सांगलीत शेतीमालाची ३०० कोटींवर उलाढाल ठप्प

‘कोरोना’चा प्रसार रोखला जावा, यासाठी बाजार समितीने सर्व शेतीमालाचे सौदे बंद ठेवले आहेत. शेतकरी, व्यापारी, हमाल आदींना फटका बसला आहे. ‘कोरोना’चा प्रसार रोखल्यावरच सौदे सुरू होतील. - दिनकर पाटील, सभापती,सांगली बाजार समिती.
 Turnover of 300 crores rupees stopped  in Sangli from two weeks
Turnover of 300 crores rupees stopped in Sangli from two weeks

सांगली : 'कोरोना'चा प्रसार रोखला जावा, यासाठी कृषी उत्पन्न बाजार समितीने शेती मालाचे सौदे बंद ठेवले आहेत. दोन आठवड्यात ३०० कोटीहून अधिक रकमेची उलाढाल ठप्प झाली आहे. अत्यावश्‍यक सेवेमुळे मार्केट यार्डातील धान्य आणि किराणा मालाची दुकाने मात्र सुरू ठेवली आहेत. 

‘कोरोना'च्या सावटामुळे गर्दी करू नका, असे आवाहन प्रशासनाने केले आहे. तरीही काही व्यापाऱ्यांनी सुरवातीला बेदाणा सौदे घेण्याचा प्रयत्न केला. त्याला विरोध झाला. पोलिसांनी घटनास्थळी धाव घेऊन नोटीस बजावल्यामुळे तो अयशस्वी झाला. त्यानंतर जिल्ह्यात ‘कोरोना' चे रूग्ण आढळल्यामुळे संचारबंदी लागू करण्यात आली. जिल्ह्याच्या सीमा बंद करण्यात आल्या. 

मार्केट यार्डात हळद, गुळ, बेदाणा आदी शेतीमालाचे सौदे काढण्यात येतात. त्यासाठी बाहेरून व्यापारी, शेतकरी मोठ्या संख्येने येतात. सौदे बंद ठेवण्याची मागणी काही व्यापारी आणि शेतकऱ्यांनी केली होती. बाजार समितीने १८ मार्चपासून शेतमालाचे सौदे बंद करण्याचा निर्णय घेतला. त्यामुळे गेले दोन आठवडे सौदे बंद आहेत. 

बाजार समितीची रोजची उलाढाल सुमारे वीस ते पंचवीस कोटी रूपये होते. १३ दिवसांत हळद, बेदाणा आणि गुळाचे सौदे बंद राहिले. त्यामुळे सुमारे तीनशे कोटी रुपयांची उलाढाल ठप्प झाली. १४ एप्रिलपर्यंत ‘लॉक डाऊन' जाहीर केला आहे. 

अत्यावश्‍यक सेवेमुळे मार्केट यार्डातील धान्याची सर्व दुकाने, किराणा साहित्य मिळणारी दुकाने सुरू आहेत. किरकोळ दुकानदार तेथून माल खरेदी करत आहेत.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com