लातूर : पीक कापणी प्रयोगाअंती लातूर जिल्ह्यात हेक्टरी १२ क्विंटल ३५ किलो, उस्मानाबाद जिल्ह्यात १० क्विंटल ६० किलो, तर हिंगोली जिल्ह्यात हेक्टरी ९ क्विंटल ८३ किलोच सोयाबीन पिकल्याची माहिती विभागीय कृषी सहसंचालक कार्यालयाच्या वतीने देण्यात आली. नांदेड व परभणी जिल्ह्यातील सोयाबीन उत्पादकता स्पष्ट होणे बाकी आहे.
यंदाचा खरीप हंगाम शेतकऱ्यांचे कंबरडे मोडणारा ठरला आहे. त्यामुळे नुकसानीच्या गर्तेत लातूर जिल्ह्यात मूग हेक्टरी ६ क्विंटल ३३ किलो, तर उडीद हेक्टरी ६ क्विंटल ९८ किलो पिकल्याची माहिती कृषी विभागाच्या वतीने देण्यात आली.
यंदाच्या खरीप हंगामात लातूर जिल्ह्यापाठोपाठ उस्मानाबाद, नांदेड, परभणी, हिंगोली आदी जिल्ह्यातही मूग, उडदाची उत्पादकता कृषी विभागाच्या वतीने स्पष्ट करण्यात आली आहे. उस्मानाबाद जिल्ह्यात मूग हेक्टरी ७ क्विंटल ५० किलो, उडीद हेक्टरी ७ क्विंटल ८६ किलो पिकला आहे.
नांदेड जिल्ह्यात मुगाची उत्पादकता हेक्टरी ५ क्विंटल १३ किलो, तर उडदाची उत्पादकता हेक्टरी ४ क्विंटल ३३ किलो आली आहे. परभणी जिल्ह्यात मुगाची उत्पादकता हेक्टरी ६ क्विंटल ८९ किलो, तर उडदाची उत्पादकता हेक्टरी ५ क्विंटल ९५ किलो आली आहे.
हिंगोली जिल्ह्यात मुगाची उत्पादकता हेक्टरी ५ क्विंटल १२ किलो, तर उडदाची उत्पादकता हेक्टरी ५ क्विंटल ८ किलो आली आहे. पाचही जिल्ह्यात मूग २ ते २.७५ क्विंटल एकरी पिकला. तर उडीद २ ते ३.२४ क्विंटल एकरी पिकल्याचे चित्र आहे. सोयाबीन, कपाशी, तूर, मका, बाजरी आदी पिकांची उत्पादकता अजून स्पष्ट होणे बाकी असल्याचेही कृषी सहसंचालक कार्यालयातील सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.