agriculture news in marathi, turnover decrease of turmaric and jaggary, sangli, maharashtra | Agrowon

सांगली बाजारसमितीत हळद, गुळाची उलाढाल २७० कोटींनी घटली
टीम अॅग्रोवन
गुरुवार, 25 एप्रिल 2019

बाजार समिती बंद होऊ नये यासाठी आम्ही काळजी घेतली आहे. तसेच शेतीमालाची आवक झाल्यावर लगेच वजन आणि पट्टी देण्याचे नियोजन करत आहे. यासाठी नवीन जमीन घेऊन त्या ठिकाणी सौदे केले जाणार आहे.
- दिनकर पाटील, सभापती, सांगली कृषी उत्पन्न बाजार समिती

सांगली ः व्यापाऱ्यांना सेवाकराच्या नोटिसा दिल्यामुळे त्यांनी संप केला होता. परिणामी सौदे बंद असल्याने गुळाची गुऱ्हाळ घरावरून वाढती खरेदी आणि हळदीचा उतार कमी व मंदीचा फटका, यामुळे २०१८-१९ मध्ये सांगली बाजार समितीतील हळद आणि गुळाची उलाढाल सुमारे २७० कोटींनी कमी झाली आहे. याचा बाजार समितीच्या सेसवर परिमाण होणार असल्याने बाजार समितीला सुमारे दीड कोटी रुपयांहून अधिक रकमेचा फटका बसला आहे. 

सांगली बाजार समिती राज्यातील मोठी बाजारपेठ आहे. ही शेतीमालाची प्रमुख उतारपेठ आहे. बाजार समितीच्या अंतर्गत आवारामध्ये शेतीमालाची सुमारे दोन हजार कोटींहून अधिक उलाढाल असते. बाजार समितीत २०१७-१८ च्या तुलनेत २०१८-१९ मध्ये हळदीची आवक ३ लाख ४८ हजार क्विंटल तर गुळाची आवक १ लाख ४७ हजार क्विंटलने कमी झाली आहे. याचा परिमाण थेट बाजार समितीला मिळणाऱ्या सेसवरदेखील झाला आहे. बेदाणा नियमनमुक्त असतानाही सांगली बाजारात समितीत बेदाण्याची आवक वाढली असल्याचे चित्र आहे. 

गुळाची खरेदी थेट गुऱ्हाळ घरावरून 
येथील बाजार समितीत कर्नाटकातील रायबाग, गोकाक, अथणी, हारुगिरी आदी भागातून गुळाची मोठ्या प्रमाणात आवक होते. गुजरात आणि राजस्थान या राज्यात येथील व्यापाऱ्यांकडून गूळ रवाना होतो. परंतू राजस्थान, गुजरात आणि आंध्र प्रदेशमधील व्यापाऱ्यांनी थेट गुऱ्हाळ घराकडे धाव घेतली आहे. गुऱ्हाळ घरावर बाजार समितीपेक्षा चारशे ते पाचशे रुपये प्रति क्विंटलने दर कमी मिळत आहे. त्यामुळे गुळाची थेट गुऱ्हाळ घरावरून खरेदी होण्यास सुरुवात झाली आहे. त्यातच कर्नाटकातील गूळ कोल्हापूर मार्केटकडे जाऊ लागला आहे. तसेच गूळ उत्पादन करणाऱ्या भागातही साखर कारखाने वाढले, याचा सर्व परिणाम सांगली बाजार समितीवर होऊ लागला आहे. 

हळदीचा उतारा कमी; मंदीचा फटका 
सांगली मार्केटमध्ये महाराष्ट्र आणि आंध्र प्रदेश, तमिळनाडू, तेलंगणा या ठिकाणाहून हळदीची आवक होते. हळदीसाठी ही मोठी बाजारपेठ आहे. याच बाजारपेठेवरून देशातील हळदीचे दर ठरतात. परंतू यंदा देशात हळदीच्या लागवडीत वाढ झाली असली तरी रोगाचा प्रादुर्भाव आणि पाण्याची कमतरता यामुळे हळदीच्या उताऱ्यात घट झाली असल्याचे व्यापाऱ्यांनी सांगितले. त्यातच गेल्या चार ते पाच वर्षांपासून हळदीला प्रति क्विंटलला ९ हजार ते ९५०० रुपये असा दर मिळतोय. हळदीच्या दरात तेजी मंदी होणार नसल्याचेही व्यापाऱ्यांनी सांगितले. काही भागात व्यापाऱ्यांनी थेट शेतकऱ्यांकडून हळद खरेदी करण्यास सुरुवात केली आहे. याचा परिमाण हळदीच्या आवकेवर झाला आहे. वास्तविक पाहता २०१७-१८ मध्ये हळदीची आवक १५ लाख क्विंटल होती. २०१८-१९ मध्ये ११ लाख ५५ हजार क्विंटल आवक झाली आहे. अर्थात ३ लाख ४८ हजार क्विंटलने हळदीची आवक घटली आहे. 

