नागपूर ः कोरोना विषाणूंचा प्रादुर्भाव रोखण्यासाठी पंतप्रधान नरेंद्र मोदी यांनी जनता कर्फ्यूचे आवाहन केले होते. त्याला विदर्भात सर्वदूर व्यापक प्रतिसाद मिळाला. पूर्व तसेच पश्‍चिम विदर्भातील सर्वच शहर आणि गावांमधील रस्त्यांवर यानिमित्ताने शुकशुकाट अनुभवण्यात आला.
उपराजधानी नागपूरमध्ये खबरदारीच्या उपायांतर्गत प्रशासनाकडून आधीच लॉकडाउन जाहीर करण्यात आले आहे. त्याच्या परिणामी अत्यावश्‍यक सेवा वगळता इतर प्रतिष्ठान बंद करण्यावर भर दिला गेला आहे. रविवारी (ता. २२) जनता कर्फ्यूची त्याला जोड मिळाली. नागपुरातील अत्यंत गजबजेल्या भागात यामुळे शुकशुकाट पसरला होता.
ऑटो रिक्षा सेवाही प्रभावीत झाल्याने रेल्वे, विमानाने बाहेरगावावरून येणाऱ्या प्रवाशांची चांगलीच फरपट झाली. पश्‍चिम विदर्भातील सर्वच जिल्ह्यांमध्ये नागरिकांनी उत्स्फूर्तपणे बंदमध्ये सहभाग नोंदविला. बुलडाणा, अमरावती, अकोला, वाशीम, यवतमाळ, वर्धा, दुर्गम भंडारा, गोंदिया, गडचिरोली, चंद्रपूरमध्येही कर्फ्यूला अभूतपूर्व प्रतिसाद मिळाल्याचे अनुभवता आले.
भाजीपाला, दूध या व्यावसायिकांना बंदमधून वगळण्यात आले असले, तरी त्यांनी देखील कर्फ्यूत सहभाग घेतला होता. त्यामुळे बहुतांश जिल्ह्यात पेट्रोल पंप वगळता इतर व्यवसाय १०० टक्‍के लॉकडाउन होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.