पुण्यातील धरणातून उजनीत १३ हजार ५६ क्युसेकचा विसर्ग

सोलापूर ः उजनी धरणाच्या वरच्या बाजूला असलेल्या पुणे जिल्ह्यातील धरणाच्या पाणलोट क्षेत्रात सातत्याने पाऊस पडत आहे. त्यामुळे उजनी धरणामध्ये शुक्रवारी (ता.७) दौंडकडून १३ हजार ५६ क्युसेक इतका सर्वाधिक विसर्ग सुरू झाला असून, धरणाची पाणी पातळी आता १८ टक्क्यांपर्यंत पोचली आहे. पाण्याचा विसर्ग असाच कायम राहिला, तर धरण लवकरच शंभर टक्के भरणार आहे. 

उजनी धरणाच्या पाणलोट क्षेत्रात पावसाने गेल्या दोन- तीन दिवसांपासून चांगलाच जोर धरला आहे. त्याचा परिणाम दौंडकडील धरणातील विसर्ग वाढण्यात झाला आहे. गेल्या वर्षी २८ जुलै रोजी मृत साठ्यातून बाहेर येऊन गेल्या वर्षी याच तारखेला उजनी धरण ८६.८४ टक्के भरले होते. तर, ६ ऑगस्ट रोजी उजनी धरणात दौंडमधून होणारी आवक ही २ लाख २१ हजार क्यूसेक इतकी होती. त्यामुळे मागील वर्षी २८ जुलै रोजी उजनी धरण मृतसाठ्यातून बाहेर आले होते. अवघ्या आठ ते दहा दिवसांत उजनी झपाट्याने भरले होते. पंरतु, यंदा धरणाच्या पाणलोट क्षेत्रात कमी पाऊसमान असल्याने काहिसा उशीरा विसर्ग सुरु आहे. 

शुक्रवारी दौंडकडून १३ हजार ५६ क्युसेक इतका विसर्ग उजनीमध्ये सोडण्यात येत होता. त्यामुळे धरणाची पाणी पातळी १८ टक्क्यावर पोचली होती. हा विसर्ग असाच सुरु राहिल्यास पाणी पातळी झपाट्याने वाढ होईल, अशी शक्यता आहे. 

शुक्रवारचा धरणातील पाणीसाठा