Agriculture news in marathi Two thousand farmers wait for electricity connection in Parbhani district | Agrowon

परभणी : दोन हजारांवर शेतकऱ्यांना वीजजोडणीची प्रतीक्षा

टीम अॅग्रोवन
गुरुवार, 5 डिसेंबर 2019

परभणी  : मुख्यमंत्री सौर कृषिपंप योजनेअंतर्गत जिल्ह्यातील २ हजार ६५३ शेतकऱ्यांनी महावितरण कंपनीकडे अनामत रक्कम भरली आहे. त्यापैकी आजवर ५१२ शेतकऱ्यांना वीजजोडण्या देण्यात आल्या आहेत. अद्याप २ हजार १४१ शेतकरी वीजजोडणीच्या प्रतीक्षेत आहेत. यंदा सिंचन स्रोतांना पुरेशा प्रमाणात पाणी उपलब्ध आहे. परंतु, वीज जोडणीअभावी पिकांना पाणी देता येत नसल्यामुळे शेतकऱ्यांची मोठी गैरसोय होत आहे.

परभणी  : मुख्यमंत्री सौर कृषिपंप योजनेअंतर्गत जिल्ह्यातील २ हजार ६५३ शेतकऱ्यांनी महावितरण कंपनीकडे अनामत रक्कम भरली आहे. त्यापैकी आजवर ५१२ शेतकऱ्यांना वीजजोडण्या देण्यात आल्या आहेत. अद्याप २ हजार १४१ शेतकरी वीजजोडणीच्या प्रतीक्षेत आहेत. यंदा सिंचन स्रोतांना पुरेशा प्रमाणात पाणी उपलब्ध आहे. परंतु, वीज जोडणीअभावी पिकांना पाणी देता येत नसल्यामुळे शेतकऱ्यांची मोठी गैरसोय होत आहे.

अपारंपरिक ऊर्जेच्या वापराला चालना देण्यासोबतच विहिरी, कूपनलिका, शेततळे, कालवा आदी सिंचन स्रोतांतून पाण्याचा उपसा व्हावा, कृषिपंपाना दिवसा अखंडित वीजपुरवठा व्हावा, यासाठी राज्यात कृषिपंप योजना राबविली जात आहे. त्या अंतर्गत पारंपरिक पद्धतीने वीजजोडणी नसलेल्या, महावितरण कंपनीकडे अनामत रक्कम भरून वीजजोडणी प्रलंबित असलेल्या राज्यातील एक लाख शेतकऱ्यांना सौर कृषिपंप देण्यात येत आहेत. त्यासाठी ऑनलाइन पद्धतीने महावितरण कंपनीच्या संकेतस्थळावर गरजू शेतकऱ्यांकडून अर्ज मागविण्यात आले होते.

जिल्ह्यातील सर्वसाधरण वर्गवारीतील शेतकऱ्यांनी ८ हजार ७६५ अर्ज, अनुसूचित जाती वर्गवारीतील शेतकऱ्यांनी ५४० अर्ज, अनुसूचित जमाती वर्गवारीतील शेतकऱ्यांनी ११६ अर्ज असे एकूण ९ हजार ४२१ अर्ज आले. त्यापैकी सर्व वर्गवारीतील मिळून एकूण ३ हजार ५७० अर्ज बाद झाले. एकूण ५ हजार २६२ शेतकऱ्यांना मंजुरी देऊन कोटेशन देण्यात आले. त्यापैकी सर्वसाधारण वर्गवारीतील २ हजार ४२७, अनुसूचित जातीच्या १८२, अनुसूचित जमातीच्या ४४ असे एकूण २ हजार ६५३ शेतकऱ्यांनी अनामत रक्कम भरली. त्यापैकी १ हजार ३०३ शेतकऱ्यांच्या शेतावर सौर कृषिपंप बसविण्यासाठी संबंधित विक्रेत्यांची नियुक्ती करण्यात आली.

विहिरी, बोअरना यंदा मुबलक पाणी आहे. परंतु, वीजजोडणी नाही. त्यामुळे पिकांना पाणी देता येत नाही. सौर कृषिपंप बसविण्याचे काम संथ गतीने सुरू असल्यामुळे शेतकऱ्यांमधून नाराजी व्यक्त केली जात आहे. तत्काळ वीजजोडण्या देण्याचे काम पूर्ण करावे, अशी मागणी अनामत भरून जोडणीच्या प्रतीक्षेत असलेल्या शेतकऱ्यांनी केली आहे.

 


इतर ताज्या घडामोडी
कांदा दरप्रश्नी लासलगाव येथे आंदोलननाशिक : केंद्र शासनाने केलेली कांदा निर्यातबंदी...
तूर पिकावरील किडींचे व्यवस्थापन करावे ः...बुलडाणा  : तूर पिकावर शेंगा पोखरणाऱ्या...
...अखेर जायकवाडीतून रब्बी सिंचनासाठी...औरंगाबाद : जायकवाडी प्रकल्पावरून कालव्या‌द्वारे...
अकरा महिन्यांनंतर पिकांची नुकसानभरपाईपुणे ः पिकांची नुकसानभरपाई मिळत नसल्याचे अनुभव...
सांगलीत आडसाली उसाला महापुराचा फटकासांगली : जुलै आणि ऑगस्ट महिन्यात आलेल्या...
औरंगाबाद, जालना, बीड जिल्ह्यात एक लाख...बीड : यंदाच्या रब्बीत औरंगाबाद, जालना व बीड या...
परभणी येथे दूध संकलनातील घट सुरूचपरभणी : शासकीय दूध योजनेतंर्गंत परभणी येथील दुग्ध...
सातारा : ‘शेतकरी सन्मान’चा निधी मिळालाच...सातारा ः पंतप्रधान शेतकरी सन्मान योजनेच्या...
नांदेड, परभणी, हिंगोलीत निर्बंधमुक्ती...नांदेड, परभणी, हिंगोली ः शेतकरी संघटनेतर्फे शरद...
सोलापूर जिल्ह्यात मुख्यमंत्री...सोलापूर : राज्यात शासकीय नोकऱ्यांचे प्रमाण कमी...
घरात बसणार नाही, राज्यभर दौरा काढणार ः...परळी, जि. बीड : ‘‘बंड केले नसते तर देशाला...
खातेदारांच्या नोंदीसाठी ‘ई-हक्क’ प्रणालीनगर ः वारस नोंद, बोजा, गहाणखत, बोजा कमी करणे, ई-...
सर्वसामान्य, तरुण पिढीशी माझी बांधीलकी...मुंबई ः आपली बांधीलकी सर्वसामान्य माणसाशी,...
पीकविमा योजनेत कंपनी आणि शेतकऱ्यांमध्ये...अकोला ः गेल्या काही वर्षांत प्रत्येक हंगामातील...
शेतकऱ्यांना अपेक्षित राज्य कारभार करेन...शिवनेरी, जि. पुणे : शिवरायांच्या महाराष्ट्राचा...
निर्यातक्षम द्राक्षनोंदणीला मुदतवाढनाशिक : युरोपियन देशांना द्राक्ष निर्यातीकरिता ''...
हळद पिकातील व्यवस्थापनसध्या हळद लागवड होऊन सुमारे सात महिन्यांचा...
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
जुन्या बागेमध्ये घडाच्या विकासाकडे लक्ष...द्राक्ष बागेमध्ये सध्या वातावरण चांगले असले, तरी...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...