agriculture news in Marathi, Urea linking in Jalgaon District, Maharashtra | Page 2 ||| Agrowon

जळगाव जिल्ह्यात युरियावर लिंकिंग, तुटवड्याने शेतकऱ्यांची पिळवणूक

टीम अॅग्रोवन
रविवार, 8 सप्टेंबर 2019

युरियाची टंचाई मध्यंतरी होती. सध्या पुढे रब्बी हंगाम चांगला राहील या अपेक्षेने विक्रेते युरियाचा साठा करून घेत आहेत. यामुळे टंचाई वाटत आहे. लिंकिंगची माहिती आमच्यापर्यंत आली. परंतु ही लिंकिंग कुठले विद्राव्य खत किंवा इतर बाबींची नव्हती. युरियासोबत इतर रासायनिक खत घेण्याच्या अटी काही कंपन्यांनी घातल्या. या संदर्भात कुठलीही लेखी तक्रार आमच्याकडे मात्र कुणी केली नाही. 
- मधुकर चौधरी, कृषी विकास अधिकारी, जिल्हा परिषद, जळगाव

जळगाव ः जिल्ह्यात युरियासोबत १०.२६.२६ या खताची दोन कंपन्यांकडून सर्रास लिंकिंग सुरू आहे. यामुळे खत विक्रेते, शेतकरी यांची वित्तीय पिळवणूक होत असून, या दोन्ही कंपन्यांवर कारवाईसंबंधी मागणी केली जात आहे. 

या दोन्ही कंपन्यांची नावे खत विक्रेते जाहीरपणे सांगण्यास नकार देत आहेत. कारण कंपन्यांची नावे जाहीर केली तर युरिया मिळणे कठीण होईल. युरियाचा अधिकाधिक पुरवठा या दोन कंपन्यांकडून केला जातो. मागील काही दिवसांमध्ये या दोन्ही कंपन्यांनी सुमारे साडेसात हजार मेट्रिक टन युरियाचा पुरवठा जळगाव व धुळे जिल्ह्यांत मिळून केला आहे. ज्या खत वितरकांनी आपल्याकडून १०.२६.२६ घेतले, त्यांनाच या युरियाची विक्री केली आहे.

यातच या दोन्ही कंपन्यांच्या १०.२६.२६ खताचे दर इतर कंपन्यांच्या तुलनेत अधिक आहेत. इतर कंपन्यांची १०.२६.२६ ची एक ५० किलोची गोणी १२०० रुपयाला मिळते. परंतु या दोन्ही कंपन्या एका गोणीमागे ६५ रुपये जादा दर आकारतात. ३०० गोण्या युरिया हवा असेल तर १०० गोण्या १०.२६.२६ घ्या, असा लिंकिंगचा व्यवहार या कंपन्या सर्रास करीत आहेत, अशी तक्रार एका विक्रेत्याने ॲग्रोवनकडे नाव न प्रसिद्ध करण्याच्या अटीवर सांगितले. 

एका कंपनीने पोटॅश व 
१५.१५.१५ची केली सक्ती

कृषी विभागातील सूत्रांनी दिलेल्या माहितीनुसार मध्यंतरी १५ दिवस युरियाचा पुरवठाच बंद होता. एका कंपनीने या दरम्यान आपल्याकडील युरिया वितरकांना देताना १५.१५.१५ व पोटॅश खत घेण्याची सक्ती केल्याची माहिती मिळाली. युरियाचा किरकोळ तुटवडा मध्यंतरी होता, परंतु कुणाकडूनही या संदर्भात ठोस किंवा लेखी तक्रार केली नाही. मागील पाच-सात दिवसांत जिल्ह्यात नर्मदा व कृभको या कंपन्यांनी मिळून सुमारे साडेतीन हजार मेट्रिक टन युरियाचा पुरवठा केल्याची माहिती मिळाली. 

