agriculture news in marathi, ujni dam overflow, solapur, maharashtra | Agrowon

पुण्यातील पावसावर ‘उजनी’ने गाठली शंभरी
टीम अॅग्रोवन
मंगळवार, 28 ऑगस्ट 2018

सोलापूर   : पावसाळा सुरू होऊन तीन महिन्यांचा कालावधी उलटत आहे. पण, सोलापूर जिल्ह्यात अद्यापही पावसाने दमदार हजेरी लावलेली नसताना, पुणे जिल्ह्यातील पावसावर जिल्ह्याची वरदायिनी समजल्या जाणाऱ्या उजनी धरणाने मात्र सोमवारी (ता. २७) दुपारी बारा वाजता १०० टक्‍क्‍यांचा टप्पा पार केला. धरणातील या पाण्यामुळे परिसरातील शेतीसह पिण्याच्या पाणी योजनांना लाभ होणार असला, तरी निम्मा जिल्हा अद्यापही तहानलेला आहे.

सोलापूर   : पावसाळा सुरू होऊन तीन महिन्यांचा कालावधी उलटत आहे. पण, सोलापूर जिल्ह्यात अद्यापही पावसाने दमदार हजेरी लावलेली नसताना, पुणे जिल्ह्यातील पावसावर जिल्ह्याची वरदायिनी समजल्या जाणाऱ्या उजनी धरणाने मात्र सोमवारी (ता. २७) दुपारी बारा वाजता १०० टक्‍क्‍यांचा टप्पा पार केला. धरणातील या पाण्यामुळे परिसरातील शेतीसह पिण्याच्या पाणी योजनांना लाभ होणार असला, तरी निम्मा जिल्हा अद्यापही तहानलेला आहे.

उजनी धरणाच्या वरच्या बाजूला असलेल्या पुणे जिल्ह्यातील सर्व धरणे तुडुंब भरली आहेत. त्यामुळे पुण्याकडील या धरणांतून उजनी धरणात गेल्या काही दिवसांपासून सातत्याने पाण्याचा विसर्ग  सुरू आहे. गेल्या आठ दिवसांत तर हा विसर्ग झपाट्याने वाढला, तसा धरणातील साठाही वेगाने वाढला. सोमवारी दुपारी बारा वाजता दौंडचा विसर्ग ३९ हजार ९८१ क्‍युसेक इतका केल्याने धरणात मोठ्या प्रमाणात पाणी येत राहिले. त्यामुळे धरणातील पाणीसाठा १०० टक्‍क्‍यावर पोचला.

उजनी धरणाच्या निर्मितीपासून यंदा १६ व्या वेळा धरण पूर्ण क्षमतेने म्हणजे १०० टक्के भरले आहे. गेल्या ३७ वर्षांत अनेकदा ऐन पावसाळ्यात पाणीपातळीने मृतसाठा गाठला, तर अतिवृष्टीमुळे आतापर्यंत आठवेळा उजनी धरण ओव्हरफ्लो झाले आहे. पण यंदा जिल्ह्यात काहीशी दुष्काळाची परिस्थिती असताना, आता धरण शंभर टक्के भरल्याने पंढरपूर, माढा, करमाळा, माळशिरस, मोहोळ आणि मंगळवेढ्याचा काही भाग, या परिसराला दिलासा मिळणार आहे. पण, धरणाच्या कार्यक्षेत्रातील शेवटच्या टोकाला असलेल्या अक्कलकोट, दक्षिण आणि उत्तर सोलापूर, बार्शी या पट्ट्यात मात्र अजूनही पाण्यासाठी प्रतीक्षाचा वाट्याला आली आहे.

त्यातच यंदा पावसाळ्याच्या सुरवातीला जूनमध्येच काही तो चांगला पाऊस झाला. पण, त्यानंतर त्याने प्रदीर्घ विश्रांती घेतली, ती थेट ऑगस्टपर्यंत, गेल्या आठ-दहा दिवसांपासून पुन्हा त्याने सुरवात केली आहे. पण त्यात जोर नाही, जलसाठे होऊ शकतील, विहीर, बोअरला पाणी वाढेल, अशी स्थिती सध्या तरी नाही. जिल्ह्यात पावसाची वार्षिक सरासरी ५४५ मिलिमीटर आहे. यंदा आतापर्यंत सरासरी १५१.३३ मिलिमीटर पाऊस झाला आहे. पावसाच्या या बेभरवशामुळे खरिपातील मूग, मटकी, उडिद ही पिके जवळपास जळून गेली आहेत. आता केवळ सोयाबीन, तूर ही पिके हातात राहिली आहेत. पण, त्यांच्याही उत्पादनाबाबत साशंकता आहे. उजनीतील या पाण्याचा ऊसपट्ट्याला लाभ होणार आहे.

