Agriculture news in marathi; Two consecutive days of wet rain in Khandesh | Agrowon

खानदेशात सलग दोन दिवस भीज पाऊस

टीम अॅग्रोवन
बुधवार, 28 ऑगस्ट 2019

जळगाव  ः खानदेशात सोमवारी (ता. २६) दिवसभर व मंगळवारी (ता. २७) सकाळपर्यंत भीज पाऊस सुरूच होता. पावसाची टक्केवारी वाढत असून, जळगाव जिल्ह्यात सरासरीच्या ७७ टक्के, धुळ्यात ७१ टक्के पाऊस झाला आहे. 

चोपडा, भडगाव, चाळीसगाव, अमळनेर या भागांत पर्जन्यमान कमी राहिले. धुळ्यातही धुळे, शिंदखेडा भागांत कमी पर्जन्यमान होते. नंदुरबार वगळता इतर तालुक्‍यांमध्ये बऱ्यापैकी पाऊस झाला. पावसाचा जोर कमी असल्याने कुठेही अतिवृष्टी, पूर अशी स्थिती नाही. परंतु, भीज पावसामुळे पिकांना लाभ होणार असल्याचे शेतकऱ्यांचे म्हणणे आहे. 

जळगाव  ः खानदेशात सोमवारी (ता. २६) दिवसभर व मंगळवारी (ता. २७) सकाळपर्यंत भीज पाऊस सुरूच होता. पावसाची टक्केवारी वाढत असून, जळगाव जिल्ह्यात सरासरीच्या ७७ टक्के, धुळ्यात ७१ टक्के पाऊस झाला आहे. 

चोपडा, भडगाव, चाळीसगाव, अमळनेर या भागांत पर्जन्यमान कमी राहिले. धुळ्यातही धुळे, शिंदखेडा भागांत कमी पर्जन्यमान होते. नंदुरबार वगळता इतर तालुक्‍यांमध्ये बऱ्यापैकी पाऊस झाला. पावसाचा जोर कमी असल्याने कुठेही अतिवृष्टी, पूर अशी स्थिती नाही. परंतु, भीज पावसामुळे पिकांना लाभ होणार असल्याचे शेतकऱ्यांचे म्हणणे आहे. 

मुगाला शेंगा लागत असून, त्या पक्व होण्याची प्रक्रिया सुरू झाली आहे. सोयाबीनलाही शेंगा लगडल्या आहेत. कोरडवाहू कापूस पिकातही फुले, पाते लागण्याची प्रक्रिया सुरू होत आहे. तर पूर्वहंगामी पावसाला कैऱ्या लागत आहेत. पिकांची स्थिती बऱ्यापैकी असल्याने शेतकऱ्यांमध्ये समाधान आहे. भीज पावसामुळे शेतांमध्ये सखल भागात पाणी साचणे किंवा नाल्यांना पूर येण्याची स्थिती कुठेही नाही. अतिवृष्टी झालेली नाही. परंतु, पाऊस सुरूच राहिला तर काळ्या कसदार जमिनीतील कापूस, मूग पिकाला फटका बसण्याची शक्‍यता आहे. 

पावसाला पुन्हा एकदा सुरवात झाली आहे, पण जळगाव जिल्ह्यातील गिरणा, वाघूर, अंजनी या नद्यांना मोठा पूर आलेला नाही. धुळ्यातील अनेर, पांझरा, नंदुरबारमधील गोमाई, सुसरी, उदय, रंगावली या नद्यांमधील जलप्रवाह वाढत आहे. सोमवारी रात्रभर संततधार पाऊस सुरू होता. मंगळवारी सकाळी १० पर्यंत पाऊस सुरू होता. नंतर पावसाने थोडी उसंत घेतली. भीज पावसाने शेतात वाफसा मोडल्याने खते देणे, तणनियंत्रण, आंतरमशागतीची कामे बंद झाली. 
मागील दोन दिवसांमधील पावसामुळे जळगाव जिल्ह्यात सरासरीच्या ७७ टक्के, धुळ्यात ७१ तर नंदुरबारात १६० टक्के पाऊस झाला आहे. जळगावात सप्टेंबरअखेरपर्यंत ७६५ मिलिमीटर पाऊस पडतो. मंगळवारी सकाळपर्यंत एकूण सुमारे ५०० मिलिमीटरपर्यंत पाऊस झाला.

