agriculture news in marathi, uddahav thachakary speaks about crop insurance scheme, mumbai, maharashtra | Agrowon

पीकविमा योजनेतील झारीतील शुक्राचार्यांवर कारवाई व्हावी : उध्दव ठाकरे

टीम अॅग्रोवन
शनिवार, 24 ऑगस्ट 2019

पीकविमा योजनेतून शेतकऱ्यांनाच संपूर्ण लाभ मिळाला पाहिजे. सरकारने विमा कंपन्यांना त्यांचा नफा ठरवून द्यावा. हा पैसा सरसकट मिळावा नाहीतर सरकारने तो पैसा परत घेऊन आपल्या यंत्रणेतून शेतकऱ्यांपर्यंत पोचवावा. ही योजना म्हणजे विमा कंपनी बचाव योजना नाही.
- उध्दव ठाकरे, शिवसेना पक्षप्रमुख.

मुंबई : शेतकऱ्यांसाठीच्या पीकविमा योजनेवरून शिवसेना पक्षप्रमुख उद्धव ठाकरे यांनी पुन्हा एकदा आक्रमक पवित्रा घेतला आहे. पीकविमा योजनेमध्ये घोटाळा होत असून, अनेक शेतकरी या योजनेच्या लाभापासून वंचित राहत असल्याचा आरोप उद्धव ठाकरे यांनी केला. या योजनेतील झारीतील शुक्राचार्यांवर कारवाई व्हायला हवी. शेतकऱ्यांना न्याय मिळणार नसेल तर सत्ता व युती काय कामाची असा इशाराही श्री. ठाकरे यांनी दिला. 

मुंबईत शुक्रवारी (ता. २३) आयोजित पत्रकार परिषदेत ते बोलत होते. या योजनेच्या प्रामाणिकतेबाबत उद्धव ठाकरे यांनी अनेक सवाल उपस्थित केले. ते म्हणाले, की जून महिन्यात पीकविमा योजनेबाबत शिवसेनेने मोर्चा काढला होता. त्यात पंधरा दिवसांची मुदत कंपन्यांना दिली होती. शिवसेनेचे सर्व खासदार याबाबत पंतप्रधान नरेंद्र मोदी यांना भेटले आणि योजनेत काय सुधारणा करता येईल हे सांगितले. शिवसेनेने प्रत्येक  तालुक्यात पीकविमा मदत केंद्रे उभारली होती. पीकविमा योजनेत ५३ लाख शेतकरी पात्र तर ९० लाख शेतकरी अपात्र ठरवले गेले. शिवसेनेने पीकविम्याचा प्रश्न हाती घेतल्यानंतर १० लाख शेतकऱ्यांना ९६० कोटी मदत झाली. मात्र, शेतकऱ्यांना देणे असलेले २००० कोटी रुपये कंपन्यांकडे अजून पडून आहेत. ही रक्कम शेतकऱ्यांची आहे. पीकविमा योजनेमध्ये दोन टक्के रक्कम शेतकरी भरतात, तर उर्वरित ९८ टक्के रक्कम सरकारकडून दिली जाते. मात्र, विम्याची संपूर्ण रक्कम शेतकऱ्यांना मिळत नाही. शिवसेनेकडे या योजनेबद्दल तक्रारी आल्याचे श्री. ठाकरे यांनी सांगितले.

पीकविमा योजना हा घोटाळा आहे. या योजनेतील झारीतील शुक्राचाऱ्यांवर कारवाई व्हायला हवी. तसेच ९० लाख शेतकऱ्यांना कोणी अपात्र ठरवले. त्यासाठी काय निकष लावले हे तपासण्याची गरज आहे. अपात्र ठरलेल्या शेतकऱ्यांना पीकविमा योजनेचा लाभ मिळवून देणार असल्याचे श्री. ठाकरे यांनी सांगितले. नफा कमावण्यासाठी विमा कंपन्या नाहीत. एक रुपयाचीही गुंतवणूक या कंपन्यांची नसताना नफा कशासाठी  असा सवालही श्री. ठाकरे यांनी केला.

