कोल्हापूर : जनावरे बाजारातील कोट्यवधींची उलाढाल ठप्प

`कोरोना’च्या पार्श्वभूमीवर लॉकडाउनमुळे जनावरे बाजार बंद असल्याने जिल्ह्यातील जनावरे बाजारातील कोट्यवधींची उलाढाल थंडावली आहे.
cattle market
cattle market

कोल्हापूर: `कोरोना’च्या पार्श्वभूमीवर लॉकडाउनमुळे जनावरे बाजार बंद असल्याने जिल्ह्यातील जनावरे बाजारातील कोट्यवधींची उलाढाल थंडावली आहे. गेल्या चार महिन्यांपासून जनावरांचे आठवडे बाजार ओस पडले आहेत. जिल्ह्यात कोपार्डे, मुरगुड, पेठवडगाव, इचलकरंजी आदी ठिकाणी जनावरांचे बाजार भरतात. खरिपाच्या पार्श्वभूमीवर जनावरांची मोठी उलाढाल जून-जुलै महिन्यात होत असते. आता ऐन खरीप हंगामात जनावरे खरेदी-विक्री थंडावली आहे. जनावरे खरेदी विक्रीसाठी शेतकऱ्यांची धावाधाव होत आहे. जून महिन्यापासून म्हशीच्या बाजारात उलाढाल वाढते. पावसाळ्यात हिरव्या चाऱ्याची उपलब्धता अधिक असते. यामुळे शेतकरी या कालावधीतच जुनी जनावरे विकून नव्याने खरेदी करतात. नव्याने दूध व्यवसायात उतरणारेही या कालावधीतच म्हशी घेऊन व्यवसायाची सुरुवात करतात.  मुऱ्हा, पंढरपुरी यासह स्थानिक जातीच्या म्हशी, खिलार बैलासाठी जिल्ह्यातील बाजार प्रसिद्ध आहेत. चाळीस ते दीड लाख रुपयांपर्यंत म्हशीचे दर आहेत. मार्च मध्यापासून ‘कोरोना’च्या पार्श्वभूमीवर जनावरांचे बाजार बंद आहेत. खरीप हंगामासाठी बैलजोड्या खरेदी करण्याकरिता शेतकऱ्यांना अडचणी आल्या. आताही बाजार बंद असल्याने म्हशी कशा खरेदी करायच्या, हा प्रश्‍न आहे. सध्या व्हॉटसअपद्वारे तुरळक व्यवहार सुरू आहेत. ऐन हंगामातच जनावरांचा बाजार बंद असल्याने शेतकऱ्यांची कोंडी झाली आहे. पर्याय नसल्याने दूध उत्पादकांना २० ते ३० टक्के अधिक दराने म्हशी खरेदी कराव्या लागत आहेत.  - संजय जरळी, दूध उत्पादक, गडहिंग्लज, जि. कोल्हापूर.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com