मंगळवारी सकाळपर्यंत २४ तासांत झालेला पाऊस (मिलिमीटरमध्ये) ः जळगाव जिल्हा ः पारोळा १८, एरंडोल २६, धरणगाव २३, चोपडा १९, जळगाव २३, यावल २९, रावेर ३१, मुक्ताईनगर २१. धुळे - शिंदखेडा १६, धुळे १५, साक्री २३. 


इतर बातम्या
पंकजा मुंडे यांच्या स्वाभिमान...बीड  : लोकनेते गोपीनाथ मुंडे यांच्या...
संपूर्ण कर्जमाफी, वीजबिलमाफीबाबत...सोलापूर ः एकापाठोपाठ एका नैसर्गिक आपत्तीने...
जंगलातील वणव्यांचाही वटवाघळांना होतो...वटवाघळांसाठी रहिवासाचा ऱ्हास, वातावरणातील...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
जालना जिल्ह्यात रब्बी सिंचनाची वाट अवघडचजालना :  जायकवाडी प्रकल्पावरून...
नांदेड, परभणी, हिंगोली जिल्ह्यांत केळी...नांदेड : सप्टेंबर-ऑक्टोबर महिन्यातील पावसामुळे...
आटपाडीत तीनशे हेक्‍टरवर फुलणार डाळिंब...आटपाडी, जि. सांगली : पांडुरंग फुंडकर फळबाग लागवड...
गांडूळ खतनिर्मितीस प्रोत्साहन द्या : डॉ...कोल्हापूर  : ‘‘शेतकऱ्यांनी जमिनीचा पोत...
बुलडाणा जिल्ह्यात रब्बीच्या ४०...बुलडाणा ः यंदाच्या हंगामात जिल्ह्यात रब्बीसाठी...
अधिकारी कार्यालयात घुसवल्या बैलजोड्याअमरावती ः वारंवार अर्ज, विनंत्या करूनसुद्धा पांदण...
नाशिक जिल्ह्यातील बंद उपसा जलसिंचन...नाशिक : जिल्ह्यात सन १९९५ ते २००० या कालावधीत...
सातारा जिल्ह्यात ऊसदराची कोंडी फोडणार...सातारा  ः साखर कारखान्यांची धुराडी पेटली...
प्रतिकूल हवामानामुळे पुणे जिल्ह्यात...पुणे  ः दर वाढल्याने पुणे जिल्ह्यातील अनेक...
प्रतिकूल हवामानाचा नगर जिल्ह्यातील गहू...नगर  ः जिल्ह्यामध्ये गेल्या दोन दिवसांपासून...
चंद्रपूर जिल्ह्यात ११ महिन्यांत ५०...चंद्रपूर  ः नापिकी, कर्जबाजारीपणा यातून...
हवामानाच्या पूर्व अंदाजासाठी पाषाण,...पुणे  ः पुणे शहरातील विविध ठिकाणी अनेकदा कमी...
बुलडाणा जिल्ह्याच्या भूजलपातळीत १.३९...बुलडाणा ः मागील काही वर्षांपासून जिल्हा सातत्याने...
पुण्यात १७ जानेवारीपासून पुष्प...पुणे  ः ॲग्री हार्टिकल्चर सोसायटी ऑफ...
नवी दिल्लीतील प्रदर्शनात जैविक खते,...पुणे  ः सावित्रीबाई फुले पुणे विद्यापीठाचे...
शिरोळ, हातकणंगले तालुक्यातील ऊस...कोल्हापूर : शिरोळ, हातकणंगले तालुक्यांतील...