 

सांगली कृषी उत्पन्न बाजार समितीत आवक झालेला शेतीमाल (क्विंटलमध्ये)
शेतीमाल  २०१६-१७ २०१७-१८ २०१८-१९ वाढ(+) घट (-) 
बेदाणा ४,३४,१५१ २,४४,४५४ ३,६५,१३३ (+) २०,६७९ 
हळद ३,२०,१४९ १५,०३,५९६  ११,५५,५५१ (-) ३,४८,०४५ 
गूळ रवे ३,१८,४५९  ३,८३,३३१ ३,५७,१८७  (-) २६१५३ 
गूळ भेली  ६,१२,२५३  ७,३६,०२८  ६,१४,४८८  (-)१,२१,५४०
लाल मिरची ३१,५७८  ३३,६२६  १५,३६०  (-) १८,२६६

 

इतर ताज्या घडामोडी
पंतप्रधान शेतकरी मानधन योजनेच्या...वाशीम : केंद्र शासनाने शेतकऱ्यांसाठी सुरू...
झरे परिसरात महावितरणकडून वीजजोडणीस...झरे, जि. सांगली : झरे व परिसरातील घरगुती व...
परभणी जिल्ह्यात पीक कर्जवाटपाच्या गतीला...परभणी : चालू आर्थिक वर्षातील पहिल्या साडेचार...
देवळा तालुक्यातील ‘त्या’...नाशिक : मागील पंधरवड्यात कळवण, सुरगाणा तालुक्यात...
सोलापूर जिल्ह्यात दोन लाख वीज...सोलापूर : घरगुती, वाणिज्यिक व औद्योगिक...
मुख्यमंत्री देवेंद्र फडणवीस यांच्या...अकोला  ः भाजपचे ज्येष्ठ नेते व माजी केंद्रीय...
देश, राज्यात बेरोजगारी हेच मोठे आव्हान...नगर : मागील पाच वर्षांत नोटबंदीसारख्या...
साताऱ्यातील भूस्खलन बाधितांचा पुनर्वसन...सातारा  : अतिवृष्टी व भूस्खलनामुळे बाधित...
नगर झेडपीत सहा महिन्यांत माहिती...नगर  ः जिल्हा परिषदेतून विविध योजनांची...
...तर बारामतीची जागाही जिंकता आली असती...नागपूर  ः ‘ईव्हीएम’मध्ये गडबड करायची असती तर...
पूरग्रस्त शेतकऱ्यांना कुळीथ, वालाचे...रत्नागिरी : या वर्षी पडलेल्या मुसळधार...
मराठवाड्यातील मध्यम, लघुप्रकल्पांत २९...औरंगाबाद : अर्धेअधिक पावसाळा लोटल्यानंतरही...
`ग्रीन होम`मध्ये सेकंड होम, फार्म हाउस...पुणे : ‘सकाळ-ॲग्रोवन’च्या ‘ग्रीन होम एक्स्पो...
कृषी क्षेत्रात योगदान देणाऱ्या ...पुणे   : जिद्द, कष्ट, अथक परिश्रमाच्या...
लागवडयोग्य `पोटखराब`ची नोंद होणार सात...पुणे  ः पोटखराब जमीन लागवडीयोग्य केली असेल...
औरंगाबादमध्ये शेवगा २५०० ते ३००० रुपये...औरंगाबाद : येथील कृषी उत्पन्न बाजार समितीमध्ये...
माजी केंद्रीय अर्थमंत्री अरूण जेटली...नवी दिल्ली : भारतीय जनता पक्षाचे ज्येष्ठ नेते आणि...
नाशिक जिल्ह्यात लाल कांद्याच्या...नाशिक : चालू वर्षी पावसाचे आगमन उशिरा झाल्यानंतर...
ग्रामपंचायत संगणक परिचालकांच्या...नाशिक : महाराष्ट्र शासनाच्या ग्रामविकास व माहिती...
धुळे जिल्ह्यात किसान सन्मान योजनेत दोन...धुळे : जिल्ह्यात प्रधानमंत्री किसान सन्मान निधी...