agriculture news in Marathi, Urea linking in Jalgaon District, Maharashtra | Page 3 ||| Agrowon

जळगाव जिल्ह्यात युरियावर लिंकिंग, तुटवड्याने शेतकऱ्यांची पिळवणूक

टीम अॅग्रोवन
रविवार, 8 सप्टेंबर 2019

युरियाची टंचाई मध्यंतरी होती. सध्या पुढे रब्बी हंगाम चांगला राहील या अपेक्षेने विक्रेते युरियाचा साठा करून घेत आहेत. यामुळे टंचाई वाटत आहे. लिंकिंगची माहिती आमच्यापर्यंत आली. परंतु ही लिंकिंग कुठले विद्राव्य खत किंवा इतर बाबींची नव्हती. युरियासोबत इतर रासायनिक खत घेण्याच्या अटी काही कंपन्यांनी घातल्या. या संदर्भात कुठलीही लेखी तक्रार आमच्याकडे मात्र कुणी केली नाही. 
- मधुकर चौधरी, कृषी विकास अधिकारी, जिल्हा परिषद, जळगाव

जळगाव ः जिल्ह्यात युरियासोबत १०.२६.२६ या खताची दोन कंपन्यांकडून सर्रास लिंकिंग सुरू आहे. यामुळे खत विक्रेते, शेतकरी यांची वित्तीय पिळवणूक होत असून, या दोन्ही कंपन्यांवर कारवाईसंबंधी मागणी केली जात आहे. 

या दोन्ही कंपन्यांची नावे खत विक्रेते जाहीरपणे सांगण्यास नकार देत आहेत. कारण कंपन्यांची नावे जाहीर केली तर युरिया मिळणे कठीण होईल. युरियाचा अधिकाधिक पुरवठा या दोन कंपन्यांकडून केला जातो. मागील काही दिवसांमध्ये या दोन्ही कंपन्यांनी सुमारे साडेसात हजार मेट्रिक टन युरियाचा पुरवठा जळगाव व धुळे जिल्ह्यांत मिळून केला आहे. ज्या खत वितरकांनी आपल्याकडून १०.२६.२६ घेतले, त्यांनाच या युरियाची विक्री केली आहे.

यातच या दोन्ही कंपन्यांच्या १०.२६.२६ खताचे दर इतर कंपन्यांच्या तुलनेत अधिक आहेत. इतर कंपन्यांची १०.२६.२६ ची एक ५० किलोची गोणी १२०० रुपयाला मिळते. परंतु या दोन्ही कंपन्या एका गोणीमागे ६५ रुपये जादा दर आकारतात. ३०० गोण्या युरिया हवा असेल तर १०० गोण्या १०.२६.२६ घ्या, असा लिंकिंगचा व्यवहार या कंपन्या सर्रास करीत आहेत, अशी तक्रार एका विक्रेत्याने ॲग्रोवनकडे नाव न प्रसिद्ध करण्याच्या अटीवर सांगितले. 

एका कंपनीने पोटॅश व 
१५.१५.१५ची केली सक्ती

कृषी विभागातील सूत्रांनी दिलेल्या माहितीनुसार मध्यंतरी १५ दिवस युरियाचा पुरवठाच बंद होता. एका कंपनीने या दरम्यान आपल्याकडील युरिया वितरकांना देताना १५.१५.१५ व पोटॅश खत घेण्याची सक्ती केल्याची माहिती मिळाली. युरियाचा किरकोळ तुटवडा मध्यंतरी होता, परंतु कुणाकडूनही या संदर्भात ठोस किंवा लेखी तक्रार केली नाही. मागील पाच-सात दिवसांत जिल्ह्यात नर्मदा व कृभको या कंपन्यांनी मिळून सुमारे साडेतीन हजार मेट्रिक टन युरियाचा पुरवठा केल्याची माहिती मिळाली. 

