Agriculture news in marathi Urea issue administration rush in Khandesh | Agrowon

खानदेशात युरियाप्रश्नी प्रशासनाची धावपळ

टीम अॅग्रोवन
बुधवार, 23 जून 2021

जळगाव :  खानदेशात खरिपाला सुरवात होत असतानाच युरियाची टंचाई तयार झाली. या संदर्भात तक्रारी वाढल्याने प्रशासनही जागे झाले आहे. प्रशासनाने धावपळ करीत खतपुरवठादार कंपन्या, संस्थांशी चर्चा सुरू केली आहे. 

जळगाव :  खानदेशात खरिपाला सुरवात होत असतानाच युरियाची टंचाई तयार झाली. या संदर्भात तक्रारी वाढल्याने प्रशासनही जागे झाले आहे. प्रशासनाने धावपळ करीत खतपुरवठादार कंपन्या, संस्थांशी चर्चा सुरू केली आहे. 

संयुक्त खते आणि फॉस्फेट, पोटॅशचा पुरवठा सुरळीत आहे. ११ हजार टन खतांचा संरक्षित साठा (बफर) करण्यात आला आहे. परंतु या संरक्षित साठ्यात युरियाचा साठा फारसा नाही. संयुक्त खते त्यात अधिक आहेत. यातच नव्या हंगामात सुमारे एक लाख ३० हजार टन युरियाचा पुरवठा होणार आहे. पण हा पुरवठा करताना काही कंपन्या लिकिंग करीत असल्याच्या तक्रारी वितरक, विक्रेत्यांमध्ये वाढल्या. जेवढा युरिया हवा आहे, त्या तुलनेत किमान २० ते २५ टक्के आपली संयुक्त किंवा न खपणारी खते घ्यावी लागतील, अशा अटी कंपन्या पुरवठादारांसमोर टाकत आहेत. यामुळे खतपुरवठ्याचे गणितही बिघडले. 

जूनच्या सुरवातीला पावसाळी वातावरण होते. त्या वेळेस युरियाची मागणी होती. युरियाची टंचाई अनेकांना जाणवत होती. अशातच शेतकऱ्यांना जादा दरात संयुक्त खताच्या एक किंवा दोन गोण्या घेण्याची सक्ती केली जात होती. ग्रामीण भागात काळाबाजार, जादा दर आकारण्याचे प्रकार सुरू झाले. यामुळे शेतकऱ्यांनी तक्रारी केल्या. या तक्रारी वाढताच वितरकांनी आम्हाला कंपन्याच युरियासोबत इतर खते लिकिंग करून देत आहेत. लिकींगच्या खतांना नकार दिल्यास पुरवठा सुरळीत केला जात नाही, अशी बतावणी विक्रेत्यांनी केली. यानंतर प्रशासनाने कंपन्या व वितरकांसोबत चर्चा केली. 

युरियाचा पुरवठा सुरळीत व लिकिंगशिवाय करावा. कंपन्यांनी सक्ती करू नये आणि वितरकांनीदेखील कुठलीही बतावणी न करताना आपल्याकडे उपलब्ध युरियाची विक्री शेतकऱ्यांना निश्चित दरात करावी, अशा सूचना केल्या. गेल्या आठवड्यात युरियाचा सुमारे चार हजार टन नव्याने पुरवठा जिल्ह्यात झाला. 

मुबलक खतसाठ्यासाठी प्रयत्न

संयुक्त खतांचा पुरवठा जूनमधील पुरवठा लक्ष्यांकाच्या तुलनेत ४० टक्के आहे. पाऊस नसल्याने खतांची मागणी कमी आहे. परंतु प्रशासन युरिया, फॉस्फेट व १०.२६.२६ या खताचा मुबलक साठा कसा राहील, यासाठी सध्या काम करीत असल्याची माहिती सूत्रांनी दिली.


इतर बातम्या
पशुचिकित्सा व्यवसायी आंदोलनाने पशुसेवा...नगर : पशुचिकित्सा व्यवसायी (डिप्लोमा, पदविकाधारक...
अमरावती जिल्ह्यात १८३ जणांना ...अमरावती ः २०१७-१८ मध्ये फवारणीदरम्यान विषबाधेत...
पीकविम्यातील सूचनांचा केंद्राकडून...पुणे ः पंतप्रधान पीकविमा योजनेत विमा कंपन्यांच्या...
पूरग्रस्तांच्या मदतीसाठी साडेअकरा हजार...मुंबई ः राज्यातील विविध जिल्ह्यांत अतिवृष्टीमुळे...
कोकणात काही ठिकाणी मुसळधार पुणे : कोकणात तुरळक ठिकाणी मध्यम स्वरूपाचा पाऊस...
निविष्ठा वितरणातील अडचणींत लक्ष घालणार...पुणे ः राज्यात निविष्ठा वितरणात अडचणी येत असल्यास...
मराठवाड्यात सव्वा लाख हेक्टरवरील...औरंगाबाद : मराठवाड्यातील सात जिल्ह्यांतील १००३...
गोंदिया जिल्ह्यात विमाधारक शेतकरी...गोंदिया : गेल्या वर्षी जिल्ह्यात ऑगस्ट महिन्यात...
साखरेचे किमान विक्री मूल्य तातडीने...कोल्हापूर : सध्या साखर उद्योग संकटात असून,...
वर्धा : पीककर्जप्रकरणी १६ बॅंकांना नोटीसवर्धा : पीककर्ज वाटपात दरवर्षी प्रमाणे या वर्षी...
आपद्‌ग्रस्त कुटुंबांना मिळणार पाच हजाररत्नागिरी : अतिवृष्टीचा सर्वाधिक तडाखा चिपळूण,...
पूरबाधित कर्जदारांना सहकार्याची भूमिका...कोल्हापूर : जिल्ह्यात पूर परिस्थितीमुळे नागरिक व...
सेंद्रिय शेतीचे तंत्र अंगीकारा ः डॉ. ढवणबदनापूर, जि. जालना : अधिक उत्पादन देणाऱ्या संकरित...
अकोल्यात ३७ हजार हेक्टरचे पंचनामेअकोला : अतिवृष्टीने नुकसान झालेल्या झालेल्या...
रुग्णालयांच्या सुरक्षेचा तपशील दाखल करा...मुंबई : रुग्णालयांच्या सुरक्षेसाठी आतापर्यंत...
परभणीत पशुधन पदविकाधारकांचे आंदोलनपरभणी ः पशुधन पदवीधारकांची जिल्हास्तरावर नोंदणी...
सातारा :बेसुमार वृक्षतोडीमुळे कोयनेचे...सातारा : कोयना धरण परिसरात मोठ्या प्रमाणात...
‘महसूल’ लोकाभिमुख करा ः आयुक्त गमेनाशिक : प्रशासनात चांगले काम केल्यास समाज देवत्व...
मोहोळ, उत्तर सोलापुरात बिबट्याची दहशत...सोलापूर ः चिंचोली, शिरापूर (ता. मोहोळ) अकोलेकाटी...
लासलगाव बाजार समितीत टोमॅटो लिलावास...नाशिक : लासलगाव कृषी उत्पन्न बाजार समितीच्या प.पू...