सोयाबीनमध्ये एकात्मिक कीड व्यवस्थापनाचा वापर करा ः नागवडे

अंबड, जि. जालना ः ‘‘सर्व शेतकऱ्यांनी सोयाबीन पिकांत एकात्मिक कीड व रोग व्यवस्थापनाचा प्रभावीपणे वापर करावा,’’ असे आवाहन मंडळ कृषी अधिकारी शितल नागवडे यांनी केले.
Use integrated pest management in soybeans: Nagwade
Use integrated pest management in soybeans: Nagwade

अंबड, जि. जालना  ः ‘‘सर्व शेतकऱ्यांनी सोयाबीन पिकांत एकात्मिक कीड व रोग व्यवस्थापनाचा प्रभावीपणे वापर करावा,’’ असे आवाहन मंडळ कृषी अधिकारी शितल नागवडे यांनी केले.

 घुंगर्डे हादगाव येथे तालुका कृषी विभागाच्या वतीने सोयाबीन पिकाची शेतीशाळा आयोजित करण्यात आली होती.  नागवडे म्हणाले, ‘‘सापळा पिके, प्रकाश सापळे, कामगंध सापळे, पक्षी थांबे आणि जैविक किडनाशके यांचा एकात्मिक कीड व्यवस्थापनामध्ये वापर करावा. किड व रोग नियंत्रणावरील खर्चात बचत करावी.’’

कृषी सहाय्यक अशोक सव्वाशे म्हणाले, ‘‘तूर, सोयाबिन अशी आंतरपिक पद्धतीमुळे मुख्य पिकांचा कालावधी जेवढा लांब असेल, त्या प्रमाणात तूर पिकाची उत्पादकता कमी होताना आढळते. मुख्य पीक कमी कालावधीचे असल्यास त्याचे अवशेष जमिनीवर पडून तुरीला उपलब्ध होतात. या आच्छादनामुळे जमिनीतील ओलावा टिकून राहतो. पावसाचे पाणी संपूर्णपणे तुरीला मिळते. वाढीला जागा मिळते व मित्र किडींचे प्रमाण वाढून मुख्य पिकातील प्रमुख किडीपासून तूर पिकाचे संरक्षण होते. अतिरिक्त उत्पादनही मिळून फायदा होतो.’’

 ‘‘सध्या पावसाच्या उघडीपीमुळे, आद्रता वाढल्यामुळे सोयाबीनवर खोड माशी व पाने खाणारी अळीचा प्रादुर्भाव दिसून येत आहे. अंड्यातून बाहेर निघालेली पाय नसलेली अळी प्रथम सोयाबिनची पाने पोखरते.  नंतर पानांच्या देठातून मुख्य खोडात किंवा फांदीत प्रवेश करते. आतील भाग पोखरून खाते. परिणामी, किडग्रस्त झाड वाळते. या किडींच्या नियंत्रणासाठी प्रादुर्भावग्रस्त पाने, फांद्या, पानांच्या देठाचा अळीसह नायनाट करावा,’’ असेही सव्वाशे म्हणाले.

कृषी सहाय्यक गोवर्धन उंडे यांनी निंबोळी अर्क घरच्या घरी कसा तयार करावा, या विषयी माहिती दिली. कृषी सहाय्यक विजय जाधव, योगेश तहकिक, अंकुश जुमडे, गणेश फिस्के, सावता काळे, भाऊसिंग पवार, प्रवीण पवार, शिवाजी शिंदेसह शेतकरी उपस्थित होते.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com