खानदेशात युरिया शिल्लक  रब्बीतही उपलब्ध होणार 

जळगाव : खानदेशात युरियाची खरिपात मोठी टंचाई जाणवली. परंतु रब्बी हंगामात युरियाचा वापर कमी झाला असून, पुरवठा सुरळीत किंवा हवा तेवढा झाला. यामुळे युरिया शिल्लक असून, हा साठा आगामी खरीप हंगामातही उपलब्ध होणार आहे.  विविध खत कंपन्यांतर्फे युरियाचा पुरवठा खानदेशात झाला. खरिपात जळगाव जिल्ह्यात १ लाख ३० हजार टन युरियाचा पुरवठा अपेक्षित होता. यापाठोपाठ फॉस्फेट व इतर सरळ खतांचा पुरवठा अपेक्षित होता. यात युरियासह पोटॅशचा पुरवठा विस्कळीत होता. तसेच १०.२६.२६ खताची देखील टंचाई तयार झाली होती. लॉकडाउन मध्येही पुरवठा करण्याचा प्रयत्न कंपन्यांनी केला. परंतु पुरवठा विस्कळीत स्वरुपातच होता. युरियाचा फक्त ७० टक्के पुरवठा खरिपात झाला. अतिपावसात खतवापर कमी झाला. खरिपातील युरियाचा पुरवठा कंपन्यांनी केला. रब्बीसाठी सुमारे ७० हजार टन युरिया पुरवठा लक्ष्यांक मंजूर होईल, असे दिसत आहे.  खानदेशात १ लाख १० हजार टन युरियाचा पुरवठा रब्बीमध्ये अपक्षित आहे. खरिपातील युरियाचा सुमारे २१ हजार टन युरियाचा साठा शिल्लक राहीला आहे. सध्या केळी पट्टा वगळता इतर भागात खतांची मागणी नाही. यामुळे खतसाठा कायम राहणार असून, रब्बीत हा साठा उपयोगात येईल. हा साठा गोदामांमध्ये आहे. कंपन्यांना त्यासाठी आपला निधी खर्च करावा लागत आहे. तसेच काही खरेदीदार आपल्याकडे युरियाचा साठा करून घेत आहेत. युरियासोबत पोटॅस, फॉस्फेट, १०.२६.२६ या खतांचा साठाही पुरेसा आहे. १०.२६.२६ या खताचा सुमारे दोन हजार टन साठा आहे. शिवाय त्याचा पुरवठा पुढेही सुरळीत होणार आहे, अशी माहिती मिळाली.