनेक वर्षांत या प्रकल्पातील गाळ काढलेला नसल्याने क्षमता कमी झाली. 

सोबतच या प्रकल्पावरून अकोला व बुलडाणा जिल्ह्यांतील असंख्य गावांना पिण्याचे पाणी पुरविण्यासाठी योजना सुरू झालेल्या आहेत, असे असताना आता पुन्हा अकोला महानगरासाठी २४ दलघमी पाण्याचा साठा आरक्षित करण्यास शासनाने मंजुरी दिल्याने रोष वाढला आहे. यंदा या भागातील इतर प्रकल्पांना पावसाची प्रतीक्षा आहे. मात्र मध्य प्रदेश तसेच सातपुड्यात झालेल्या जोरदार पावसामुळे वान प्रकल्प तुडुंब भरलेला आहे. यामुळे शेतकऱ्यांच्या अपेक्षा उंचावल्या. येत्या रब्बीत तसेच उन्हाळी पिकांसाठी पाणी मिळेल अशी शक्यता वाटू लागली. परंतु अकोल्याला २४ दलघमी पाणी दिल्यास सिंचनासाठी पाणी मिळणे कठीण होईल, असा समज निर्माण झाला आहे. यामुळे आता गावागावांत विरोधाची धार वाढते आहे.

...तर ५७.८७ दलघमी पाणीसाठा पिण्यासाठीच
सद्यःस्थितीत वान प्रकल्पातून ७ पाणीपुरवठा योजनांना पाणी पुरवण्यात येते. त्यामध्ये आकोट शहर पाणीपुरवठ्यासाठी ८.६६ दलघमी, तेल्हारा शहर पाणीपुरवठा ३.१६ दलघमी, ८४ खेडी पाणीपुरवठा ४.२३ दलघमी, शेगाव शहर पाणीपुरवठा ५.६२ दलघमी, खारपाण पट्ट्यातील १४० गावे प्रादेशिक पाणीपुरवठा योजनेस ८.४५द लघमी, १५९ गावे प्रादेशिक पाणीपुरवठा योजनेला ३.७५ दलघमी पाणी दिले जाते. आता त्यामध्ये आणखी २४ दलघमी आरक्षित केले आहे. यामुळे प्रकल्पात ५७.८७ दलघमी साठा पिण्यासाठी राखीव झाला आहे. सिंचनासाठी नाममात्र पाणी शिल्लक राहत आहे. त्यातही बाष्पीभवनामुळे पाणी कमी होते.  
 


इतर ताज्या घडामोडी
नंदुरबारमध्ये अनेक भागात पाऊस नंदुरबार ः जिल्ह्यात मागील दोन दिवसांत...
पुण्यातील धरणातून उजनीत १३ हजार ५६...सोलापूर ः उजनी धरणाच्या वरच्या बाजूला...
`पपईचा पिकविमा योजनेत समावेश करा`जळगाव ः खानदेशात कांद्यापाठोपाठ पपईचे...
बार्शीत रेशनचा १५१ पोती गहू, तांदूळ...सोलापूर ः बार्शी कृषी उत्पन्न बाजार समितीतील...
‘माढा, पंढरपूर, माळशिरसमधील...सोलापूर ः ‘‘गतवर्षी जुलै, ऑगस्ट, सप्टेंबर या...
परभणीत ऊस, चारा पिकांवर नाकतोड्याचा...परभणी : वांगी (ता.परभणी) येथील ऊस पीक झालेल्या...
पूर्ण कार्यक्षमतेने ऊस गाळप करण्याचे...नाशिक : ‘‘कादवा सहकारी साखर कारखान्याने जुन्या...
नांदेड जिल्ह्यातील सीएससी केंद्रे सुरू...नांदेड : जिल्ह्यातील आपले सरकार सेवा केंद्र, आधार...
अकोल्याच्या पश्चिम भागात जोरदार पाऊसनगर ः दरवर्षी जोरदार पाऊस पडत असलेल्या अकोले...
पुणे जिल्ह्यात पावसाच्या हलक्या सरीपुणे ः पुणे जिल्ह्याच्या बहुतांशी भागात पावसाने...
परभणीत वांगे प्रतिक्विंटल २००० ते ४०००...परभणी ः येथील पाथरी रस्त्यावरील फळे भाजीपाला...
बुलडाणा जिल्ह्यात अडीच लाख शेतकऱ्यांनी...बुलडाणा ः पंतप्रधान पीकविमा योजनेत जिल्ह्यातील...
जायकवाडीत ५५.३२ टक्के उपयुक्त पाणीपैठण, जि. औरंगाबाद : तालुक्यातील जायकवाडी...
नांदेड जिल्ह्यात ९ लाख ४६ हजार पीकविमा...नांदेड ः पंतप्रधान पीकविमा योजनेअंतर्गंत...
कृषिपंपांना बारा तास वीज पुरवठा करा ः...भंडारा : टाळेबंदी काळातही शेतकऱ्यांनी मोठ्या...
रत्नागिरीत पावसाची उसंत; पूर ओसरू लागलारत्नागिरी : जिल्ह्यात वेगवान वारे वाहत असून...
महापुराच्या आठवणीने नदीकाठ भयभीतकोल्हापूर : गेल्या दोन दिवसांपासून नद्यांच्या...
जळगाव जिल्ह्यात चार तालुक्यांमध्ये...जळगाव : जिल्ह्यात जळगाव, यावल, रावेर व बोदवड...
सांगली जिल्ह्यात पावसाचा जोर ओसरलासांगली ः जिल्ह्यात सकाळपासून पावसाचा जोर कमी झाला...
नगर जिल्ह्यात दोन वर्षांपासून ज्वारी...नगर ः पंतप्रधान पीक विमा योजनेतून नगर जिल्ह्यातील...