उजनी धरणामध्ये येणाऱ्या पाण्याचा प्रवाह अखंडपणे सुरूच आहे. दौंडकडील विसर्ग सोमवारी दुपारपर्यंत ३९ हजार ९८१ क्‍युसेक इतका कायम होता. त्यामुळे धरण ओव्हरफ्लो होऊ नये, यासाठी धरणातून पुढे भीमा नदीत पाण्याचा विसर्ग सोडण्यात येत आहे. धरणातून नदीत पाच हजार क्‍युसेक इतका पाण्याचा विसर्ग सोडण्यात येत आहे. त्याशिवाय बोगद्यातून १०५०, कालव्यातून २३०० आणि सीना- माढा योजनेसाठी ३५० क्‍युसेक इतके पाणी सोडण्यात येत आहे. त्यामुळे नदीकाठच्या लोकांना सतर्कतेचा इशारा देण्यात आला आहे.

 

धरणातील पाण्याची स्थिती
 एकूण साठा   ११७.२१ टीएमसी
उपयुक्त साठा  ५३.५६ टीएमसी
अचल साठा ६३.६५ टीएमसी
टक्केवारी १००

 

इतर ताज्या घडामोडी
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...
राज्यातील ३४ जिल्हा परिषद अध्यक्षपदाची...मुंबई ः राज्यातील ३४ जिल्हा परिषद अध्यक्षपदाची...
भारत 'या' देशाला देणार कापूस...नागपूर ः मुस्लिम बहूल असलेल्या अझरबैजान देशातील...
कांदा घेऊन जाणाऱ्या ट्रक ड्रायव्हरची...नाशिक : परराज्यांत होणाऱ्या कांद्याच्या...
हमीभाव खरेदी केंद्रावर आली वजनकाटे...अकोला ः शासनाने या हंगामात सुरु केलेल्या आधारभूत...
मराठवाड्यात रब्बी पेरणीला मिळेना गती लातूर : मराठवाड्यातील रब्बी पेरणीची गती...
परभणी जिल्ह्यात कापूस वेचणीसाठी...परभणी : जिल्ह्यात यंदाच्या हंगामात सद्य:स्थितीत...
अरुणा प्रकल्पग्रस्तांनी मांडले...सिंधुदुर्ग : आयुक्त कार्यालयावर ‘दे धडक बेधडक’...
पाण्याच्या निचऱ्यासाठी गादीवाफ्यावर धान...भंडारा ः‘पावसाच्या पाण्याचा योग्य निचरा...
अस्मानीमुळे नुकसान सोसवेना, चालविली...नाशिक : अगदी प्रतिकूल परिस्थितीत भांडवल जमा करून...
अचूक सांख्यिकीमुळे शेती उत्पन्न वाढविणे...नवी दिल्ली: बदलत्या हवामानाच्या आव्हानावर...
पुणे जिल्हा परिषदेत येणार ‘महिला राज’पुणे  : जिल्हा परिषदेच्या नवीन अध्यक्ष...
पुणे बाजार समितीत रताळ्यांची २० टन आवक...पुणे  ःकार्तिकी एकादशीनिमित्ताने पुणे बाजार...
कशामुळे घटले साताऱ्यातील स्ट्राॅबेरीचे...सातारा  ः जिल्ह्यात अतिपावसाचा फटका...
साताऱ्यात पुढील वर्षी सहकारी संस्थांची...सातारा  : आगामी वर्ष हे सहकारातील विविध...
नगर जिल्हा परिषदेतही वाहताहेत...नगर ः राज्यात एकीकडे भाजपला सत्तेपासून दूर...
थकीत पीकविम्यासाठी किसान सभेचा पुण्यात...पुणे  ः बीडमधील शेतकऱ्यांना थकीत पीकविम्याची...
किसान सभेचे सोमवारपासून राज्यभर आंदोलन...पुणे  ः अतिवृष्टीने पिकांचे नुकसान झाले. या...
महाराष्ट्रातील राजकीय घडामोडींचे केंद्र...मुंबई  : भाजपला सत्तेपासून दूर ठेवण्यावर...
भारतीय मक्याचे पुढे काय होते ? जाणून...मका हे एक महत्त्वाचे तृणधान्य आहे. जगातील चार...