किरकोळ बाजारात शेतकऱ्यांची लूट
ग्रामीण भागात किंवा मोठ्या गावातील बाजारात युरिया खतावर महिनाभरापासून लिंकिंग सुरू आहे. सहा गोण्या युरियावर दोन गोण्या १०.२६.२६ घेण्याची सक्ती अनेक भागांत विक्रेते शेतकऱ्यांना करीत असल्याची माहिती मिळाली. शेतकऱ्यांची ही लूट होत असली तरी कृषी विभागाने अद्याप या संदर्भात एकही कारवाई केलेली नाही. कंपनीलाही जाब विचारलेला नसल्याचे सूत्रांनी सांगितले. 

 


इतर अॅग्रो विशेष
मुख्यमंत्री ठाकरे, शरद पवार ...मुंबई: राज्यातील काही जिल्ह्यांना जोरदार पावसाचा...
जोरदार पावसाची शक्यता पुणे ः कोकण, मध्य महाराष्ट्र, मराठवाडा व विदर्भात...
पूरक व्यवसायातून स्वयंपूर्णतेचा धडादुग्ध व्यवसाय, कुक्कुटपालन आणि परसबागेतील...
डोळ्यातल्या पाण्याचे मोलऑ क्टोबरचा दुसरा पंधरवाडा चालू आहे. मूग, उडीद,...
सिंधुदुर्ग जिल्ह्यात हजारो हेक्टर...सिंधुदुर्ग ः जिल्ह्यात सुरू असलेल्या अतिवृष्टीचा...
मराठवाड्यातील पाऊस ओसरला, नुकसानीचे...औरंगाबाद  ः मराठवाड्यातील आठही जिल्ह्यांत...
पिकांच्या नुकसानीचे पंचनामे गतीने करा ः...मुंबई: अतिवृष्टी, वादळी पावसामुळे पिकांचे नुकसान...
हमीभावाने सोयाबीन खरेदीसाठी जिल्हानिहाय...परभणी ः राज्यात हंगाम सन २०२०-२१ मध्ये किंमत...
रब्बीसाठी पंतप्रधान पीक विमा योजना लागू मुंबई : रब्बी हंगाम २०२०-२१ वर्षासाठी पंतप्रधान...
‘जलयुक्त शिवार’ची चौकशी फोल ठरवण्यासाठी...पुणे : भाजप राजवटीतील जलयुक्त शिवार योजनेच्या...
तरंगणाऱ्या पिकांनी स्वप्नेही पाण्यातपुणे ः कोकण, मध्य महाराष्ट्र व मराठवाड्यात...
‘व्हर्जिन कोकोनट ऑइल’ अन सुकवलेली पावडरसिंधुदुर्ग जिल्ह्यातील वेंगुर्ले येथील अभिजित...
परसातील ‘ग्रामप्रिया’ कोंबडीपालन...औरंगाबाद जिल्ह्यात गंगापूर तालुक्यातील काही...
किंमत कण कण अन्नाची!गोंदिया जिल्ह्यातील खाडिपार येथील एक संत महात्मा...
‘सोपा’ची पोटदुखी‘सो पा’ने (सोयाबीन प्रोसेसर्स असोसिएशन ऑफ इंडिया...
मराठवाड्यात परतीच्या पावसाचा कहरऔरंगाबाद : मराठवाड्यात परतीच्या पावसाचा कहर...
पिकांच्या २५ टक्क्यांपेक्षा जास्त...पुणे : राज्यात पावसामुळे काढणी पश्चात झालेल्या...
मुसळधार पावसाने हाहाकारपुणे : परतीच्या पावसाने राज्यातील अनेक भागात...
देशातून ३५ लाख कापूस गाठींची निर्यात...जळगाव ः जगभरात कापूस पिकाला नैसर्गिक फटका बसतच...
कोकणात सव्वा लाख हेक्टरवरील भाताचे...रत्नागिरी : अस्मानी संकटामुळे कोकणातील हाता...