Agriculture news in marathi; United Nations Development Program Surveillance of the team in flooded areas | Page 2 ||| Agrowon

संयुक्त राष्ट्र विकास कार्यक्रम पथकाची पूरग्रस्त भागात पाहणी

टीम अॅग्रोवन
गुरुवार, 19 सप्टेंबर 2019

कोल्हापूर : महापुरामुळे झालेल्या नुकसानीची पाहणी बुधवारी (ता. १८) संयुक्त राष्ट्र विकास कार्यक्रम पथकाने केली. महापुरात उद्ध्वस्त झालेल्या पिकांबरोबर नुकसान झालेल्या अन्य घटकांबाबत प्रत्यक्ष भेटून माहिती घेतली.

कोल्हापूर : महापुरामुळे झालेल्या नुकसानीची पाहणी बुधवारी (ता. १८) संयुक्त राष्ट्र विकास कार्यक्रम पथकाने केली. महापुरात उद्ध्वस्त झालेल्या पिकांबरोबर नुकसान झालेल्या अन्य घटकांबाबत प्रत्यक्ष भेटून माहिती घेतली.

सकाळी नऊ वाजल्यापासून कोल्हापूर शहर, इचलकरंजी, शिरोळ, कुरुंदवाड, राजापूर, आणि खिद्रापूर या गावांना भेटी देण्यात आल्या. शेती, पडलेली घरे आदिंसह नुकसान झालेल्या बाबींची पाहणी करण्यात आली. पिकांचे नुकसान झालेल्या शेतकऱ्यांनी महापूर काळातील परिस्थितीची माहिती देऊन पिकांचे झालेले नुकसान अधिकाऱ्यांच्या निदर्शनास आणून दिले. घरे पडलेले नागरिक, नुकसान झालेले उद्योजक यांच्याशी बोलत नुकसानीच्या तीव्रतेची माहिती घेतली. अनेक नागरिकांनी उपजीविकाच करणे अशक्‍य झाल्याचे सांगत भरीव मदतीची अपेक्षा व्यक्त केली.जिल्ह्यातील ३४५ गावे या महापुरात बाधित झाली. यामध्ये ९५४२ पूर्णत: घरांचे तर ३१४९२, अंशत: घरांचे नुकसान झाले आहे. ४२२१ गोठ्यांचे नुकसान झाले आहे. पुरामुळे ७८१०२ हेक्‍टर पिकांचे, तसेच ३३७ हेक्‍टर जमिनीचे नुकसान झाले आहे. जिल्ह्यात एकूण २८२ रस्त्यांचे नुकसान झाल्याची माहिती जिल्हाधिकारी दौलत देसाई यांनी शिष्टमंडळाला दिली. 

कृष्णा, भीमा स्थिरीकरण प्रकल्पाच्या माध्यमातून पुराचे जादा वाहून जाणारे ११५ टीएमसी पाणी दुष्काळग्रस्त तालुक्‍यांना पोचविण्याचे नियोजित आहे. भविष्यामध्ये असा महापूर आल्यास त्यासाठी उपाय योजना म्हणून रस्त्यांची उंची वाढविणे, आवश्‍यक त्याठिकाणी उड्डाण पूल बांधणे, आवश्‍यक त्या ठिकाणी पुलांची निर्मिती करणे, महावितरणचे उपकेंद्र उंच ठिकाणावर बसविणे, विजेच्या खांबांची उंची वाढविणे अशा नियोजित कार्यक्रमाबाबत चर्चा केली.

