agriculture news in Marathi, two percent interest rate for sugar cane drop irrigation for farmers, Maharashtra | Agrowon

ऊसाला ठिबकसाठी दोन टक्क्याने कर्ज

टीम अॅग्रोवन
गुरुवार, 2 ऑगस्ट 2018

शेतकऱ्यांना कमी व्याजात ऊस लागवडीसाठी ठिबक संचाकरिता कर्ज देण्याची राष्ट्रीयीकृत बॅंकांची भूमिका स्तुत्य आहे. त्यामुळे जास्त शेतकऱ्यांना लाभ मिळेल. नाबार्डचा निधी उपलब्ध होताच या योजनेचे प्रत्यक्ष काम सुरू होईल.
- संभाजी कडूपाटील, साखर आयुक्त

पुणे : पाण्याची बचत व ऊस उत्पादकता वाढीसाठी कमी व्याजदरात शेतकऱ्यांना कर्ज देण्यास राष्ट्रीयीकृत बॅंका देखील तयार झालेल्या आहेत. केवळ दोन टक्के व्याजात ठिबकसाठी कर्जवाटप लवकरच सुरू होण्याची चिन्हे आहेत.

राज्यातील तीन लाख हेक्टरवरील ऊस लागवड येत्या दोन वर्षांत ठिबकखाली आणण्याचे उद्दिष्ट या योजनेत ठेवण्यात आलेले आहे. पश्चिम महाराष्ट्र तसेच सोलापूर सारख्या दुष्काळी भागातील ३५ साखर कारखाने या योजनेखाली आणले जातील. 

साखर कारखान्यांकडून कार्यक्षेत्रातील शेतकरी सभासदांना ऊस लागवड करताना ठिबक बंधनकारक केले जाणार आहे. त्यासाठी प्रतिहेक्टरी ८५ हजार रुपये कर्ज पाच वर्षांकरिता किमान पाच हेक्टरसाठी मिळेल. ही योजना राबविण्यासाठी नाबार्डकडून आधी बॅंकांना कर्ज वाटले जाईल. पहिल्या टप्प्यात नाबार्डकडून शिखर बॅंकेला साडेपाच टक्क्यांनी कर्ज दिले जाईल. शिखरकडून सहा टक्क्यांनी जिल्हा बॅंकांना आणि शेतकऱ्यांना सव्वा सात टक्क्यांनी कर्ज देण्याचे निश्चित करण्यात आलेले आहे. 

‘‘कर्जवाटपाच्या या प्रक्रियेत बॅंकांनाही चांगला व्यवसाय मिळण्याची शक्यता आहे. शासन व साखर कारखान्यांचे व्याज हमखास मिळणार असल्यामुळे या योजनेत सहभागाचा प्रयत्न राष्ट्रीयकृत बॅंकादेखील करीत होत्या. त्यांची मागणी मान्य केली गेली आहे. मात्र, शेतकऱ्यांकडून या बॅंकांना दोन टक्क्यांपेक्षा जादा व्याज आकारता येणार नाही,’’ अशी माहिती सूत्रांनी दिली.

दोन टक्केच व्याज द्यावे लागणार
ऊस ठिबक योजनेसाठी व्याजदर सव्वासात टक्के ठेवला गेला आहे. मात्र, शेतकरी केवळ दोन टक्के व्याज भरणार आहे. शेतकऱ्यांच्या वतीने राज्य शासन चार टक्के तर साखर कारखाना सव्वा टक्के व्याज भरणार आहे. प्रोत्साहन म्हणून शेतकऱ्याला पाणी पट्टीत २५ टक्के सवलत मिळणार आहे. 


इतर अॅग्रो विशेष
कर्जमाफीची पहिली यादी आज होणार जाहीर :...मुंबई : आमचे सरकार हे केवळ घोषणा करणारे नाही तर...
राज्यात गोंधळलेले सरकार: देवेेंद्र...मुंबई ः दिशा ठरत नाही आणि त्यांना सूरही गवसत...
कर्जमाफीच्या मुद्द्यावर राज्य सरकारची...मुंबई : आजपासून (ता. २४) सुरू होणारे अर्थसंकल्पी...
अकरा लाख टन रिफाइंड पामतेल आयातीला...नवी दिल्ली: केंद्र सरकारने रिफाइंड पामतेलाची...
कर्जमाफी बिनकामाची, तकलादू : राजू...नगर: पंतप्रधान पीकविमा योजना सरकारी...
पूर्व विदर्भात पावसाचा अंदाजपुणे  : पावसासाठी पोषक हवामान असल्याने पूर्व...
‘ठिबक’च्या ऑनलाइन अर्जासाठी मुदतवाढपुणे ः ठिबक सिंचन योजनेचा लाभ घेण्यासाठी ऑनलाइन...
विदर्भात पावसाची शक्यतापुणे: पूर्व आणि पश्चिमेकडील वाऱ्यांचा संगम होत...
सांगली जिल्ह्यातून सव्वादोन हजार टन...सांगली ः दुष्काळ, अवकाळी आणि अतिवृष्टीच्या...
शेती, पूरक उद्योग अन् आरोग्याचा जागरशेतकरी आणि ग्रामीण महिलांच्या जीवनात आश्वासक बदल...
ई-पीक पाहणी प्रकल्पाची प्रायोगिक...सिल्लोड : हंगामनिहाय किती क्षेत्रावर कोणत्या...
अठ्ठेचाळीस कृषी महाविद्यालयांची...पुणे : विद्यार्थ्यांकडून लक्षावधी रुपये शुल्क...
सिंधुदुर्गच्या पूर्व पट्ट्यात आंब्याला...सिंधुदुर्ग: फेब्रुवारी महिना संपत आला तरी...
पशुधनाचे मार्चमध्ये होणार लसीकरणपुणे ः गाई, म्हशी, शेळ्या, कालवडी आजारी पडू नये...
निर्धारित निर्यातीनंतरच बफर स्टॉकवरील...नवी दिल्ली: देशातील ज्या साखर कारखान्यांनी...
खारपाण पट्ट्यातील येऊलखेड बनले कृषी...अकोला: विदर्भाची पंढरी शेगाव हे संपूर्ण...
जळगाव ः कापसाच्या खेडा खरेदीला कमी...जळगाव ः कापसाची खेडा खरेदी मागील आठवड्यात...
इंडोनेशियात कच्च्या साखरेची जादा...कोल्हापूर : भारताच्या दृष्टीने साखर निर्यातीसाठी...
चांगदेव यात्रेला प्रारंभ; दिंड्या दाखलचांगदेव, जि. जळगाव ः सिद्धेश्वर योगिराज चांगदेव...
सर्व्हर डाउनच्या गोंधळामुळे द्राक्ष...नाशिक : केंद्रीय अप्रत्यक्ष कर आणि सीमा शुल्क...