मुळा धरणातून वीस हजार क्युसेक विसर्ग

नगर जिल्ह्यात गेल्या आठ दिवसांपासून जोरदार पाऊस सुरुच आहे. त्यामुळे मुळा धरणात पाण्याची मोठी आवक होत असल्याने गुरुवारी (ता. १७) रात्रीपासून २० हजार क्युसेकने मुळा नदीपात्रात पाण्याचा विसर्ग केला जात आहे.
Twenty thousand cusecs discharged from the Mula dam
Twenty thousand cusecs discharged from the Mula dam

नगर ः नगर जिल्ह्यात गेल्या आठ दिवसांपासून जोरदार पाऊस सुरुच आहे. त्यामुळे मुळा धरणात पाण्याची मोठी आवक होत असल्याने गुरुवारी (ता. १७) रात्रीपासून २० हजार क्युसेकने मुळा नदीपात्रात पाण्याचा विसर्ग केला जात आहे. प्रशासनाकडे असलेल्या नोंदणीनुसार शुक्रवारी (ता. १८) सकाळपर्यंत ४५ महसूल मंडळांत चांगल्या पावसाची तर पाच महसूल मंडळांत अतिवृष्टीची नोंद झाली.

नगर जिल्ह्यात गेल्या आठ दिवसांपासून जोरदार पाऊस पडत आहे. जिल्ह्यामधील सीना धरणात सर्वांत आधी भरले. त्यानंतर  भंडारदरा, निळवंडे, मुळा, आढळा, भोजापूर, मांडओहळ, खैरी, विसापुर धरणेही भरली आहेत. आता सुरू असलेल्या पावसामुळे पिकांचे नुकसान होत आहे. अकोले तालुक्याच्या पश्चिम भागात पाऊस कमी झाला असला तरी अधून-मधून पाऊस पडतच आहे. याशिवाय जिल्हाभरात पडत असलेल्या पावसामुळे मुळा, सिना धरणात पाण्याची आवक होत आहे.

गुरुवारी सकाळपर्यंत मुळा धरण परिसरात ५८ मिलिमीटर पाऊस झाला. मुळा धरणात त्यामुळे गुरुवारपासून मुळातून पाण्याचा विसर्ग वाढवला आहे. दुपारनंतर सात हजार क्युसेकने सुरू असलेला मुळातील विसर्ग रात्री उशिरा वीस हजार क्युसेक केला. त्यामुळे मुळा नदीला पूर आला असून नदीकाठच्या  गावांना सतर्कतेचा प्रशासनाने इशारा दिला आहे. शुक्रवारी ही वीस हजारच क्युसेक विसर्ग सुरू होता. सीना धरणाच्या सांडव्यावरुनही एक हजार क्युसेकने नदीत पाणी वाहत होते. शुक्रवारी सकाळपर्यंत ४५ महसूल मंडळांत जोरदार तर ५ महसूल मंडळांत अतिवृष्टी झाली. दिवसभर ढगाळ वातावरण होते.

शुक्रवारी सकाळी आठ वाजेपर्यंत झालेल्या पावसाची नोंद अशी - पुणतांबा ः २५, भालेश्वर ः ३०, बेलापुर ः ४६, कोपरगाव ः २७, साकुर ः ५४, आश्वी ः ३०, ब्राह्मणी ः ५४, टाकळीमिया ः ४०, देवळाली ः ४८, राहुरी ः ७१, वडाळा ः ६२, सोनई ः ४४, घोडेगाव ः ६५, सलाबतपुर ः ६१, नेवासा बुद्रुक  ः  ४४, नेवासा खुर्द ः ७७, मिरी ः ५१, करंजी ः ४०, एरंडगाव ः १२९, चापडगाव ः ७६, भातकुडगाव ः ४८, शेवगाव ः ६४.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com