यवतमाळच्या पाणीटंचाई आराखड्यात दोन कोटींची कपात

गेल्यावर्षी पावसाची संततधार तर काही भागात अतिवृष्टीची नोंद झाली. त्यामुळे यावर्षी जिल्ह्यात पाणीटंचाईची तीव्रता कमी आहे. परिणामी पाणीटंचाई आराखडा साडेनऊ कोटींवरुन साडेसात कोटींवर आला आहे.
यवतमाळच्या पाणीटंचाई आराखड्यात दोन कोटींची कपात
यवतमाळच्या पाणीटंचाई आराखड्यात दोन कोटींची कपात

यवतमाळ : गेल्यावर्षी पावसाची संततधार तर काही भागात अतिवृष्टीची नोंद झाली. त्यामुळे यावर्षी जिल्ह्यात पाणीटंचाईची तीव्रता कमी आहे. परिणामी पाणीटंचाई आराखडा साडेनऊ कोटींवरुन साडेसात कोटींवर आला आहे.  

जिल्ह्यातील २०२४० गावांपैकी ६२५ गावांमध्ये पाणीटंचाईचे संकेत पाणीपुरवठा आणि भूजल सर्व्हेक्षण विभागाने दिले आहेत. या अहवालाच्या आधारे जिल्हा परिषदेच्या पाणीपुरवठा विभागाकडून संभाव्य टंचाई निवारण आराखडा तयार करण्यात आला आहे. साडेसात कोटी रुपयांच्या या आराखड्यातून टँकर, विहिरींचे अधिग्रहण, विहिरींमधील गाळ काढणे, पूरक नळ योजना, पाणीपुरवठा योजनांची दुरुस्ती या कामांचा समावेश आहे. 

जिल्ह्यात २०२०-२१ या वर्षात सरासरीच्या ९१ टक्‍के पावसाची नोंद झाली. त्यामुळे पाणीटंचाईची तीव्रता गेल्या काही वर्षातील टंचाईच्या तुलनेत कमी आहे. त्यामुळेच दर वर्षी साडेनऊ कोटी रुपयांची तरतूद पाणीटंचाईसाठी होत असताना या वर्षीचा आराखडा अवघ्या साडेसात कोटी रुपयांचा आहे. या आराखड्यामध्ये जिल्ह्यातील दुर्गम भागातील गावाचा समावेश आहे. 

मार्चनंतर या गावांमध्ये पाणी समस्या उद्भवणार असल्याचे संकेत असल्याने त्या पार्श्‍वभूमीवर आतापासूनच उपाययोजनांवर लक्ष्य केंद्रित करण्यात आले आहे. माळपठार भागांसह जिल्ह्याच्या विविध भागात पाणीटंचाई भासणार आहे. त्याकरिता प्रशासनाने ३४० विहिरींच्या अधिग्रहणाचा प्रस्ताव दिला आहे.

टॅंकरमुक्‍तीकडे वाटचाल  प्रशासनाच्या प्रयत्नाने जिल्ह्याची वाटचाल नजीकच्या काळात टॅंकरमुक्‍तीकडे होत आहे. २०१८ मध्ये १०४ टॅंकरने पाणीपुरवठा केला जात होता. २०१९ मध्ये ही संख्या ६९ पर्यंत खाली आली आणि आता अवघ्या २१ टॅंकरचे नियोजन करण्यात आले आहे.

जिल्ह्यावर दृष्टिक्षेप 

  •   एकूण गावे ः २०४० 
  •   पाणी टंचाईग्रस्त गावे ः ६२५ 
  •   बोअरवेलची दुरुस्ती होणार ः ५०० 
  •   विहिरींमधील गाळ काढणार ः ६ 
  •   नव्या बोअरवेल ः १०० 
  •   पाणीपुरवठा योजनांची दुरुस्ती ः ४८
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com