मराठवाड्यातील उपयुक्‍त पाणी ३५ टक्‍क्‍यांवर

औरंगाबाद : मराठवाड्यातील ७५२ लघू प्रकल्पांतील उपयुक्‍त पाणीसाठा ३५ टक्‍क्‍यांवर आला आहे.
Useful water in 752 small scale projects in Marathwada at 35 percent
Useful water in 752 small scale projects in Marathwada at 35 percent

औरंगाबाद : मराठवाड्यातील ७५२ लघू प्रकल्पांतील उपयुक्‍त पाणीसाठा ३५ टक्‍क्‍यांवर आला आहे. एकूण लघू प्रकल्पांपैकी हिंगोली जिल्ह्यातील २६ लघूप्रकल्पांमधील उपयुक्‍त पाणीसाठा सर्वात कमी म्हणजे २४ टक्‍क्‍यांवरच आला आहे, अशी माहिती जलसंपदा विभागातर्फे देण्यात आली. 

मराठवाड्यातील ७५२ लघू प्रकल्पांपैकी सर्वाधिक संख्येने असलेल्या उस्मानाबाद जिल्ह्यातील २०५ लघू प्रकल्पांत केवळ ३२ टक्‍के उपयुक्‍त पाणी शिल्लक आहे. त्यापाठोपाठ लातूर जिल्ह्यातील १३२ लघू प्रकल्पांत ३८ टक्‍के, बीडमधील १२६ प्रकल्पांत ३८ टक्‍के, औरंगाबादमधील ९६ लघू प्रकल्पांत ३८ टक्‍के, जालन्यातील ५७ प्रकल्पांत ३४ टक्‍के, नांदेडमधील ८८ लघू प्रकल्पांत ४१ टक्‍के, तर परभणीमधील २२ लघू प्रकल्पात केवळ ३६ टक्‍केच उपयुक्‍त पाणी आहे. 

लातूरमधील ४, औरंगाबाद व उस्मानाबादमधील प्रत्येकी २ व बीडमधील एक लघू प्रकल्प कोरडाठाक पडला आहे. ७४ लघू प्रकल्पांतील पाणीसाठा जोत्याखाली गेला आहे. त्यात ७४ लघू व एका मध्यम प्रकल्पांचा समावेश आहे. औरंगाबादमधील ६, जालन्यातील ७, बीडमधील २१, लातूरमधील १५, उस्मानाबादमधील १६, नांदेडमधील ६, परभणीतील एक व हिंगोलीतील २ लघू प्रकल्पांमधील, लातूर जिल्ह्यातील एका मध्यम प्रकल्पातील पाणीसाठा जोत्याखाली गेला आहे. 

मराठवाड्यातील १६१ लघू प्रकल्पांतील पाणीसाठा २५ टक्‍क्‍यांपेक्षा कमी आहे. ३०३ लघू प्रकल्पांत २५ ते ५० टक्‍के, १८३ लघू प्रकल्पांत ५० ते ७५ टक्‍के, तर केवळ १२२ लघू प्रकल्पांत ७५ टक्‍क्‍यांपेक्षा जास्त उपयुक्‍त पाणी आहे. ७५ मध्यम प्रकल्पांपैकी ७ मध्यम प्रकल्पांत २५ टक्‍क्‍यांपेक्षा कमी पाणी आहे. २४ मध्यम प्रकल्पांत २५ ते ५० टक्‍के, ३९ मध्यम प्रकल्पांत ५० ते ७५ टक्‍के, तर केवळ ४ मध्यम प्रकल्पांत ७५ टक्‍क्‍यांपेक्षा जास्त पाणी शिल्लक आहे.

  औरंगाबादमधील १६ मध्यम प्रकल्पांत ६० टक्‍के पाणी औरंगाबादमधील १६ मध्यम प्रकल्पांत ६० टक्‍के, जालन्यातील ७ मध्यम प्रकल्पांत ५६ टक्‍के, बीडमधील १६ मध्यम प्रकल्पांत ५७ टक्‍के, लातूरमधील ८ मध्यम प्रकल्पांत ३३ टक्‍के, उस्मानाबादमधील १७ मध्यम प्रकल्पांत ५४ टक्‍के, नांदेडमधील ९ मध्यम प्रकल्पांत ५० टक्‍के, तर परभणीतील २ मध्यम  प्रकल्पांत ५७ टक्‍केच उपयुक्‍त पाणी आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com