agriculture news in marathi, two thousand application came under right to information act, nagar, maharashtra | Agrowon

नगर झेडपीत सहा महिन्यांत माहिती अधिकारांतर्गत दोन हजार अर्ज
टीम अॅग्रोवन
रविवार, 25 ऑगस्ट 2019

माहिती अधिकारांतर्गत माहिती देणे गैर नाही. परंतु, ठरावीक लोक वारंवार माहिती मागत असल्याचे दिसते. त्यामुळे कामकाजावर नक्कीच परिणाम होतो. अनेकदा तर प्रश्‍नार्थक माहितीही मागितली जाते. अनेकांच्या अर्जावरून वैयक्तिक फायदा किंवा हित दडलेले असल्याचे जाणवते.
- वासुदेव सोळंके, अतिरिक्त मुख्य कार्यकारी अधिकारी. 

नगर  ः जिल्हा परिषदेतून विविध योजनांची माहिती मिळण्यासाठी दर दिवसाला माहिती अधिकारातंर्गत सुमारे अकरा ते बारा अर्ज प्राप्त होत आहेत. गेल्या सहा महिन्यांत तब्बल दोन हजार अर्जाद्वारे विविध योजनांची माहिती मागितली गेली असल्याचे जिल्हा परिषदेतून सांगण्यात आले.

सरकारी यंत्रणेने केलेले काम, त्यावर झालेला खर्च यांसह अन्य तांत्रिक बाबी योग्य झाल्या आहेत का, याची माहिती मिळावी यासाठी ज्येष्ठ समाजसेवक अण्णा हजारे यांच्या अनेक वर्षांच्या लढ्यानंतर माहिती अधिकाराचा कायदा अंमलात आला. शासकीय कार्यालयातील गैरप्रकारांना आळा बसावा म्हणून माहितीचा अधिकार कायदा झाला असला तरी मात्र या अधिकाराचा काही जणांकडून गैरवापरही होत असल्याचे राज्यात दिसून आले आहे. ग्रामीण भागाच्या विकासासाठी जिल्हा परिषदेतून प्रभावी कामे केली जातात.

लोकांशी निगडित असलेल्या या कामांची माहिती मिळावी, यासाठी माहिती अधिकाराचा वापर केला जात असल्याचे दिसून येत आहे. असे असले तरी केवळ राजकारणापोटी त्रास देण्यासाठी आणि एकमेकांची जिरवण्यासाठीही माहिती आधिकाराचा वापर होत असल्याचे सांगण्यात आले. काही समाजसेवक ‘चिरीमिरी’ मिळण्यासाठीही माहिती अधिकाराचा वापर करत असल्याचे एका अधिकाऱ्याने सांगितले.

जिल्हा परिषदेतून मिळालेल्या माहितीनुसार, जिल्हा परिषदेच्या चौदा विभाग व चौदा पंचायत समित्यांत जानेवारी महिन्यात २९४, फेब्रुवारीत २४३, मार्चमध्ये ३२६, एप्रिलमध्ये २८५, मेमध्ये २९७ आणि जूनमध्ये विक्रमी ३७० अर्ज माहितीच्या अधिकारात प्राप्त झाले होते. या सहा महिन्यांत विक्रमी १८९५ अर्ज आले आणि त्यापैकी ९० टक्के अर्जांवर माहितीही देण्यात आली. या सहा महिन्यांत शिक्षण विभागात सर्वाधिक २६३ अर्ज आले. त्यात प्राथमिक विभागासाठी १२३ जणांनी तर माध्यमिक विभागाची १४० जणांनी माहिती मागविली होती. 
 

इतर ताज्या घडामोडी
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
परतीच्या मॉन्सूनसाठी अनुकूल वातावरणमहाराष्ट्राच्या उत्तरेकडील भागावर १००६...
मानधनवाढीसाठी आशा कर्मचाऱ्यांचे मूक...नाशिक : आशा व गटप्रवर्तकांचे मानधन तिप्पट...
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...
मोकाट जनावरांकडून पिकांचे नुकसान विंग, जि. सातारा ः अतिवृष्टीने खरीप धोक्‍यात...
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...