जळगाव, धुळ्यात युरियाची टंचाई कायम

पेरणी पूर्ण होत आली आहे. युरियासाठी शेतकऱ्यांची धावपळ सुरू आहे. मात्र, तो आम्हाला लिंकिंगमध्ये घ्यावा लागत आहे. त्याशिवाय मिळतच नाही. जिल्हा प्रशासनाने लिंकिंगचा प्रश्‍न सोडवून आम्हाला पुरेसा युरिया उपलब्ध करून द्यावा. - दिनेश पाटील, शेतकरी, पाचोरा, जि. जळगाव
urea
urea

धुळे ः जळगाव व धुळे जिल्ह्यांत युरियासह १०.२६.२६ खतांची टंचाई आठवडाभरापासून कायम आहे. शेतकऱ्यांना खतांसाठी वणवण फिरावे लागत असून, युरियावर लिंकिंग होत आहे. काही कंपन्यांकडून खतपुरवठा फारसा झालेला नाही.  यंदाच्या खरीप हंगामाच्या सुरुवातीला जिल्हा प्रशासनाने शेतकऱ्यांना खतांची टंचाई भासणार नाही असे सांगत पुरेसासाठा असल्याचे स्पष्ट केले होते. मात्र विक्रेत्यांनी शेतकऱ्यांची पिळवणूक सुरू केली आहे. पाऊस बऱ्यापैकी झाल्याने जवळपास ८८ टक्‍क्‍यांपेक्षा जास्त पेरणी झाली आहे. पिकांना खते देण्यासाठी शेतकरी कार्यवाही करीत आहेत. परंतु, युरिया पुरेसा नाही. १०.२६.२६ ची टंचाई आहे. डीएपी व पोटॅशचा पर्याय विक्रेते शेतकऱ्यांना देतात. युरियाच्या फक्त पाच ते आठ गोण्या एका शेतकऱ्याला देत आहेत. त्यातही पाच युरिया गोण्यांवर एक डीएपी किंवा इतर कुठल्या खताची गोणी घेण्याचे बंधन करीत आहेत.  एका शेतकऱ्याला एका विक्रेत्याकडे पाच १०.२६.२६ मिळणेही जळगावात दुरापास्त झाले आहे. जिल्ह्यात खतांचा काळाबाजार होऊ नये म्हणून कृषी विभागाने भरारी पथके नेमली आहेत. या पथकांकडून जिल्हाभर तपासणी सुरू आहे. परंतु, कारवाई कुठेही झालेली नाही. जळगाव व धुळ्यात जूनमध्ये युरियाचा निर्देशीत लक्ष्यांकानुसार ४० टक्केही पुरवठा झालेला नाही. जळगाव जिल्ह्यात हंगामाच्या अखेरपर्यंत सुमारे एक लाख १० हजार मेट्रिक टन  युरियाचा पुरवठा अपेक्षित आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com