agriculture news in marathi, two women to get stuck in flood, sangli, maharashtra | Agrowon

महापुराच्या स्थितीतही ‘त्यांनी’ तीन रात्री काढल्या गावातच
टीम अॅग्रोवन
मंगळवार, 20 ऑगस्ट 2019

नवेखेड, जि. सांगली  : मसुचिवाडी (ता. वाळवा) येथील येसाबाई आकाराम कदम (वय ७०) व लिलाबाई पाटील (वय ४५) या दोन महिलांनी उरात धडकी भरविणारा महापूर आलेला असतानाही तीन रात्री गावातच काढल्या. त्यांच्या या धाडसाला सलामच करावा लागेल.

नवेखेड, जि. सांगली  : मसुचिवाडी (ता. वाळवा) येथील येसाबाई आकाराम कदम (वय ७०) व लिलाबाई पाटील (वय ४५) या दोन महिलांनी उरात धडकी भरविणारा महापूर आलेला असतानाही तीन रात्री गावातच काढल्या. त्यांच्या या धाडसाला सलामच करावा लागेल.

येसाबाई आकाराम कदम या मोलमजुरी करून गुजराण करतात. मागील सोमवारी व मंगळवारी महापुराची तीव्रता वाढली. झपाट्याने वाढलेल्या पाणीपातळीमुळे गावाबाहेर पडण्याचे मार्ग बंद होणार होते. लोकांनी जनावरे काही समान बाहेर काढत गाव सोडले. येसाबाई आपल्या मुलाच्या मदतीने बाहेर पडणार होत्या. परंतु त्यांचा मुलगा मळी भागात शेतमजुरीसाठी गेला होता. तो तिकडेच अडकून पडला होता. तोपर्यंत रात्र झाली. वीस ते पंचवीस लोक वगळता गावात कोणीच राहिले नाही. त्यामुळे येसाबाई यांनाही घराबाहेर पडता आले नाही. त्या अपंग असल्याने त्यांना चालत जाणे शक्‍य नव्हते. परंतु, या स्थितीतही त्यांनी धीर सोडला नाही. आपल्या साध्या विटामातीच्या घराला कुलूप लावले आणि त्या घराबाहेर पडल्या आणि घरासमोर बांधकाम सुरू असणाऱ्या घराचा आडोसा त्यांनी घेतला. तोपर्यंत त्यांच्या घरात पाच फुटापर्यंत पाणी आले होते. त्यांनी धीर न सोडता काळोख, विषारी साप, विंचू याची पर्वा न करता महापुराच्या त्या रात्री गावातच राहिल्या.

येसाबाई यांच्या घरापासून काही अंतरावर राहणाऱ्या लिलाबाई यांचे पती आजारी असल्याने त्यांनाही घराबाहेर पडता आले नाही. त्यांनीही कोरड्या जागेत आसरा घेत प्रचंड महापुरात गावातच राहणे पसंत केले. गावात थांबलेल्या युवकांना ही माहिती मिळाल्यानंतर त्यांना बाहेर काढून धोका पत्करण्यापेक्षा आहे त्या ठिकाणीच जेवण पोच करून त्यांना आधार दिला. महापूर ओसरल्यावर येसाबाई यांनी घरात प्रवेश केला. मात्र विटा मातीच्या घराच्या भिंती कधीही पडतील अशी स्थिती निर्माण झाली असून त्याच घरात त्या राहतात. त्यांच्या घरकुलचा प्रस्ताव शासन दप्तरी धूळ खात पडला आहे.

‘मला मदत मिळाली, दुसऱ्यांनाही द्या’
येसाबाई या मजुरी करतात. पूर ओसरल्यावर गावात धान्य व इतर साहित्यांची मदत येणे सुरू आहे. घरात पाणी न गेलेले ही मदत हातोहात लुटत असल्याचे चित्र पाहावयास मिळत आहे. गावात हे वाटप सुरू असताना येसाबाईंना त्यांची मदत मिळाली होती. तरीही एका संयोजकाने त्यांना मदत घ्या असे सांगितले. मला मदत मिळाली आहे, बाबा, दुसऱ्यांना द्या, असे सांगत त्यांनी गरीब परिस्थितीतही जपलेला प्रामाणिकपणा इतरांच्या डोळ्यांत अंजन घालणारा आहे.
 

इतर बातम्या
महाराष्ट्राप्रमाणे आम्हालाही विकसित...पुणे : महाराष्ट्रातील शेतकरी पीक उत्पादन...
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
कांदा खाणाऱ्यांचा विचार करता, मग...नाशिक : कांद्यातील भाववाढीला आळा घालण्यासाठी...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
चांद्रयान मोहिमेसाठी निधी देणार ः...आटपाडी ः भारतीय अवकाश संशोधन संस्थेला या पुढच्या...
द्राक्षपंढरीत गोड्या छाटण्यांना सुरवातनाशिक : चालू वर्षीच्या द्राक्ष हंगामाला सुरवात...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
युरियाशिवाय शेती विचार रुजला तरच...नागपूर ः सेंद्रिय शेतीचा विचार गेल्या अनेक...
...अखेर ऊसतोड कामगार महामंडळ स्थापनमुंबई ः गेल्या अनेक वर्षांपासून प्रलंबित असलेल्या...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
नागपूर जिल्हा बॅंक घोटाळा निकाली...नागपूर ः नागपूर जिल्हा मध्यवर्ती बॅंकेतील...
शेतकरी कंपन्यांकडून हमीभावाने खरेदीची...पुणे : किमान हमीभाव खरेदीच्या कार्यक्रमात शेतकरी...
राज्यात उद्यापासून पावसाची शक्यतापुणे : राज्यात पावसासाठी पोषक हवामान होत असल्याने...