agriculture news in Marathi, Urea linking in Jalgaon District, Maharashtra | Agrowon

जळगाव जिल्ह्यात युरियावर लिंकिंग, तुटवड्याने शेतकऱ्यांची पिळवणूक

टीम अॅग्रोवन
रविवार, 8 सप्टेंबर 2019

युरियाची टंचाई मध्यंतरी होती. सध्या पुढे रब्बी हंगाम चांगला राहील या अपेक्षेने विक्रेते युरियाचा साठा करून घेत आहेत. यामुळे टंचाई वाटत आहे. लिंकिंगची माहिती आमच्यापर्यंत आली. परंतु ही लिंकिंग कुठले विद्राव्य खत किंवा इतर बाबींची नव्हती. युरियासोबत इतर रासायनिक खत घेण्याच्या अटी काही कंपन्यांनी घातल्या. या संदर्भात कुठलीही लेखी तक्रार आमच्याकडे मात्र कुणी केली नाही. 
- मधुकर चौधरी, कृषी विकास अधिकारी, जिल्हा परिषद, जळगाव

जळगाव ः जिल्ह्यात युरियासोबत १०.२६.२६ या खताची दोन कंपन्यांकडून सर्रास लिंकिंग सुरू आहे. यामुळे खत विक्रेते, शेतकरी यांची वित्तीय पिळवणूक होत असून, या दोन्ही कंपन्यांवर कारवाईसंबंधी मागणी केली जात आहे. 

या दोन्ही कंपन्यांची नावे खत विक्रेते जाहीरपणे सांगण्यास नकार देत आहेत. कारण कंपन्यांची नावे जाहीर केली तर युरिया मिळणे कठीण होईल. युरियाचा अधिकाधिक पुरवठा या दोन कंपन्यांकडून केला जातो. मागील काही दिवसांमध्ये या दोन्ही कंपन्यांनी सुमारे साडेसात हजार मेट्रिक टन युरियाचा पुरवठा जळगाव व धुळे जिल्ह्यांत मिळून केला आहे. ज्या खत वितरकांनी आपल्याकडून १०.२६.२६ घेतले, त्यांनाच या युरियाची विक्री केली आहे.

यातच या दोन्ही कंपन्यांच्या १०.२६.२६ खताचे दर इतर कंपन्यांच्या तुलनेत अधिक आहेत. इतर कंपन्यांची १०.२६.२६ ची एक ५० किलोची गोणी १२०० रुपयाला मिळते. परंतु या दोन्ही कंपन्या एका गोणीमागे ६५ रुपये जादा दर आकारतात. ३०० गोण्या युरिया हवा असेल तर १०० गोण्या १०.२६.२६ घ्या, असा लिंकिंगचा व्यवहार या कंपन्या सर्रास करीत आहेत, अशी तक्रार एका विक्रेत्याने ॲग्रोवनकडे नाव न प्रसिद्ध करण्याच्या अटीवर सांगितले. 

एका कंपनीने पोटॅश व 
१५.१५.१५ची केली सक्ती

कृषी विभागातील सूत्रांनी दिलेल्या माहितीनुसार मध्यंतरी १५ दिवस युरियाचा पुरवठाच बंद होता. एका कंपनीने या दरम्यान आपल्याकडील युरिया वितरकांना देताना १५.१५.१५ व पोटॅश खत घेण्याची सक्ती केल्याची माहिती मिळाली. युरियाचा किरकोळ तुटवडा मध्यंतरी होता, परंतु कुणाकडूनही या संदर्भात ठोस किंवा लेखी तक्रार केली नाही. मागील पाच-सात दिवसांत जिल्ह्यात नर्मदा व कृभको या कंपन्यांनी मिळून सुमारे साडेतीन हजार मेट्रिक टन युरियाचा पुरवठा केल्याची माहिती मिळाली. 

किरकोळ बाजारात शेतकऱ्यांची लूट
ग्रामीण भागात किंवा मोठ्या गावातील बाजारात युरिया खतावर महिनाभरापासून लिंकिंग सुरू आहे. सहा गोण्या युरियावर दोन गोण्या १०.२६.२६ घेण्याची सक्ती अनेक भागांत विक्रेते शेतकऱ्यांना करीत असल्याची माहिती मिळाली. शेतकऱ्यांची ही लूट होत असली तरी कृषी विभागाने अद्याप या संदर्भात एकही कारवाई केलेली नाही. कंपनीलाही जाब विचारलेला नसल्याचे सूत्रांनी सांगितले. 

 


इतर अॅग्रो विशेष
हिंसाचारामागचे खलनायक कोण?दोन महिन्यांपासून दिल्लीमध्ये शांततेत सुरू...
आधुनिक काळातही मुलीचा वाणवसा बैलगाडीतून...सातारा : सजविलेले बैल, घुंगराची रंगीत गाडी आणि...
कोकण, मध्य महाराष्ट्रात थंडी; विदर्भात...पुणे ः कोकण आणि मध्य महाराष्ट्रात कोरडे वातावरण...
दोन दिवसांत पेट्रोल ५८, तर डिझेल ६४...मुंबई : कोरोना काळात उपनगरी रेल्वेसेवा...
दोडामार्गात हत्तीकडून केळी, सुपारीसह...सिंधुदुर्गनगरी ः तिलारी खोऱ्यातील बांबर्डेत (ता....
सूक्ष्म अन्न प्रक्रिया उद्योग योजनेतील...परभणी : पंतप्रधान सूक्ष्म अन्न प्रक्रिया उद्योग...
आंदोलन बदनाम करण्याचे षडयंत्र :...नवी दिल्ली : दिल्लीत संयुक्त किसान मोर्चाने...
लिंबासाठी शोधली पर्यायी बाजारपेठसंत्रा उत्पादनासाठी प्रसिद्ध अमरावती जिल्हयात...
विनावीज जलसंधारण प्रयोगांतून डोंगरात...नाशिक जिल्ह्यातील कोनांबे (ता. सिन्नर) येथे डावरे...
कृषी कायद्यांना एकसंध विरोध; मुंबईत...मुंबई : दिल्लीतील शेतकरी आंदोलनाला पाठिंबा,...
रिक्त पदे तत्काळ भरारिक्त पदांमुळे कृषी विभागाच्या कामांचा बोजवारा...
आरोग्यमय जीवनासाठी फळे-भाज्यांचे सेवन...संयुक्त राष्ट्र संघाच्या जनरल असेंब्लीच्या ७४...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...
शेतकरी पुत्राने बनवले वाहन ऊस भरणी यंत्रसातारा : सध्या ऊस हंगामातील सर्वात मोठी समस्या...
मध्य महाराष्ट्रात थंडी; निफाडला नीचांकी...पुणे : राज्यातील किमान तापमानात चढउतार होत आहे....
गे माय भू तुझे मी फेडीन पांग सारेऔरंगाबाद जिल्ह्यातील नाचनवेल-कोपरवेल व आडगाव (...
तेरी मिट्टी मे मिल जावा, गुल बनके मैं...लासूर (ता. चोपडा, जि. जळगाव) येथील निवृत्त सैनिक...
जवानांनंतर शेतकऱ्यांचे ‘संचलन’ नवी दिल्ली : प्रजासत्ताक दिनी ट्रॅक्टर...
लाल वादळ मुंबईत धडकले नाशिक : दिल्ली येथे सुरू असलेल्या ऐतिहासिक शेतकरी...
शेतीपंप वीजबिले तपासली जाणार; चुकीची...कोल्हापूर : ‘‘राज्य सरकारने कृषिपंप वीजजोडणी धोरण...