केंद्रीय सहसचिव तायशेटे यांचा शेतकऱ्यांशी संवाद

केंद्रीय सहसचिव तायशेटे यांचा शेतकऱ्यांशी संवाद
केंद्रीय सहसचिव तायशेटे यांचा शेतकऱ्यांशी संवाद

पुणे : केंद्र शासनाच्या जलशक्ती मंत्रालयामार्फत देशातील दुष्काळी भागातील जिल्ह्यांमध्ये जलसंधारणाची कामे करण्यासाठी जलशक्ती अभियान राबविण्यात येत आहे. या अभियानासंदर्भात केंद्रीय सहसचिव सुषमा तायशेटे यांनी शिरूर तालुक्यातील चिंचोली मोराची व कान्हूर मेसाई येथे गावशिवारातील कामांची पाहणी करून ग्रामस्थ, शेतकरी, महिला, युवक यांच्यासह चारा छावणीतील पशुपालकांशीही संवाद साधला.

जिल्हाधिकारी नवलकिशोर राम, उपविभागीय प्रांतधिकारी भाऊसाहेब गलांडे, शिरूरचे तहसीलदार गुरू बिराजदार, गटविकास अधिकारी जठार, वन विभागाचे अधिकारी पालवे आदी या वेळी उपस्थित होते. सहसचिव तायशेटे चिंचोली (मोराची) येथील गाव तलावाची पाहणी करून तलावाची साठवण क्षमता, देखभाल, दुरुस्ती व गावातील जलसंवर्धनाच्या कामाबाबत ग्रामस्थांशी चर्चा करून अडचणी जाणून घेतल्या. गावची लोकसंख्या त्यानुसार पाण्याची गरज, पीकपद्धती, भूजलस्थिती जाणून घेत गावाला जलस्वयंपूर्ण करण्यासाठी काय उपाययोजना करता येतील याबाबतही ग्रामस्थांशी चर्चा केली. सरपंच रूपाली धुमाळ यांनी गावच्या जलस्थितीबाबत माहिती दिली.

कान्हूर मेसाई येथे वनविभागाच्या वतीने करण्यात आलेल्या वृक्षलागवडीचीही सहसचिव तायशेटे यांनी पाहणी केली. वनपाल श्रीमती सी. ए. काटे यांनी वृक्षलागवड कार्यक्रमासंदर्भातील नियोजनबाबत सविस्तर माहिती दिली. सिमेंट नालाबांधची पाहणी करून शेतीत काम करत असलेल्या शेतकऱ्यांशी त्यांनी संवाद साधत गावातील जलस्थितीबाबत विस्ताराने जाणून घेतले. कान्हूर गावालगत असलेल्या चारा छावणीची पाहणी करून पशूपालक शेतकऱ्यांशीही चर्चा केली. सरपंच दादा खर्डे यांनी गावच्या भूजलस्थितीबाबत सविस्तर माहिती दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com