ग्रामीण भागात मोठ्या प्रमाणात महापुरामुळे नुकसान झाले. शेतीबरोबर लघुउद्योगही बुडाले. अशा नागरिकांना उभारा देण्यासाठी तातडीने काय करता येईल याचा अंदाज शिष्टमंडळातील सदस्यांनी घेतला. सदस्यांनी पूरग्रस्त विविध घटकांशी संवाद साधला. याबाबतचा अहवाल तयार करून मदतीबाबत निर्णय घेण्यात येणार असल्याचे शिष्टमंडळातील प्रतिनिधींनी सांगितले.
पुनर्प्राप्ती सल्लागार डॉ. कृष्ण वत्स यांच्या नेतृत्वाखाली गृहनिर्माण तज्ज्ञ पी. के. दास, उपजीविका तज्ज्ञ हेमंत वाळवेकर आणि अविनाश कुमार यांचा या पथकात समावेश होता. तत्पूर्वी मंगळवारी सायंकाळी कोल्हापूर लगतच्या चिखली आंबेवाडी भागाची पहाणी करून ग्रामस्थांशी संवाद सांधला.


इतर ताज्या घडामोडी
इगतपुरी, नाशिक तालुक्यात वाऱ्यामुळे...नाशिक : जिल्ह्याच्या पश्चिम पट्ट्यात झालेल्या...
विक्रीअभावी मालवंडीत लिंबू उत्पादकांना...मालवंडी, जि. सोलापूर ः बार्शी तालुक्यातील मालवंडी...
सफेद चिप्पी कांदळवन वृक्ष घोषितमुंबई: सफेद चिप्पी (sonneratia alba) या कांदळवन...
यंदा बैल पोळा उत्साहात साजरा होणार रोपळे बुद्रूक , ता.पंढरपूर , जि . सोलापूर...
हलक्‍या ते मध्यम स्वरूपात पावसाची शक्‍...महाराष्ट्रावरील हवेच्या दाबात बदल होत असून,...
औरंगाबादमध्ये बटाटे २००० ते २४०० रुपये...औरंगाबाद  : येथील कृषी उत्पन्न बाजार...
औसा तालुक्यात उडीद, मूग व्हायरसच्या...औसा, जि. लातूर : तालुक्यातील उडीद आणि मूग ही पिके...
शेतमजुरांसाठी कौशल्याधारीत प्रशिक्षण...नाशिक: बदलत्या पीक पद्धतीमध्ये कीडनाशक फवारणी,...
कोल्हापूर जिल्ह्यात वादळ, पुराचा उसाला...कोल्हापूर: जोरदार वाऱ्यासह सुरु असलेल्या पावसाने...
पुणे जिल्ह्यात पावसामुळे भात लागवडीला...पुणे ः गेल्या चार ते पाच दिवसांपासून पुणे...
पाथरूडच्या बंधाऱ्यांत मुबलक पाणीपाथरूड, जि. उस्मानाबाद : येथील दुधना नदीवर...
नंदुरबारमध्ये अनेक भागात पाऊस नंदुरबार ः जिल्ह्यात मागील दोन दिवसांत...
पुण्यातील धरणातून उजनीत १३ हजार ५६...सोलापूर ः उजनी धरणाच्या वरच्या बाजूला...
`पपईचा पिकविमा योजनेत समावेश करा`जळगाव ः खानदेशात कांद्यापाठोपाठ पपईचे...
बार्शीत रेशनचा १५१ पोती गहू, तांदूळ...सोलापूर ः बार्शी कृषी उत्पन्न बाजार समितीतील...
‘माढा, पंढरपूर, माळशिरसमधील...सोलापूर ः ‘‘गतवर्षी जुलै, ऑगस्ट, सप्टेंबर या...
परभणीत ऊस, चारा पिकांवर नाकतोड्याचा...परभणी : वांगी (ता.परभणी) येथील ऊस पीक झालेल्या...
पूर्ण कार्यक्षमतेने ऊस गाळप करण्याचे...नाशिक : ‘‘कादवा सहकारी साखर कारखान्याने जुन्या...
नांदेड जिल्ह्यातील सीएससी केंद्रे सुरू...नांदेड : जिल्ह्यातील आपले सरकार सेवा केंद्र, आधार...
अकोल्याच्या पश्चिम भागात जोरदार पाऊसनगर ः दरवर्षी जोरदार पाऊस पडत असलेल्या अकोले...