वाशीम जिल्ह्यातील महिला शेतकरी सोनाली राठोड यांना दोन एकराला १०२ रुपये भरपाई मिळाली, अशाप्रकारे हा घोटाळा सुरू आहे. पात्र शेतकऱ्यांना आम्ही पैसे मिळवून दिले आहेत, शेतकऱ्यांचे नुकसान होत आहे. दुष्काळ आणि पूर सरकारला दिसत आहे पण या कंपन्या दिसत नाही का? या योजनेअंतर्गत ज्या सुधारणा गरजेच्या आहेत त्याबद्दल पंतप्रधानांशी बोलू, जर कंपनीने शेतकऱ्यांचे पैसे दिले नाही तर या विरोधात शिवसेना आंदोलन करेल असा इशाराही श्री. ठाकरे यांनी दिला.
 


इतर अॅग्रो विशेष
विदर्भात पावसाची शक्यतापुणे: पूर्व आणि पश्चिमेकडील वाऱ्यांचा संगम होत...
सांगली जिल्ह्यातून सव्वादोन हजार टन...सांगली ः दुष्काळ, अवकाळी आणि अतिवृष्टीच्या...
शेती, पूरक उद्योग अन् आरोग्याचा जागरशेतकरी आणि ग्रामीण महिलांच्या जीवनात आश्वासक बदल...
ई-पीक पाहणी प्रकल्पाची प्रायोगिक...सिल्लोड : हंगामनिहाय किती क्षेत्रावर कोणत्या...
अठ्ठेचाळीस कृषी महाविद्यालयांची...पुणे : विद्यार्थ्यांकडून लक्षावधी रुपये शुल्क...
सिंधुदुर्गच्या पूर्व पट्ट्यात आंब्याला...सिंधुदुर्ग: फेब्रुवारी महिना संपत आला तरी...
पशुधनाचे मार्चमध्ये होणार लसीकरणपुणे ः गाई, म्हशी, शेळ्या, कालवडी आजारी पडू नये...
निर्धारित निर्यातीनंतरच बफर स्टॉकवरील...नवी दिल्ली: देशातील ज्या साखर कारखान्यांनी...
खारपाण पट्ट्यातील येऊलखेड बनले कृषी...अकोला: विदर्भाची पंढरी शेगाव हे संपूर्ण...
जळगाव ः कापसाच्या खेडा खरेदीला कमी...जळगाव ः कापसाची खेडा खरेदी मागील आठवड्यात...
इंडोनेशियात कच्च्या साखरेची जादा...कोल्हापूर : भारताच्या दृष्टीने साखर निर्यातीसाठी...
चांगदेव यात्रेला प्रारंभ; दिंड्या दाखलचांगदेव, जि. जळगाव ः सिद्धेश्वर योगिराज चांगदेव...
सर्व्हर डाउनच्या गोंधळामुळे द्राक्ष...नाशिक : केंद्रीय अप्रत्यक्ष कर आणि सीमा शुल्क...
विदर्भात पावसाला पोषक हवामान पुणे: राज्याच्या कमाल आणि किमान तापमानात वाढ...
चारशे अधिकाऱ्यांच्या कृषी विभागात...पुणे ः कृषी विभागात गेल्या दोन ते तीन दिवसांत ३९९...
परराज्यापर्यंत विस्तारला ऊसरोपे...मुखई (जि. पुणे) येथील अभिजित धुमाळ या तरुण...
केळी ‘रायपनिंग चेंबर’चा यशस्वी केला...कोल्हापूर जिल्ह्यातील ऊसबहुल क्षेत्रात केळी...
शेतकऱ्यांवर अन्यायकारक करार नकोचअमेरिकेचे अध्यक्ष डोनाल्ड ट्रम्प आपल्या...
ऐच्छिक पीकविम्याचे इंगितकें द्र सरकारने पीकविमा योजना शेतकऱ्यांसाठी...
नैसर्गिक नव्हे, सेंद्रिय शेतीची धरा काससुभाष पाळेकरांच्या पद्धतीनुसार बाह्य निविष्ठा...