agriculture news in marathi Untimely in Marathwada 33% crop damage | Agrowon

मराठवाड्यात अवकाळीने ३३ टक्के पिकांचे नुकसान

टीम अॅग्रोवन
शुक्रवार, 26 फेब्रुवारी 2021

औरंगाबाद : अठरा व १९ फेब्रुवारी रोजी झालेल्या अवेळी पाऊस व गारपिटीमुळे मराठवाड्यातील १६ तालुक्यातील ३३२ गावे, शिवाराला फटका बसल्याचा प्राथमिक अंदाज आहे.

औरंगाबाद : अठरा व १९ फेब्रुवारी रोजी झालेल्या अवेळी पाऊस व गारपिटीमुळे मराठवाड्यातील १६ तालुक्यातील ३३२ गावे, शिवाराला फटका बसल्याचा प्राथमिक अंदाज आहे.

जवळपास ४५ हजार ५३५ हेक्टर जिरायत, बागायत व फळ पिकांचे क्षेत्र बाधित झाले आहे. त्यापैकी १६ हजार २५९ हेक्टरवरील शेतीपिकांचे ३३ टक्के पेक्षा अधिक नुकसान झाल्याचे प्राथमिक अंदाजात स्पष्ट करण्यात आले आहे. 

सततच्या पावसामुळे आधी खरिपाचा हंगाम मोठ्या प्रमाणात हातचा गेला. तर रब्बीचीही पेरणी लांबण्यासह कीड-रोगांच्या नैसर्गिक संकटामुळे चांगलीच वाताहत झाली. या सर्व संकटातून वाचलेल्या रब्बी पिकांना व फळपिकांना अवकाळीचा तडाखा बसला. प्राथमिक अंदाजानुसार, जिल्ह्यातील ९ पैकी ५ तालुक्यांतील १३४ गावांत नुकसान झाले. त्यामध्ये ८९०९ हेक्टरवरील जिरायत, २८ हजार ७७१ हेक्‍टरवरील बागायत, तर ५६५ हेक्टरवरील फळपिकांचे मिळून ३८ हजार २४५ हेक्टरवरील पिकांचे क्षेत्र बाधित झाले. 

जालना जिल्ह्यातील ३ तालुक्यातील ४२ गावांत नुकसान झाले. या नैसर्गिक आपत्तीत एका व्यक्तीचा मृत्यू झाला. तर ५६८.६३ हेक्‍टरवरील बागायत व फळपिकांचे ३३ टक्क्यापेक्षा अधिक नुकसान झाले. परभणी जिल्ह्यातील एका तालुक्यातील ३८ गावांत पिके बाधित झाली. २१५२ हेक्टर बाधित क्षेत्रात १९२८ हेक्‍टरवरील जिरायत  २१४ हेक्‍टरवरील बागायत क्षेत्राचा समावेश आहे. 

हिंगोली जिल्ह्यातील पिकांचे नुकसान झाले नसल्याचा प्राथमिक अंदाज आहे. नांदेड जिल्ह्यात गारपीट व वीज अंगावर पडल्याने ५ व्यक्ती जखमी झाल्या. तर दोन व्यक्तींचा मृत्यू झाला. एक लहान व तीन मोठे जनावरे मृत्यूमुखी पडली. बीड जिल्ह्यातील ३ तालुक्यातील ६७ गावांत फटका बसला.

यामध्ये २२ लहान व एक मोठे जनावर मृत्युमुखी पडले. तर ३३४९ हेक्टर क्षेत्राचे कमी-अधिक प्रमाणात नुकसान झाले. त्यापैकी ११०३ हेक्‍टरवरील शेतीपिकांचे ३३ टक्‍क्‍यांपेक्षा अधिक नुकसान झाले. त्यात ६७१ हेक्‍टरवरील जिराईत, ३४१ हेक्‍टरवरील बागायत तर ९१ हेक्टरवरील फळपिकांचा समावेश आहे. 

उस्मानाबादमध्ये ५१ गावांत नुकसान 

उस्मानाबाद जिल्ह्यातील ४ तालुक्यातील ५१ गावांत नुकसान झाले. ९ मोठ्या जनावरांचा, तर ४ लहान जनावरांचा मृत्यू झाला. १२२१ हेक्‍टरवरील शेती पिकांचे नुकसान झाले. यापैकी १३० हेक्‍टरवरील फळपिकांचे ३३ टक्‍क्‍यांपेक्षा अधिक क्षेत्र बाधित झाले. पंचनाम्याअंती अंतिम अहवाल सादर करण्यात येणार आहे, असे स्पष्ट झाले आहे.


इतर बातम्या
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
विदर्भात उद्यापासून वादळी पावसाचा इशारा पुणे : विदर्भासह संपूर्ण राज्यात उन्हाचा चटका...
गटशेतीच्या पायावर ‘एफपीसी’चा कळस पुणे : राज्यात अल्प व अत्यल्प भूधारक शेतक-यांना...
तोडणीला परवडेना टोमॅटो औरंगाबाद : जिल्ह्यातील गंगापूर, कन्नड तालुक्यातील...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...