पाण्याच्या निचऱ्यासाठी गादीवाफ्यावर धान लागवड करा : डॉ. शामकुंवर

The farmers learned modern farming techniques
The farmers learned modern farming techniques

भंडारा ः‘पावसाच्या पाण्याचा योग्य निचरा होण्यासोबतच पिकाकरिता ते पोषक ठरावे, याकरिता गादीवाफ्यावर धान लागवड करावी’, असा सल्ला वरिष्ठ भात पैदासकार डॉ. जी. आर. शामकुंवर यांनी दिला. 

कृषी विज्ञान केंद्र साकोली व महाबीज यांच्या वतीने आयोजित धान महोत्सव, शिवारफेरी व कृषी प्रदर्शन कार्यक्रमात ते बोलत होते. या वेळी जिल्हा अधीक्षक कृषी अधिकारी हिंदुराव चव्हाण, कृषिभूषण शेतकरी यादोराव मेश्राम, महाबीजचे नागपूर विभागीय व्यवस्थापक एस. पी. गायकवाड, उपविभागीय कृषी अधिकारी पदमाकर गीदमारे, शेतीनिष्ठ शेतकरी चंदूलाल राऊत, आनंद चौधरी, पी. पी. पर्वते, डॉ. पी. बी. खिरारी, एस. के. लाकडे, लयंत अनित्य यांची या वेळी उपस्थिती होती. 

केव्हीकेचे कार्यक्रम समन्वयक डॉ. एन. एस. वझिरे यांनी धान पिकावरील प्रमुख किडी व त्याचे व्यवस्थापन याविषयी माहिती दिल. रब्बी पिकामधील हरभरा, तीळ, जवस, लाखोरी, गहू पिकांच्या वाणांची त्यांनी माहिती दिली. महाबीजचे एस. पी. गायकवाड यांनी धानाचे सुधारित वाण पिडीकेवी तीलक, पिकेवी एच. एम. टी., एसकेएल - ९ याविषयी मार्गदर्शन केले. पदमाकर गिदमारे यांनी पारंपरिक शेतीला भाजीपाला पिकाची जोड देत त्या माध्यमातून आपला आर्थिकस्तर उंचावण्याचे आवाहन शेतकऱ्यांना केले. 

कार्यक्रमात धान पिकाचे विविध जाती, वाण, प्रक्षेत्रावर प्रत्यक्ष शेतात उभा मशिनने पेरलेले धान, विविध अवजारे, आवत्या पेरणी मशिन, धानावरील पेट्रोलवर चालणारे डवरण यंत्र, धान कापणी यंत्र, विविध तंत्रज्ञान, जनावरांचा पोषक चारा, शेळीच्या विविध जाती, कोंबडीच्या विविध जाती, धरन पीक लागवडीच्या विविध पध्दती याविषयी कृषी प्रदर्शनीमध्ये तंत्रज्ञान माहिती दालनाच्या माध्यमातून शेतकऱ्यांनी जाणून घेतले. सूत्रसंचालन प्रमोद पर्वते यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com