किरकोळ बाजारात शेतकऱ्यांची लूट
ग्रामीण भागात किंवा मोठ्या गावातील बाजारात युरिया खतावर महिनाभरापासून लिंकिंग सुरू आहे. सहा गोण्या युरियावर दोन गोण्या १०.२६.२६ घेण्याची सक्ती अनेक भागांत विक्रेते शेतकऱ्यांना करीत असल्याची माहिती मिळाली. शेतकऱ्यांची ही लूट होत असली तरी कृषी विभागाने अद्याप या संदर्भात एकही कारवाई केलेली नाही. कंपनीलाही जाब विचारलेला नसल्याचे सूत्रांनी सांगितले. 

 


इतर अॅग्रो विशेष
सव्वाशेहून देशी बियाणे संवर्धन,...उस्मानाबाद जिल्ह्यातील आरळी बुद्रुक येथील धनाजी...
निवडणुकीला पैसे आहेत, पण ऊसबिले द्यायला...पंढरपूर, जि. सोलापूर ः राष्ट्रवादी काँग्रेसने...
केंद्राचे आगीत ‘तेल’; एप्रिल महिन्याचा...कोल्हापूर : देशात वाढलेले साखर उत्पादन आणि कमी...
विदर्भात शनिवारी अवकाळीची शक्यतापुणे : छत्तीसगडच्या दक्षिण भाग व परिसरात चक्रीय...
चुकीच्या वेतनश्रेणीमुळे २२ कोटी रुपये...पुणे : महात्मा फुले कृषी विद्यापीठातील १४०...
सोयाबीनला उच्चांकी सहा हजारांचा भावलातूर/अकोला ः गेल्या काही दिवसांपासून राज्यात...
नाशिकमध्ये लेट खरीप कांद्याची आवक वाढलीनाशिक : जिल्ह्यात मार्चअखेर, बँक बंदमुळे रोकड...
एफआरपी वितरणात महाराष्ट्रच अव्वलपुणे : देशातील इतर राज्यातील साखर कारखान्यांनी...
लॉकडाउनच्या भीतीने खानदेशात कलिंगड...जळगाव : खानदेशात लॉकडाउनच्या भीतीने पक्व किंवा...
औरंगाबाद जिल्ह्यात फळे, भाजीपाल्याची...औरंगाबाद : कोरोनाच्या संकटात ग्राहकांना थेट फळे,...
दुर्गम सिरोंचा झाले लाल मिरचीचे हबदुर्गम गडचिरोली जिल्ह्याची ओळख आर्थिक दृष्ट्या...
दुष्काळात घडविला पोल्ट्री...नाशिक जिल्ह्यातील सायगाव (ता.येवला) येथे सतीश...
हंगाम गोड, पण साखर कडूचखरे तर २०२०-२१ च्या गळीत हंगामापुढे अनेक आव्हाने...
मार्च महिन्यात गडबडले हवामान; थंडी,...पुणे : राज्यात दिवस रात्रीच्या तापमानातील तफावत...
सुट्टीच्या दिवशी संपूर्ण टाळेबंदीमुंबई : राज्यातील वाढत्या कोरोना बाधितांच्या...
कांद्याच्या शिवार खरेदीत लुटीचे प्रकार...नाशिक : जिल्ह्यातील बाजार समित्या बंदचा गैरफायदा...
विदर्भात आजपासून उष्णतेची लाटपुणे : राज्यात असलेल्या कोरड्या हवामान उन्हाचा...
मराठवाड्यात २ कोटी टन उसाचे गाळपऔरंगाबाद : मराठवाड्यात यंदाच्या गाळप हंगामात ५५...
हरभरा दरवाढीचे संकेतपुणे ः देशातील महत्त्वाच्या हरभरा उत्पादक...
मांजरपाडा प्रकल्पाचे पाणी गोदावरी...नाशिक : मांजरपाडा (देवसाने) प्रकल्पाचे काम मे...