कळमणा बाजारात तुरीच्या दरात सुधारणा

कळमणा बाजारात तुरीच्या दरात सुधारणा
कळमणा बाजारात तुरीच्या दरात सुधारणा

नागपूर ः सोयाबीनचे दर स्थिर असताना काही अंशी तुरीच्या दरात आलेली तेजी शेतकऱ्यांना दिलासा देणारी ठरली. या आठवड्यात तुरीचे दर ४६०० ते ५४०० रुपये क्‍विंटलवर पोचले होते. गेल्या आठवड्यात हेच दर ५३४२ रुपयांवर होते, अशी माहिती व्यापारी सूत्रांनी दिली. 

कळमणा बाजार समितीत तुुरीची रोजची आवक सरासरी १००० क्‍विंटलची आहे. गेल्या आठवड्यात तुरीचे दर ४४०० ते ५३४२ रुपये क्‍विंटल होते. या आठवड्यात हे दर ४६०० ते ५४०० रुपयांवर पोचले. दरात आणखी काही अंशी सुधारणांची शक्‍यता व्यापारी वर्तवित आहेत. परंतु, दर किती वाढतील याबाबबत मात्र अनिश्‍चितता असल्याचे सांगितले जाते.  

बाजारात सोयाबीनची देखील नियमित आवक आहे. गेल्या आठवड्यात ५०० क्‍विंटलची सरासरी आवक होती. या आठवड्यात ही आवक ३५० क्‍विंटलपर्यंत खाली आली. सोयाबीनचे दर ३४०० ते ३६७६ रुपये क्‍विंटल होते. या आठवड्यात हे दर ३४०० ते ३६२७ रुपयांवर पोचले. बाजारात तांदळाची ५० क्‍विंटलची आवक आहे. ४५०० ते ५००० रुपये क्‍विंटलने तांदळाचे व्यवहार झाले. लुचई तांदळाची आवक १०० क्‍विंटलची असून २२०० ते २४०० रुपये असे दर आहेत. 

ज्वारीची ४ क्‍विंटलची आवक झाली. २३०० ते २६०० रुपये क्‍विंटलचा दर मिळाला. सरबती गहू २२०० ते २५०० रुपये क्‍विंटल असून आवक १००० क्‍विंटलच्या आसपास होती. इतर गहू वाणाची आवकदेखील ९०० क्‍विंटलची असून १७०० ते १८७२ रुपयांचे दर होते. आंब्याची देखील बाजारात नियमीत आवक सुरू आहे. गेल्या आठवड्यात आंबा आवक २००० क्‍विंटल तर दर २५०० ते ३८०० रुपये होते. या आठवड्यात आवक ३००० क्‍विंटल तर दर २००० ते ३६०० रुपयांवर पोचले. 

बटाटा दर ८०० ते १००० रुपयांवर स्थिर आहेत. बटाट्याची आवक २७०० क्‍विंटलच्या घरात आहे. बाजारात टोमॅटोची आवक ११० क्‍विंटल तर दर १२०० ते १५०० रुपये आहेत. चवळी शेंगाची आवक ११० क्‍विंटलची तर दर ३४०० ते ३८०० रुपये असे आहेत. बाजारात भेंडीचे व्यवहार २५०० ते ३००० रुपये क्‍विंटलने झाले. १२० क्‍विंटलची आवक नोंदविण्यात आली. गवार शेंगांची आवक १४० क्‍विंटल तर दर २४०० ते २८०० रुपये असे आहेत.  ढोबळी मिरची २५०० ते ३०००  रुपये क्‍विंटल आणि आवक ११० क्‍विंटलची आहे. कारली ३२०० ते ३६०० रुपये क्‍विंटल आणि आवक १४३ क्‍विंटलची होती.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com